🛜 TV Box & IPTV #️⃣ FAQ for Beginners .1

1. ტვ ბოქსი, სმარტ ტვ ბოქსი, სტიკი, დანგლი, მინი ტვ ბოქსი - რა არის ესენი?

ესენი ყველა არის სმარტ მოწყობილობები, რომლებიც უკავშირდება ტელევიზორს, პროექტორს ან მონიტორს და გაძლევთ უამრავ შესაძლებლობას (თუ რა შესაძლებლობებს ამას მე-3 შეკითხვის პასუხში მოგახსენებთ).

2. მაშინ რატომ ჰქვია სხვადასხვა სახელი? რა განსხვავებაა ბოქსს და სტიკს ან თუნდაც დანგლს შორის?

ძირითადი განსხვავება არის ორი რამ: ფორმა და დამატებითი პორტები (ე.წ. „შესაერთებელები“).

ტვ ბოქსი არის ასეთი ფორმის:

სტიკი არის ასეთი ფორმის:

ეს არის დანგლი

არსებობს ასევე მინი ტვ ბოქსები, ასეთი ფორმით

თუ დამატებით გაინტერესებთ როგორ შეართოთ ბოქსი ტელევიზორს აგერ ვიდეო: https://youtu.be/xV_Da7MS_LQ | https://youtu.be/diBY0y9YWZw?t=11

რაც შეეხება პორტებს ამას ვიზუალზეც შეატყობდით. ტვ ბოქსების უმეტესობას (ყველას თუ არა) აქვს მინიმუმ 1 USB პორტი მაინც, ინტერნეტის კაბელის შესაერთებელი (LAN ETHERNET) და სხვა დამატებითი პორტები (განსხვავდება მოდელების მიხედვით). სტიკებს, დანგლებს, მინი ბოქსებს შედარებით ნაკლები პორტები აქვთ, ან საერთდაც არ აქვთ, რადგან მისი მწარმოებლები ამის საჭიროებას ვერ ხედავენ.

ეს არც ნაკლოვანებაა და არც იმის მიზეზი, რომ მათზე უარი თქვათ. თუ რატომ ამას დამატებით შეკითხვის პასუხში აგიხსნით.

შესაბამისად თუ სადმე ტვ ბოქსს ვახსენებთ, ვგულისხმობთ როგორც სტიკს, ასევე დანგლსაც და მინი ბოქსსაც.

3. რისთვის მჭირდება ტვ ბოქსი, სტიკი, დანგლი ან მინი ბოქსი?

იმისთვის რომ თქვენი ტელევიზორი გადააქციოთ თანამედროვე დახვეწილ სმარტ ტელევიზორად (საუბარია არასმარტ ტელევიზორებზე) ან უკვე არსებულ სმარტ ტელევიზორს შემატოთ უფრო მეტი ფუნქციონალები. კერძოდ:

✅ უყუროთ უამრავ, ათასობით არხებს, მრავაფეროვანი კონტენტით და საუკეთესო ხარისხით 📺

✅ უყუროთ როგორც ქართულ, ასევე მსოფლიო ქვეყნების არხებს 📺

✅ ისიამოვნოთ ნებისმიერი ჟანრის ფილმების, სერიალების, ანიმაციების ყურებით 🎬

✅ თვალი ადევნოთ ისეთ მედია სერვისებს, როგორიცაა: Youtube, Netflix, Prime Video, Hulu, HBO, IVI, Megogo, Kinopub, Kinopoisk, Filmix და ა.შ. 🎭

✅ მოუსმინოთ მუსიკას 🎵

✅ ითამაშოთ სხვადასხვა ტიპის თამაშები 🎮 [ამაზე დამატებით იქნება კითხვა, რაც აუცილებლად წაიკითხეთ თუ აპირებთ თამაშებს]⚠️

✅ ტელევიზორს შეგიძლიათ დაუკავშიროთ თქვენი სმარტფონები, პლანშეტები, კომპიუტერები 📱

✅ დააერთოთ კლავიატურა, მაუსი, გეიმპადები, აუდიო სისტემები და სხვადასხვა ბლუთუზ გაჯეტები ⌨️

ეს არის ზოგადად იმ შესაძლებლობების ჩამონათვალი რაზეც ვსაუბრობდით დასაწყისში.

დამატებით გიზიარებთ ვიდეოს რომელსაც შეგიძლიათ უყუროთ: https://youtu.be/QjAxfKw5UPg

4. რათ მინდა ბოქსი/შმოქსი, ჩემი ტელევიზორიც ისედაც სმარტია ძმააა...

ღმერთმა მშვიდობაში მოგახმაროთ ყველა შენაძენი 😁 მაგრამ ყველაფერს გაფრთხილება სჭირდება 😊 მათ შორის ტელევიზორებსაც.

მოდით ასე შევხედოთ. ტელევიზორები დავყოთ შემდეგ ტიპებად: არასმარტი (ძველებული), დაბალ ბიუჯეტური სმარტ ტელევიზორები და მაღალ ბიუჯეტური ტელევიზორები.

I. თუ ძველებური ტელევიზორი გაქვთ და ზემოთ ჩამთვლილი შესაძლებლობები გინდათ გქონდეთ, მაშინ ბოქსის/სტიკის ყიდვა გარდაუვალია (ამას ახსნაც არ სჭირდება). ცნობისთვის - ძველებურ ტელევიზორებზე, რომელსაც არ აქვთ HDMI შესაერთებელი, მასეთებზეც შეიძლება ბოქსების დაყენება, თუ როგორ ამას ქვემოთ კითხვაში ვუპასუხებთ.

სანამ დანარჩენი ორი ტიპის ტელევიზორზე გადავალთ, უნდა გავერკვიოთ მათ სმარტ სისტემებში. შეგახსენებთ რომ:

თანამედროვე სმარტ ტელევიზორებს აქვს სხვადასხვა სისტემები. მათ შორის ერთ-ერთი არის Android TV სისტემაც, რომელიც ასე გამოიყურება

დანარჩენი სისტემები კი როგორიცაა მაგალითად: Tizen, Vidaa, WebOS. ესენი სმარტ სისტემებია მაგრამ არა ანდროიდი! ამიტომ მათზე ანდროიდ აპლიკაციებს და იმ შესაძლებლობებს რაც ანდროიდს აქვს ვერ გამოიყენებთ. ეს სისტემები შეზღუდული აპლიკაციების რაოდენობით ხასიათდებიან, ჩვენ კი საუბარი გავქვს ანდროიდ სისტემის სერვისებზე. ამ სმარტ სისტემებს თქვენს გემოზე ვერ მოარგებთ, რაც აქვს, იმით უნდა დაკმაყოფილდეთ. მაგრამ ვისაც არ აკმაყოფილებს, სწორედ ის ყიდულობს ბოქს/სტიკს/დანგლს.

თუ თქვენ რომელიმე Tizen, Vidaa, WebOS ან სხვა რაიმე სმარტ სისტემის მქონე ტელევიზორი გაქვთ, აუცილებლად დაგჭირდებათ ანდროიდ ტვ ბოქსი ან სტიკი ან დანგლი.

II. თუ თქვენ გაქვთ დაბალ ბიუჯეტური სმარტ ტელევიზორი და გგონიათ რომ რახან სმარტი და ანდროიდია ამიტომ შეგიძლიათ ყველანაირად აითვისოთ მისი შესაძლებლობები, სამწუხაროდ ძალიან ცდებით რადგან ეს ასე არ არის. რატომ? მარტივად აგიხსნით - თუ გინდათ ტელევიზორს კარგ გამოსახულებასთან ერთად + კარგი პროგრამული უზრუნველყოფაც ჰქონდეს, ეს ტელევიზორი დაბალ ბიუჯეტური ვერ იქნება. ე.ი. ან გამოსახულების ხარისხში უნდა იყოს დაბალი ხარისხის, ან პროგრამულ უზრუნველყოფაში. გამომდინარე იქიდან რომ ტელევიზორი რის ტელევიზორია თუ გამოსახულება არ უვარგა, გამოდის რომ მისი გამოსახულების ხარისხი უფრო მნიშვნელოვანია ვიდრე მისი სისტემის. დაბალი ბიუჯეტის სეგმენტში არსებულ ტელევიზორებს ყველას ძალიან სუსტი სისტემა აქვს, ამიტომ თუ თქვენ მისი "ფურცელზე დაწერილი მონაცემების" ათვისებას შეეცდებით, სამწუხაროდ დიდია ალბათობა იმისა, რომ თქვენმა ტელევიზორმა დიდ ხანს ვერ გაძლოს, რადგან ეს ე.წ. "მონაცემები" და ის რომ "ტელევიზორი სმარტია ძმაო" - ხშირად მარკეტინგისთვის არის გამოყენებული, აღნიშნული ტიპის ტელევიზორების მარტივად სარეალიზაციოდ.

გამომდინარე იქიდან, რომ ქართულ რეალობაში ვცხოვრობთ და ტექნიკა არც თუ ისე იაფი ღირს (მათ შორის დაბალი ხარისხის ტელევიზორებიც), ჩვენს მიერ გადახდილი თითოეული ლარი ძალიან მნიშვნელოვანია ასეთი კაპიტალური პროდუქტის შეძენის დროს, იმიტომ რომ ტელევიზორებს ყოველ დღე ვერ ვყიდულობთ, და როცა ვყიდულობთ 3-4 ან მეტ წელზეც კი გვაქვს ხოლმე გათვლილი. შესაბამისად მნიშვნელოვანია გაუფრთხილდეთ ამ ტელევიზორებს.

ამიტომ თუ არ გვინდა ზემოთ ხსნებულ პრობლემას წავაწყდეთ და ჩვენი დაბალ ბიუჯეტური ტელევიზორი ვადაზე ადრე გაიცვითოს, ამ ყველაფრის თავიდან ასაცილებლად გამოიგონეს ტვ ბოქსები/სტიკები/დანგლები 😁

შეჯამების სახით: დაბალ ბიუჯეტური სმარტ ტელევიზორებისთვის ჩვენი მხრიდან რეკომენდირებულია, რომ გამოიყენოთ ტვ ბოქსები/სტიკები/დანგლები (მიუხედავად იმისა აქვს თუ არა თქვენს ტელევიზორს მსგავსი ტიპის შესაძლებლობები).

III. რაც შეეხება მაღალ ბიუჯეტურ ტელევიზორებს, რომლებიც ყველა ისედაც სმარტია, აქ უკვე სრულად თქვენს ნება-სურვილზეა დამოკიდებული იყიდით თუ არა სმარტ ტვ ბოქსს. მაგრამ თუ ის ანდროიდი არ არის, იძულებული იქნებით იყიდოთ ტვ ბოქსი ან სტიკი, თუ გჭირდებათ ანდროიდ აპლიკაციებით სარგებლობა. ხოლო თუ თქვენი მაღალ ბიუჯეტური სმარტი ანდროიდის სისტემაზე მუშაობს, მაშინ შეგიძლიათ გამოიყენოთ თავისუფლად.

თუმცა ხშირ შემთხვევაში სწორედ ტელევიზორის გაფრთხილების თვალსაზრისით ყიდულობენ ტვ ბოქსებს, რადგან ურჩევნიათ დამატებით 50$-100$_ის გადახდა, კაპიტალური შენაძენის დაზღვევის მიზნით, რათა ტელევიზორმა არ დატვირთოს საკუთარი სმარტ სისტემა და მის მაგივრად ბოქსმა იმუშაოს.

ზოგადად, ბოქსის დაერთების შემთხვევაში, სრული დატვირთვა მიდის ტვ ბოქსზე, ხოლო ტელევიზორი მხოლოდ გამოსახულებას იძლევა ტვ ბოქსიდან წამოსული სიგნალის საფუძველზე.

ახლა კი სრულად თქვენზეა დამოკიდებული და გადასაწყვეტი, შეიძენთ თუ არა ანდროიდ ტვ ბოქსს/სტიკს. ჩვენგან უბრალოდ რეკომენდაციის სახით შეგიძლიათ მიიღოთ ზემოთხსნებული ინფორმაცია ♥

5. და მაინც რომელი ვიყიდო ტვ ბოქსი, სტიკი, დანგლი თუ მინი ბოქსი ... ?

ყველაზე გავრცელებული არასწორი შეკითხვა. რატომ? იმიტომ რომ ამაზე ერთმნიშვნელოვანი პასუხი არ არსებობს. თუ ვინმემ გითხრათ პირდაპირ პასუხი ამ შეკითხვაზე ("ბოქსი იყიდე ძმა, სტიკი არ ვარგა" 😂), ჩათვალეთ რომ მან არაფერი არ იცის :)) ეს მოწყობილობები უნდა შევარჩიოთ ჩვენი საჭიროებებიდან გამომდინარე, თუ რისთვის გვჭირდება, რაში გამოვიყენებთ, რა დანიშნულება ექნება და არა მათი უბრალოდ განსხვავებული ფორმების გამო. უფრო ვრცლად თქვენს საჭიროებებზე გეტყვით ქვემოთ:

• "...მხოლოდ ინტერნეტ ტელევიზიის საყურებლად მინდა..." - ნებისმიერი გამოგადგებათ (ბოქსი, სტიკი, დანგლი, მინი ბოქსი)
• "...მხოლოდ ინტერნეტ ტელევიზიისთვის და Youtube-ის საყურებლად მინდა..." - ნებისმიერი მოწყობილობა გამოგადგებათ
• "...მხოლოდ ინტერნეტ ტელევიზიისთვის, Youtube და ფილმების საყურებლად მინდა..." - ნებისმიერი მოწყობილობა გამოგადგებათ

როგორც ხედავთ არ აქვს მნიშვნელობა რას ვიყიდით ამ მხრიმ. მაგრამ ახლა ვნახოთ სხვა ყველაზე გავრცელებული საჭიროებები თუ პრობლემები რაც გვაქვს სანამ ვიყიდით რომელიმეს.

• "... ვაიფაი არ მიმუშავებს კარგად..." - ესეიგი ისეთ მოწყობილობა გვჭირდება რომელსაც ინტერნეტის კაბელს დავაერთებთ ანუ რომელსაც აქვს ETHERNET ის პორტი ისეთ მოწყობილობას ვეძებთ. ესეთები ხშირ შემთხვევაში არის ბოქსები და მინი ბოქსები. სტიკებსა და დანგლებს ძალიან მცირე რაოდენობის მოდელებს აქვთ ინტერნეტის კაბელის შესაერთებელი.

მსგავსი პრობლემა გამოწვეულია უხარისხო როუტერის გამო, ამიტომ უმჯობესია ეცადოთ როუტერი გამოცვალოთ, რადგან ლანზე (კაბელზე) დაერთებით და wifi-ზე თანაბარი სიჩქარის ინტერნეტი უნდა მოგეწოდებოდეთ.

• "... ხშირად მჭირდება ფლეშკიდან ფაილების გახსნა..." - ამ შემთხვევაში USB პორტის საჭიროებაა ანუ ვეძებთ ისეთ მოწყობილობებს რომლებსაც ექნებათ USB-ის შესაერთებელი პორტი.
• "... ეს ბოქსები და ანტენები არ მინდა, მჭირდება რაიმე კომპაქტური..." - ამ შემთხვევაში ვეძებთ რაიმე კომპაქტურს, რომ სატარებლად მარტივი იყოს, ან თუნდაც გვინდოდეს რომ ბოქსმა ოთახის ინტერიერი არ დაამახინჯოს, შესაბამისად მისი ტელევიზორის უკან "გადამალვა" შეიძლებოდეს. მსგავს პრობლემას ტვ სტიკები, დანგლები ან მინი ბოქსები მოაგვარებს.

მოკლედ ბევრი რომ არ გაგვიგრძელდეს, არსებობს თქვენი საჭიროებები და მოთხოვნილებები, და არსებობს უამრავი მოწყობილობა რომელიც ამ თქვენს მოთხოვნებს დააკმაყოფილებენ შესაბამისი ბიუჯეტის ფარგლებში. ვიღაცას პულტი მოწონს, ვიღაცას დიზაინი მოწონს და ა.შ. ძალიან ბევრი ფაქტორია რაც განაპირობებს იმის რჩევას თუ რომელი იყიდოთ. ამისთვის არსებობს ჩვენი ჯგუფი და იქ დაგეხმარებით. ასევე შეგიძლიათ ნახოთ მე-17 შეკითხვა: ცრუ წარმოდგენები ტვ ბოქსებზე... რაც დაგეხმარებათ ტვ ბოქსების/სტიკების სწორად შერჩევაში.

6. საჭიროებები გარკვეული მაქვს, სხვა რას უნდა მივაქციო ყურადღება? რა მონაცემებს ვუყურო?

ძალიან კარგი, ე.ი. ვიცით რომ ასე ერთმნიშვნელოვნად ტვ ბოქსი არ ჯობია სხვა კომპაქტურ წარმომადგენლებს. ტვ ბოქსებს მისი უპირატესობები აქვს, სტიკებს, დანგლებს და მინი ბოქსებს კი თავიანთი. ამ უპირატესობების გარკვევას შეძლებთ უფრო დეტალურად როცა მათი ფუნქციონალების და მონაცემების გარკვევას შეძლებთ.

ტვ ბოქსების/სტიკების შეძენისას გასათვალისწინებელია უამრავი დეტალი, მაგრამ ჩვენ მოგახსენებთ იმ ძირითადი მომენტების შესახებ რასაც აუცილებლად უნდა მიაქციოთ ყურადღება სანამ ყიდვას დააპირებთ. ეს დეტალებია: 1. ოპერაციული სისტემა (პროგრამული უზრუნველყოფა); 2. პროცესორი; 3. სერტიფიცირება; 4. მეხსიერება; 5. მწარმოებელი; 6. დამატებითი ფუნქციონალები (რაც თქვენს საჭიროებებს სჭირდება მაგ.: Dolby Vision, Dolby Atmos).

ამ ყველაფერს კრიტიკული მნიშვნელობა აქვს მისი გამოყენების დროს რათა არ გაგიჭედოთ და მისი გამოყენება იყოს კომფორტული და სასიამოვნო და არა ნერვები მოგიშალოთ 😂

დამატებით ვიდეო: https://youtu.be/il5sJWxpZHU

7. RA HIRS ES BOKSI? ანუ ყველაზე მთავარი - რა თქმა უნდა ბიუჯეტი!

ყიდვისას აუცილებელია გვქონდეს განსაზღვრული ბიუჯეტი, რის ფარგლებშიც ვუყურებთ მათ მონაცემებს და შესაძლებლობებს, და ვირჩევთ მათ შორის საუკეთესო ვარიანტს.

ბიუჯეტის ამბავში, იყოფა შემდეგ სეგმენტებად: <50$-მდე, 50$-100$, 100$-150$ და >150$-ზე მეტი.

როცა ჩამოაყალიბებთ თქვენს სურვილებს და ბიუჯეტს, ამის შემდეგ თქვენთვის შესაბამისი ბიუჯეტის კატეგორიაში უნდა მოიძიოთ ისეთი ბოქსი/სტიკი, რომელიც დააკმაყოფილებს თქვენს მოთხოვნებს.

ძირითადი მოთხოვნების დასაკმაყოფილებლად 50$-მდე ბიუჯეტის ფარგლებში ძალიან ბევრი არჩევანის უფლება გაქვთ.

8. რა არის ოპერაციული სისტემა (OS)? რა ტიპის სისტემები არსებობს და რომელი ჯობია?

🔐 სმარტ ანდროიდ მოწყობილობები, როგორიცაა ტვ ბოქსები და ტვ სტიკები, ძირითად ყველა იყენებს ანდროიდის ბაზაზე შექმნილ ოთხი ოპერაციული სისტემიდან ერთ-ერთს. ეს სისტემებია: 

1️⃣ სუფთა ანდროიდი - Android AOSP (როგორც მას უწოდებენ Stock Android, ან Pure Android); 2️⃣ Android TV (ATV); 3️⃣ Fire OS (Fire TV); 4️⃣ Google TV.

✅ თუ თქვენთვის უკვე მზა, დახვეწილი ინტერფეისი მისაღებია, ასევე პრიორიტეტულია უმაღლესი ხარისხის ოფიციალური კონტენტი და ზედმეტი აპლიკაციებით არ გსურთ თქვენი მოწყობილობის გადატვირთვა, მაშინ Android TV-ის გირჩევთ (ასევე Google TV);

ასევე Android TV-ის ყველაზე მნიშვნელოვანი უპირატესობა არის ის, რომ მასზე ისეთი აპლიკაციები ყენდება, რომლებიც შეგიძლიათ სრულად მართოთ მისი პულტით და რაიმე დამატებითი მაუსების, პულტების და კლავიატურების დაერთება არ არის საჭირო. რაც ძალიან დიდი პლიუსია კომფორტის მხრივ.

✅ თუ თქვენ გიყვართ "ჩალიჩი", თქვენს გემოზე მორგება ინტერფეისის, აპლიკაციებით გადავსება და პირატული კონტენტი უფრო პრიორიტეტულია (არამაქსიმალური ხარისხით), მაშინ სუფთა ანდროიდის სისტემის მქონე მოწყობილობებს გირჩევდით.

გაითვალისწინეთ, თუ ჯერ არ გქონიათ შეხება ბოქსებთან მაშინ იყიდეთ Android TV სისტემაზე მომუშავე ტვ ბოქსი.

თუ უფრო დეტალურად გაინტერესებთ, რა განსხვავებაა მათ შორის, რა მახასიათებლებით ხასიათდება თითოეული, შეგიძლიათ იხილოთ ვიდეო-მიმოხილვა: https://youtu.be/Cu7PczRwVYE | https://youtu.be/jehq_XtNxLY | https://youtu.be/1hwvA7m2KGA

8. რომელი პროცესორი სჯობს? რა მნიშვნელობა აქვს რომელი იქნება...?!

ძირითადად ყველაზე გავრცელებული და ხარისხიანია Amlogic-ის პროცესორები. ასევე აღსანიშნავია და საუკეთესო გამოსახულების ხარისხს იძლევა ამაზონის მოწყობილობები, რომლებიც MTK-ის პროცესორებზეა და Nvidia-ის მოწყობილობებზე არსებული Tegra-ის პროცესორი.

უმჯობესია თუ თავს შეიკავებთ Allwinner და Rokchip პროცესორებზე მომუშავე მოწყობილობების შეძენისგან. რადგან ეს პროცესორები მაღალი ტემპერატურით ხასიათდება (ცხელდება), რაც ამცირებს მათ პროდუქტიულობას.

9. რას ნიშნავს სერტიფიცირება?

აუციელებელია Android TV/Google TV სისტემა იყოს ოფიციალურად სერტიფიცირებული Google-ის მიერ, რათა სრულად მიიღოთ ყველა ის სერვისი რასაც Google და ანდროიდი გვთავაზობს, ასევე ვუყუროთ სხვადასხვა სტრიმინგ სერვისების მიერ მოწოდებულ კონტენტს უმაღლესი ხარისხით.

სუფთა ანდროიდის სისტემის ბოქსებს არ აქვთ ოფიციალური Google, Netflix, Youtube, Megogo, ivi, Prime Video და სხვადასხვა სერვისების სერტიფიკატები, რაც იმას გულისხმობს, რომ ვერ გამოიყენებთ სრულად ამ სერვისების მიერ შემოთავაზებულ მომსახურებას. ისინი უფრო პირატულ კონტენტზეა გათვლილი ;)

ასევე გაითვალისწინეთ, რომ გამოსახულების ხარისხზე როცა პრეტენზია გაქვთ, აუცილებლად სერტიფიცირებული მოწყობილობები უნდა შეარჩიოთ.

დამატებით გთავაზობთ ვიდეო განხილვებს ამ თემასთან დაკავშირებით: https://youtu.be/6IZxIrn8tOA | https://youtu.be/X2zAyS_RVu8 | https://youtu.be/KnwQ_htF0mo

აქ შეგიძლიათ გადაამოწმოთ სერტიფიცირებული მოწყობილობები: https://www.androidtv-guide.com/streaming-gaming/

10. მეხსიერება რამდენი უნდა ჰქონდეს?

"... მაგას 8GB აქვს შიდა მეხსიერება ძმა, არ ვარგა...", "... ოპერატიული 2GB-იანი, გაჭედავს ძმაო..." - ყველაზე გავრცელებული სტერეოტიპები ტვ ბოქსების, განსაკუთრებით კი სტიკების/დანგლების/მინი ბოქსების შესახებ. რაც არის სრული სიცრუე.

ოპერატიული და შიდა მეხსიერების ზომებს თუ ვუყრებთ ზოგადად ფორმ-ფაქტორი ასე გამოყურება - სერტიფიცირებული ბოქსებისთვის მინიმალური მოცულობა ნორმალური ფუნქციონირებისთვის არის 2GB/8GB-ზე, ხოლო არასერტიფიცირებული (სუფთა ანდროიდის) ბოქსებისთვის 4GB/32GB-ზე. სერტიფიცირებული ტვ ბოქსების პროცესორები უფრო მეტად ოპტიმიზირებულია მათ სისტემებზე, და შესაბამისად ნაკლები ოპერატიული მეხსიერება სჭრიდებათ, ასევე უფრო ნაკლებ ადგილს იკავებს აპლიკაციები შიდა მეხსიერებაში, სუფთა ანდროიდის ბოქსებისგან განასხვავებით.

სხვა დანარჩენ შემთხვევაში მეხსიერების დეტალი ის საკითხია, რომელიც თქვენს საჭიროებებს უნდა მოარგოთ. თუ თქვენ აპირებთ ბოქსის აპლიკაციებით აჭრელებას, რა თქმა უნდა არ გეყოფათ 8GB, და არც 16GB 😂

11. რა ბრენდის ტვ ბოქსი ვიყიდო? ვინ უნდა იყოს მწარმოებელი?

წინასწარ გაარკვიეთ მაგ ბოქსის წარმომავლობის შესახებ რომლის ყიდვასაც აპირებთ. ყველა ბრენდის ჩამოწერას ვერ მოვახერხებთ. მაგრამ თითოეულ სეგმენტში გირჩევთ შემდეგ ბრენდებს მიაქციოთ ყურადღება.

• სერტიფიცირებული: Google, Nvidia, Xiaomi, Homatics, Dune, Mecool, Onn, Tivo, Dynalink, Nokia, RockTek, Realme, Hako, Kickpi.
• არასერტიფიცირებული: Tox, Ugoos, Tanix, Zidoo, Vontar, Minix, X96 (ზოგიერთი მოდელი), Beelink.
• Fire OS: Amazon [ამ სისტემაზე ცალკე კითხვაში აგიხსნით]

12. რისგან შედგება ტვ ბოქსის/სტიკის კომპლექტაცია?

კომპლექტაციაში სტანდარტულად შედის: მოწყობილობა (ბოქსი,სტიკი,დანგლი), პულტი, hdmi კაბელი (ბოქსების შემთხვევაში) და დენის ადაპტერი.

აქ ყურადღება მიაქცეთ ერთ ფაქტორს. როცა ყიდულობთ ტვ ბოქსებს, რომლებიც მუშაობენ სუფთა ანდროიდის სისტემაზე, აუცილებლად დაგჭირდებათ აერომაუსიანი პულტები. ამისთვის წინასწარ გადაამოწმეთ კომპლექტაცია, ხშირად არ მოყვება ესეთი პულტები და მხოლოდ მწარმოებლის მიერ ჩადებულ პულტს გთავაზობენ, რაც არ არის საკმარისი სრულყოფილად მუშაობისთვის.

13. როგორ გავასმარტო ძველებური ტელევიზორი, რომელსაც არ აქვს HDMI შესაერთებელი?

ამისათვის დაგჭირდებათ ესეთი ტიპის კონვერტერი/ადაპტერი - HDMI2AV converter, რომელიც HDMI-დან სიგნალს გადაიყვან ე.წ. "წულპანებზე" 😁

ვიდეო ინსტრუქცია: https://youtu.be/PppnpyEQors | https://youtu.be/vIvC3b2O2DY | https://youtu.be/MESa2O9Ng9w

14. რა არის ინტერნეტ ტელევიზია? ანუ IPTV

მოკლედ და კონკრეტულად - 👉 IP ტელევიზია – ეს არის სატელევიზიო სერვისი ყველაზე მაღალი ხარისხის გამოსახულებით და უნიკალური ფუნქციებით: გადახვევა; დაპაუზება; გადაცემების სხვადასხვა ენებზე ნახვის შესაძლებლობა; 4K, FHD და HD ხარისხის კონტენტი.

