"Хушхабар"
@SirdaryoЗафар эшикка термулганича узоқ турди. У гўё шу қадар узоқ муддат тик турдики, гўё оёқларидан бор қувват кетиб йиқилаётгандек бўлди.
Ўзини мадорсизлана бошлаганини сезган Зафар секин аста, ўриндиқдаги бўш жойга бориб ўтирди. Бироздан сўнг у термулган эшик очилди. Қўлига қоғозлар ушлаб олган Ойгул кўринди. У чиқиши биланоқ нигоҳи ила Зафарни қидирди. Уни кўргач, шошилмай юриб унга яқинлашди ва жилмайганича қўлидаги қоғозни Зафарга узатди. Зафар бир қоғозга, бир Ойгулга термулиб ўтираверди.
- Олмайсизми? - аразлаган бўлди Ойгул ширингина жилмайишини қўймай.
Зафар қўлига қоғозни олди. Унинг ичини очишга улгурмаган эди ҳамки, Ойгулнинг ўзи "хушхабарни" айтиб қўя қолди:
- Сиз яқинда ота бўласиз!
Ойгул Зафарни хурсандчиликдан кўкка сакрашини ва уни қучоқлаганича табриклашини кутди.
Бироқ Зафар бу "хушхабар"дан кейин, худди михланиб ташлангандек қимирламай ўтираверди. Ойгул ҳеч гапга тушунмай унга тикилиб қолди. Зафарнинг кўзларида эса, афсуснинг алангали ўти ёнмоқда эди. У ич-ичидан қаттиқ пушаймон эди. У ўзининг бепушт эмаслигини қанчалар қиммат йўл билан исботлаганини энди тушунганди. Чунки уйда у севадиган, ва уни жонидан ортиқ кўрадиган ажойиб аёли Малика кутмоқда эди.
Санжар Ғулом
#Мутолаа