Муқаддас "йилнинг энг яхши соғлом турмуш тарғиботчиси" бўлмоқчи эди, аммо унга учинчи ўрин насиб этди

Гулистон шаҳар тиббиёт бирлашмасига қарашли 2- сонли оилавий поликлиника умумий амалиёт ҳамшираси Муқаддас Хабибова пойтахтда "Йилнинг энг яхши ўрта тиббий ва фармацевтика ходими" номинацияси бўйича ўтказилган кўрик-танловда нуфузли ўринни қўлга киритиб, “Йилнинг энг яхши соғлом турмуш тарзи тарғиботчиси” бўлмоқчи эди. Аммо, бу озгина ўхшамай қолди. Унга ушбу нуфузли танловда 3-ўрин насиб этди.

—Ҳамма гап, интилишда, изланишда, экканлигига яна бир бор, мазкур танловда иштирок этиб амин бўлдим,— дейди Муқаддас Хабибова.—Биламизку, аҳолининг саломатлигини сақлаш соғлом турмуш масаласи билан бевосита боғлиқ. Бу борада, нафақат Гулистон шаҳрида, Сирдарё вилоятида кўплаб, ижобий ишлар амалга оширилди. Жойларда, ҳудудларда ўтказилган кўплаб тадбирларимизда ана шу масалага жиддий аҳамият қаратганмиз. Танловда бу масалалар ҳам инобатга олиниб, Сирдарё вилоятдан вакил бўлиб келган иштирокчи, яъни мени  3-ўринга муносиб кўришди. Шунинг ўзи ҳам, катта бахт.

Мазкур танловда, Республикамизнинг барча вилоятларидан иштирокчи қатнашди. Биринчи ўрин Жиззах, иккинчи ўрин Сурхондарё, учинчи ўрин Сирдарёдан ташриф буюрган умумий амалиёт ҳамширасига насиб этди.

—Келгусидаги режалар катта. 2025 йилда ўтказилиши кузда тутилган мазкур танловга бунданда яхши тайёргарлик кўриб, аҳолини саломатлигини сақлаш борасида олиб бораётган тарғибот тадбирларига катта аҳамият қаратамиз. Бу эса, келгуси йил, шу йўналишда ғолибликни, яъни биринчиликни қулга киритиш кафолати бўлиб хизмат қилса ажабмас,-дейди у.

Сирдарё вилояти Соғлиқни сақлаш бошқармаси матбуот хизмати