“Temurbeklar” maktabiga uslubiy koʻmak
2024-yil 29-mart kuni OʻzR MG Toshkent “Temurbeklar maktabi”da temuriy shahzoda, davlat arbobi va taniqli astronom olim Mirzo Ulugʻbek tavalludining 630-yilligi munosabati bilan 2 bosqich oʻquvchilari orasida “Brein-ring” intellektual tanlovi oʻtkazildi. Unda oʻquvchilar Mirzo Ulugʻbekning hayoti va ijodi, davlat boshqaruvi, astronomiya va kosmonavtika hamda mantiqiy savollar yoʻnalishida oʻz bilimlarini sinashdilar.
Oʻquvchilarning bilimlari OʻzMU fizika fakulteti katta oʻqituvchisi, f.-m.f.n. F.T. Shamsiyev, oʻqituvchi F.Oʻ. Botirov, oʻqituvchi D.A. Rashidov hamda tayanch doktoranti D.X. Bekov tomonidan baholab borildi.
OʻzR Prezidentining 2019-yil 28-iyundagi PQ-4375-sonli qarori talablarini bajarish boʻyicha OʻzMU hamda Milliy gvardiya “Temurbeklar maktabi” oʻrtasidagi hamkorlik rejasi asosida mehmonlar harbiy-akademik litsey faoliyati, oʻquvchilarga yaratilgan shart-sharoitlar, oʻquv jarayonlari bilan yaqindan tanishdilar. Fizika fani oʻqituvchilariga mazkur fanni oʻqitish yuzasidan uslubiy maslahatlar berdilar.