15. როგორ ჩავრთო ინტერნეტ ტელევიზია (IPTV)?

იმისათვის, რომ უყუროთ IPTV-ს მრავალფეროვან კონტენტს, გქონდეთ ათასობით არხი საუკეთესო ხარისხით, ამისათვის საჭიროა მიყვეთ შემდეგ ნაბიჯებს და შეამოწმოთ, რომ:

• მოგეწოდებათ სტაბილური ინტერნეტი (Wifi, Lan კაბელით, HotSpot);
• გაქვთ ტვ ბოქსი/სტიკი/დანგლი/მინი ბოქსი;

თუ ზემოთ ჩამოთვლილ პუნქტებს აკმაყოფილებთ, მაშინ ისღა დაგრჩენიათ რომელიმე აიპიტივი სერვისის პროვაიდერის საიტზე დარეგისტრირდეთ, შეავსოთ ბალანსი და გააქტიუროთ სერვისი.

ამის შემდეგ პროვაიდერი მოგანიჭებთ ან სერვისის კოდს, ან ხშირ შემთხვევაში პლეილისტს (Playlist) ლინკის სახით. ამ პლეილისტს ან კოდს კი გაუწერთ შესაბამის აპლიკაციაში (მაგ.: Tivimate, Perfect Player, Ott Navigator, Ott-play, Ottplayer, Televizo და სხვა), რომელსაც ეწოდება IPTV PLAYER ტიპის აპლიკაციები.

აღნიშნულ აპლიკაციებში თუ როგორ ხდება ამ ყველაფრის გაკეთება ინსტრუქციები არის აქ.

უფრო ვრცლად IPTV პროვაიდერების შესახებ დამატებით კითხვაში გიპასუხებთ (იხილეთ 26 და 27 კითხვა/პასუხი).

16. რა არის პლეილისტი?

👉 ინტერნეტ ტელევიზიის შემთხვევაში ეს წარმოადგენს არხების სიას თავისი სტრიმინგ წყაროებით. ძირითადად გვხვდება '.M3U' და '.M3U8' ფორმატის ფაილებით (ან ბმულით). არსებობს ორი სახის: უფასო და ფასიანი პლეილისტები (ანუ ტელევიზია).

✅ ორი სიტყვით მათი დადებითი/უარყოფითი მხარეების შესახებ. 

🆓 უფასო პლეილისტის (ტელევიზიის) უპირატესობა მხოლოდ ის არის, რომ მისი რესურსი უფასოდ არის ხელმისაწვდომი ინტერნეტში. უარყოფითი მხარეები: დაბალი ხარისხი კონტეტი, არასტაბილურობა, არ აქვს გადახვევის ფუნქცია და ხშირ შემთხვევაში არც TV პროგრამის (EPG) მხარდაჭერა. ასევე ხშირად არის საჭირო მისი გამართვა, გამომდინარე იქიდან, რომ ხშირად ითიშება.

💲 ფასიანი ტელევიზია ხასიათდება სტაბილურობით, მრავალფეროვანი და მაღალი ხარისხის კონტენტით, უმრავლესობას აქვს გადახვევის ფუნქცია და არქივის მხარდაჭერა, ასევე TV პროგრამა (EPG) უზრუნველყოფა. საფასურს რაც შეეხება მინიმალურია, იმის გათვალისწინებით რა სერვისსაც იღებთ ტელევიზიის სახით დღევანდელ სატელევიზიო მომსახურების ბაზარზე.

🔅 IPTV-ის საფასური დამოკიდებულია იმაზე თუ რა კონტენტი გსურთ მიიღოთ. და მაინც თუ გენანებათ IPTV-ში ფულის გადახდა, უფასო პლეილისტები შეგიძლიათ მოიძიოთ ინტერნეტში 😂

მასალა მომზადებულია ჩვენი არხის მიერ: Android/Smart TV Box & IPTV (Support) 🇬🇪