🛜 TV Box & IPTV #️⃣ FAQ for Beginners .2

17. ცრუ წარმოდგენები ტვ ბოქსებზე...

არ გეგონოთ, რომ თუ ტვ ბოქსს ან სტიკს დააერთებთ ტელევიზორს, მისი გამოსახულების ხარისხი აიწევს! არა, ეს ასე არ არის! ხარისხიანი ტვ ბოქსის შეძენის დროს, ტელევიზორი გიჩვენებთ იმ ხარისხს რისი გადმოცემაც შეუძლია.

აი პირიქით შეიძლება მოხდეს, რადგან შეიძლება უხარისხო ბოქსის დაერთებით, ტელევიზორმა დაკარგოს ხარისხი რაც აქვს.

• "... სტიკი არ იყიდო ძმა ჭედვები აქვს..." - სრული აბსურდი, რომელიც შეიძლება ზოგმა თვითდაჯერებულმა იდიოტმა თავს მოგახვიოთ. ნორმალური ხარისხის არც ბოქსი ჭედავს, არც სტიკი - ეს დაიმახსოვრეთ. სტიკს/დანგლს/მინი ბოქსს შეიძლება არ აქვს ინტერნეტის კაბელის დაერთების შესაძლებლობა, მაგრამ სამაგიეროდ WiFi-ის მოდული აქვს საკმაოდ ძლიერი. ნორმალური მწარმოებლები ამ ყველაფერს ითვალისწინებენ.
• "... მაგას 2 აქვს ძმა ოპერატიული, არ ვარგა..." - ესეც ერთი აბსურდული მოსაზრება, რომელის საკმაოდ "პოპულარულია". არც ოპერატიული, და არც შიდა მეხსიერება, არ არის ის კრიტიკული მონაცემი, რომლის საფუძველზე რაიმე დასკვნის გაკეთება შეგვიძლია რომელიმე ტვ ბოქსზე. სერტიფიცირებული ტვ ბოქსებისთვის 2GB ოპერატიული მეხსიერება და 8GB შიდა მეხსიერება სრულად საკმარისია ჩვენი ყოველდღიური საჭიროებების მოსაგვარებლად (ინტერნეტ ტელევიზია, ფილმები, სერიალები, Youtube, Netflix და ა.შ.). აი რაც შეეხება არასერტიფიცირებულ ტვ ბოქსებს (სუფთა ანდროიდი), აქ უკვე შეგიძლიათ თამამად თქვათ რომ 2GB/8GB-ზე ფორმ-ფაქტორი არ არის საკმარისი. ასეთი ტიპის ბოქსებზე უკვე რეკომენდირებულია 4GB ოპერატიული და 16 ან 32GB შიდა მეხსიერება. ამიტომაც არის ამ ყველაფერს ბევრი შეცდომაში შეყავს.

სერტიფიცირებული ტვ ბოქსების პროცესორები უფრო მეტად ოპტიმიზირებულია მათ სისტემაზე, შესაბამისად უფრო სწრაფად მუშაობენ და ნაკლებად მოიხმარნენ ოპერატიულ მეხსიერებას. ასევე აპლიკაციების მიერ დაკავებული ადგილების მხრივაც, არასერტიფიცირებულ ბოქსებს უფრო მეტი ადგილი სჭირდებათ აპლიკაციების შესანახად, ვიდრე სერტიფიცირებულებს, შესაბამისად მათ უფრო მეტი მეხსიერება სჭირდებათ.

დაიმახსოვრეთ! 4GB/64GB ფორმ-ფაქტორის მქონე ტვ ბოქსი აუცილებლად არ ჯობია 2GB/8GB ფორმ-ფაქტორის მქონე ტვ ბოქსს ანუ აპრიორი არ არის მეხსიერება, სხვა ძალიან ბევრი ფაქტორია რომელიც მოქმედებს ჯობია/არ ჯობიაზე.

18. რა არის Fire TV OS სისტემა?

წმინდად ამერიკული სისტემაა, რომელიც შექმნილია ანდროიდის ბაზაზე ამაზონის მიერ და გამოიყენება მხოლოდ ამაზონის ოფიციალურ მოწყობილობებში (Fire TV Stick, Fire TV Cube). Fire OS სისტემა ხასიათდება მისთვის სპეციფიკური ინტერფეისით და აპლიკაციების განსხვავებული მარკეტით. ✔️ თუმცა აქაც, ყველა აპლიკაციის დაყენება შესაძლებელია APK ფაილების დახმარებით.

⚠️ სამწუხაროდ ინტერფეისის ვარირების და ცვლილებების შეტანის საშუალებას არ იძლება Fire OS სისტემა, მხოლოდ ფავორიტების დამატება არის შესაძლებელი. 🔝 ამ ეტაპზე, Fire OS-ის სისტემის მქონე მოწყობილობები საუკეთესო გამოსახულებას იძლევიან, Nvidia Shield Pro-სთან ერთად. დადებით მხარედ ასევე შეიძლება ჩაითვალოს მისი სისწრაფეც, რადგან სისტემა ძალიან ოპტიმიზირებულად მუშაობს.

19. რა არის Google TV OS სისტემა?

Google TV - ეს არის შედარებით ყველაზე ახალი ოპერაციული სისტემა, რომელიც ერთგვარი განახლებული Android TV-ია. არ იძლევა არხების ვარირების საშუალებას, ანუ ინტერფეისს ვერ შეცვლით მაგრამ ფავორიტი აპლიკაციების დამატება წინა გვერდზე შესაძლებელია. ჩვეულებრივ იყენებთ Google Play Store-ს, ასევე APK ფაილებით დახმარებით ყენდება ყველა საჭირო აპლიკაციები. ამ სისტემას Chromecast with Google TV 4K და ბევრი ახალი ტვ ბოქსები იყენებენ.

20. რა სახის აპლიკაციები არსებობს? რომელი სისტემისთვის რომელი აპლიკაციებია განკუთვნილი?

ზოგადად, ასე დავყოთ - არსებობს 3 ტიპის აპლიკაციები:

1️⃣ მხოლოდ Android TV (ATV)-ისთვის რომელიც არის განკუთვნილი, მათი ცნობა ხშირად იმით მარტივდება რომ მითითებულია ATV;

2️⃣ მხოლოდ სუფთა ანდროიდისთვის (AOSP) რაც არის განკუთნილი (ჩვენ ტელეფონის ფლეიმარკეტში რაც გვიჩანს);

3️⃣ უნივერსალური ტიპის აპლიკაციები, რომელიც ორივე სისტემაზეა მორგებული.

Android TV სისტემაზე მომუშავე მოწყობილობების Google Play Store-ში ