何謂「平等」
Loewenstein〈 返回 法律淺說 下一篇 有理可據驗證測試 〉
平等，就係 一視同仁 。
意思係「不同嘅人喺類似嘅事情上，要有類似嘅待遇」；故此，凡討論平等問題前都先要為「事情」設限，然後再討論「待遇」。
大家或者會問，既然一視同仁，其實討論嚟做咩？最多係講待遇唔公道又唔透明之類。當然，待遇唔公道係另一個問題，今次要針對嘅係「平等待遇」。
一視同仁 係法律原則，哪怕係唔會被輕易放棄嘅基礎，亦只屬一般廣泛情況；法律上總會有一堆特殊例子而容許待遇不同。
————————————————
唔明白嘅讀者，可以先答一條簡單問題
1) 你認為人人都應該有人身自由嗎？
2) 如果係，監犯應該有人身自由嗎？
心知肚明嘅係，我哋冇當監犯唔係人，而係剝奪佢哋人身自由係一個特例，亦係必須而且合理嘅決定，即係「有理可據嘅偏離」(Justified Departure)。
————————————————
對於特例，即係「不平等待遇」上，法庭有相當嚴謹嘅標準，唔會凡事都容許。
除非滿足某啲條件，證明需要用其他方式處理，否則喱種「不平等」係不合法，係「無理可據嘅偏離」。
至於咩係「有理可據嘅偏離」，睇下一篇「有理可據驗證測試」 (The Justification Test) 。
〈 返回 法律淺說 下一篇 有理可據驗證測試 〉