USMLE STEP 1 - PASS | Nurjakhon

Medcloud

Hammaga salom!

Mening ismim Nurjahon va men 2025 yilda TPMI’ni tamomladim. Bugun sizlarga Step 1 imtihoniga tayyorgarlik jarayonim, bu uzoq va oson bo‘lmagan yo‘lim haqida, va qanday qilib uzoq kutilgan “PASS” natijasiga erishganimni aytib bermoqchiman!

Medcloud kurslari

USMLE haqida ilk bor 3-kursda, tasodifan YouTube’da Nazokatning videosiga duch kelganimda bildim. O‘sha paytda men chet elga o‘qishga kirish yo‘llarini izlayotgan edim va bu video menga turtki bo‘ldi. U USMLE, Step 1 ga tayyorgarlik va topshirish haqida gapirgan edi. Bu katta imkoniyat ekanini tushunib, urinib ko‘rishga qaror qildim.

Men Medcloud kurslariga yozilmoqchi bo‘lardim, lekin doim kechiktirar edim. 3-kurs oxirida esa Javlon aka guruhidagi nevrologiya bo‘yicha oflayn mashg‘ulotlarga qo‘shildim. Karantin davrida onlayn talaba bo‘lganim uchun bazam juda zaif edi. Nevrologiya bo‘yicha birinchi darsimizda hamma mavzuni qizg‘in muhokama qilib, klinik keislarni yechardi, men esa hech narsani tushunmay, hayron o‘tirardim. O‘shanda bu imtihonni topshirolmasligimni o‘ylaganman.

Lekin Medcloud jamoasi doim yordam berishar, tushuntirishar va qo‘llab-quvvatlashar edi. Har kuni markazga kelib, odamlar qanday shug‘ullanayotganini, o‘z ustida ishlayotganini ko‘rib, men ham kichik qadamlar bilan oldinga intildim.

Farhod aka videodarslari menga ilgari tushunmagan mexanizmlarni anglashga juda yordam berdi. Har safar yangi narsalarni o‘rganib, tibbiyotga qayta oshiq bo‘ldim. Har bir videoni bir nafasda tomosha qilardim, ayniqsa fiziologiyani! Sizga katta rahmat, Farhod aka, mehnatingiz va videodarslar yaratishdagi hissangiz uchun!

2022 yil sentabr oyida Farhod akaning “noldan” ochilgan guruhini eshitib, darhol yozildim. Boshlanishida biz juda ko‘p edik, lekin Farhod aka shunday degandi: "Hamma qolmaydi. Ko‘pchilik ketadi va faqat ayrimlaringiz oxirigacha yetib boradi." Va bu haqiqat bo‘ldi — ko‘pchilik ketdi, kursni tashladi, va biz tobora kamaydik. O‘shanda o‘zimga va’da berdim: qanchalik qiyin bo‘lmasin, oxirigacha yetaman.

Darslarni embriologiyadan boshladik, keyin anatomiya, fiziologiya va boshqa tizimlarga o‘tdik. Mashg‘ulotlar faqat mavzular va keyslarni muhokama qilish bilan cheklanmas, balki Farhod akaning hayotiy maslahatlari ham bo‘lardi. Biz rivojlandik, o‘zgardik va yaxshiroq inson bo‘ldik. Afsuski, 2023 yil may oyida markaz yopildi va men mustaqil shug‘ullanishni boshladim.

OTM va Step 1 ga tayyorgarlikni birlashtirish

2023 yil yozida men bir necha haftalik tanaffus qilishga qaror qildim, lekin bu oylar davom etib ketdi. 2023 yil sentabrda kuchimni yig‘ib, UWorld sotib oldim, ammo dastlabki oylar ham uni to‘liq ishlatmadim. 5-kurs, klinik sikllar va tayyorgarlikni birga olib borish oson emasdi.

Lekin dugonam Barkamol tufayli men buni uddalardim. Biz birga tayyorlandik, bir-birimizga yordam berib, qo‘llab-quvvatladik. Har doim og‘ir sumka — ulkan First Aid kitobi va planshet bilan yurardik. Ma’ruzalarda ham, darslarda ham quloqchin taqib, keyslar yechardik, mavzularni tahlil qilar, kartochkalar tayyorlardik.

O‘qishdan keyin kutubxonaga borib, tunda kutubxonadan chiqarguncha ishlardik. Bizning bir yil davomida kun tartibimiz deyarli bir xil edi: o‘qish → kutubxona (yoki uy) → uy. Bir-birimiz uchun tayanch va kuch edik. Men hamma talabalar uchun maslahat beraman: birga tayyorlanadigan yoki hech bo‘lmasa dardini ayta oladigan odam toping.

Tayyorgarlik

Mening tayyorgarligim 3 yil davom etdi — tanaffuslar, charchashlar va boshqa muammolar bilan. 2024 yil oktyabrida, 6-kursda bizni “amaliyot”ga yuborishdi va men shundan boshlab to‘liq kun (7-8 soat) shug‘ullana boshladim. Har yakshanba dam olardim.

Men deyarli barcha tayyorgarlik usullarini sinab ko‘rdim va eng yaxshisi, deb hisoblaganim: First Aid + Bootcamp + Pathoma — nazariyani o‘rganish uchun, so‘ngra UWorld’dagi keyslar bilan mustahkamlash.

Keyslarni tizimli, vaqt belgilangan holda ishlardim — natijalar odatda 60–70% bo‘lardi. Har bir keysni, hatto to‘g‘ri javob berganlarimni ham tahlil qilib, “mistakes” degan alohida kollektsiyamga kartochkalar qo‘shardim. Reja tuzishda Sergey Korgi yordam berdi — kunlar bo‘yicha aniq rejam bor edi.

UWorld’da mixed, timed rejimida ishlashni boshlaganimda natijam 50% gacha tushib ketdi va bu meni tushkunlikka tushurdi. Shunda men video va PDF Mehlman, farmakologiya uchun Pixorize, statistika uchun Randy Neil, kuchsiz mavzular uchun Dirty Medicine, shuningdek, Amboss mixed keyslarini qo‘shdim. Ana shundan keyin UWorld natijalarim osha boshladi.

Mening kundalik rejam:

Anki – 30 daqiqa
PDF Mehlman – 1-2 soat
UWorld — 2 blok (2 soat)
Keislarni tahlil qilish va kartochkalar tuzish — 5-6 soat

First Dedicated

Oxirgi oylarimda ertalab soat 8:00 dan kechki 22:00 gacha, tanaffuslar bilan, kuniga 9–10 soat shug‘ullandim. Ko‘pincha ovqatlanishni unutardim, dam olish kam bo‘ldi va bu sog‘lig‘imga ta’sir qildi — charchash va “burnout” boshlandi. Keyslar ko‘rishga toqatsiz bo‘lib qoldim va tezroq imtihonni topshirishni xohlardim.

2025 yil 16-fevral kuni NBME 27 ni yechdim — 68% chiqdi. Quvonib, imtihon sanasini belgiladim va Istanbulga chipta oldim. Bu katta xato bo‘lib chiqdi. Menga shunday tuyulgandi: yarim oy davomida NBME ishlayman, natijalarim oshadi. Ammo charchash kuchaydi, o‘zimni majburlab, har kuni keyslar ishlashga urinardim. Tana esa SOS signalini berdi.

Shunga qaramay, hech kimni, hatto o‘zimni ham tinglamay, 2025 yil aprel oyida Turkiyaga uchdim. Imtihondan 3 kun oldin Prometric’da Free 120 ni ishladim — 58% chiqdi. Bu menga juda katta signal bo‘ldi.

Medcloud jamoasi bilan maslahatlashib, imtihonni ko‘chirishga qaror qildim. O‘sha paytda meni qo‘llab-quvvatlagan va imtihonni bekor qilishda yordam bergan Medcloud jamoasiga katta rahmat! Toshkentga qaytgach, sog‘lig‘imni tiklash uchun bir necha hafta dam oldim, imtihonni bekor qilish to‘lovini qildim va permit muddatini uzaytirdim. Maslahat: Sana belgilashga shoshilmang, imtihonni bekor qilish — juda asabiy va murakkab jarayon.

Second Dedicated

Kuch va energiyani qayta tiklab, yangidan shug‘ullanishni boshladim. Ikkinchi dedicated davrimda asosan keyslarga urg‘u berdim:

UWorld va Amboss mixed rejimida faqat incorrects ishladim.
Mehlman videolarini ko‘rdim.
Kartochkalarni takrorladim.

Har bir qadamimni mentorlarimga xabar qilib bordim va birga harakat qildik. 2025 yil iyun oyida eski va yangi NBME’larni ishladim — barchasi 70% dan yuqori chiqdi. Oxirgi mock imtihonim 84% bo‘lgach, hamma bilan maslahatlashib, 22-iyul sanasini belgiladim. Bu safar ishonch va xotirjamlik bilan imtihonga kirdim.

1 dedicated: 2 dedicated:

NBME 25 - 58% - 1.12.24. NBME 26 - 75% - 19.06.25

NBME 26 - 60% - 13.01.25. NBME 24 - 72% - 25.06.25

NBME 27 - 68% - 16.02.25 NBME 31 - 86% - 1.07.25

NBME 28 - 65% - 24.02.25. NBME 29 - 84% - 10.07.25

Free 120 old- 70%- 3.03.25. Free 120 new- 76% - 17.07.25

UWSA 1 - 60% - 6.03.25

NBME 29 - 66% - 10.03.25

NBME 30 - 70% - 20.03.25.

NBME 31 - 68% - 25.03.25

Free 120 new- 58%- 5.03.25.

X Day

Imtihondan bir hafta oldin butun First Aidni qayta o‘qidim va rapid review qildim. Imtihondan 2 kun oldin Istanbulga uchib bordim, konspektlarimni va kartochkalarimni ko‘rib chiqdim, so‘nggi kuni esa to‘liq dam oldim.

Ko‘pchilik kabi men ham o‘sha tun uxlay olmadim — imtihon haqida o‘ylab yotdim. Ertalab ertaroq turdim, nonushta qildim va soat 8:30 da Prometric markazida edim. Odamlar ko‘p bo‘lgani uchun ichkariga kech kirdim — 9:30 da.

Birinchi blok menga oson tuyuldi, go‘yo UWorld ishlayotgandek bo‘ldi va bu meni xursand qildi. Har bir keysga 1,5 daqiqa ajratishga harakat qildim, ishonchim bo‘lmagan savollarni esa bayroqcha bilan belgiladim, keyin qaytib ko‘rish uchun. Savollar uzun edi, Amboss uslubida, ko‘p rasm, etika va farmakologiya bo‘yicha savollar bor edi.

Birinchi bloklardan keyin joyimda 3–4 daqiqa dam olardim — vaqtni tejash uchun. 3 va 4-bloklarda charchadim va 15 daqiqa tashqariga chiqib, qahva ichib, sendvich yedim. Qahva menga ancha yordam berdi — hushyor bo‘ldim va diqqatimni jamladim. Har bir blokdan keyin suv ichishga, pechenye yoki banan yeyishga chiqardim.

6 va 7-bloklarga kelib juda charchadim, asosiy maqsadim esa hammasini vaqtida yakunlash edi. Umuman olganda, 8 soat juda tez o‘tdi. Ichimda yengillik hissi paydo bo‘ldi, go‘yo topshirgandek bo‘ldim, lekin boshqa tomondan bayroqchada qolgan savollar tufayli xavotir ham bor edi. Maslahat: Ko‘p bayroqcha qo‘ymang. Savolni joyida hal qilib, yopganingiz yaxshi. Har blokdan keyin kamida suv ichish uchun chiqib keling.

Ideal tanaffus taqsimoti:

Tanaffus №1 – 5 daqiqa – Hojatxona / suv ichish
Tanaffus №2 – 7 daqiqa – Hojatxona / suv / yengil ovqat
Tanaffus №3 – 7 daqiqa – Hojatxona / suv / yengil ovqat
Tanaffus №4 – 20 daqiqa – Tushlik (sendvich +/- qahva)
Tanaffus №5 – 10 daqiqa – Hojatxona / suv
Tanaffus №6 – 10 daqiqa – Hojatxona / suv / yengil ovqat

Imtihondan keyin

Toshkentga qaytib kelganim zahoti boshqa imtihon — IELTS ga tayyorgarlikni boshladim. Magistraturaga hujjat topshirish uchun, xavfsizlik uchun. Atigi 2 kun tayyorlanib, B2 darajasini oldim va oxirgi kunda hujjatlarni topshirdim.

Vaqt topilmagani uchun USMLE natijasini o‘ylashga ulgurmadim. Ba’zan savollarni eslab, qaysilariga to‘g‘ri javob berganimni tushunardim, qaysilarida esa xatoga yo‘l qo‘yganimni. Natija haqida o‘ylamaslikka va o‘zimni chalg‘itishga harakat qildim — keyin yengil bo‘ldi.

Natijani kutish va olish

Barkamol bilan kelishib, natijani birga ko‘rishga qaror qildik. U ochib, ko‘zida yosh bilan menga qaradi — men esa "FAIL" deb o‘yladim. Lekin u baqirib: “PASS!” deb ko‘rsatdi. Men bunga ishonolmadim. Bu tasvirlab bo‘lmas eng zo‘r tuyg‘u edi. Barcha mehnatlarim bejiz ketmaganidan juda baxtli va minnatdor bo‘ldim.

USMLE yo`lida men inson sifatida ulg‘aydım, o‘zgardim, atrofimdagi odamlar, dunyoqarashim o‘zgardi va uzoq orzu qilgan shaxsga aylandim. Bu uzun va mashaqqatli yo‘ldan o‘tganimdan aslo afsuslanmayman.

Mening maslahatlarim

Aniq reja tuzing va imkon qadar hammasini o‘z vaqtida bajarishga harakat qiling.
O‘zingizga yordam beradigan, birga tayyorlanadigan va qo‘llab-quvvatlaydigan odamlarni yoningizga to‘plang.
Haftada hech bo‘lmasa bir marta dam oling va biror ish rejalashtirilganidek bo‘lmasa, o‘zingizni ayblamang.
Organizingizni tinglang va zarur bo‘lganda tanaffus qiling, shunda charchash va burnout holatidan saqlanasiz.
Har doim, hatto tayyorgarlikning boshida ham, case’larni yeching. Faqat case’larni yechib, ularni chuqur tahlil qilish orqali natijalarni yaxshilash mumkin.
O‘zingizga ishoning — agar bu yo‘lni boshlab qo‘ygan bo‘lsangiz, demak siz allaqachon zo‘rsiz!

Minnatdorchiliklar

O‘z yaqinlarimga, ayniqsa dunyodagi eng yaxshi onamga — meni har doim qo‘llab-quvvatlagan, so‘zsiz tushungan va men o‘zimga ishonmagan paytlarimda ham menga ishongan onamga — katta rahmat aytaman. Doimo imtihonlarga tayyorgarlik ko‘rishimni tushunmagan, ammo har doim men uchun duo qilgan aziz buvimga minnatdorchilik bildiraman. Amakim, tog‘am va singlimga — cheksiz qo‘llab-quvvatlashlari va menga bo‘lgan ishonchlari uchun rahmat.

Eng yaxshi darslar, motivatsiya va maslahatlari uchun Farhod akaga rahmat.
Reja tuzish va tayyorgarlikni soddalashtirishda yordamlari uchun Medcloud jamoasiga — Muso, Shahzod, Mushtari va Shahnozaga minnatdorchilik bildiraman.
Do‘stim Barkamolga — doimo yonimda bo‘lgani, dardlarimni tinglagani va qo‘ldan kelgancha yordamlashgani uchun rahmat.
621-guruh kursdoshlarimga — cheksiz qo‘llab-quvvatlash va yordam uchun katta rahmat.
Va, albatta, barcha yaqinlarimga, do‘stlarimga, stadi-hamkorlarimga va menga yordam bergan barchaga rahmat. Sizlarsiz men buni uddalay olmasdim.

Har bir kichik qadam bizni orzularimizga yaqinlashtiradi, va shu qadamlarning uzluksizligi — muvaffaqiyat kalitidir.

Aloqa uchun:

Telegram - @bekmuratova_md

Instagram - bekmuratovaan

Email - bekmuratovanur21@gmail.com

Yaqinda imtihonni topshirgan talabalar hisoboti:

USMLE STEP 1 - PASS | Nurmuhammad

Men qila olmayman, UWorld natija past chiqdi, men bu narsani tushuna olmayman degan hislar yo'lning ohiri ko'rinmasligi kabi hislar tabiy va siz buni yengib o'tasiz huddi men kabi.

Hisobotni o'qish

2. USMLE STEP 1 - PASS | Shokhrukhbek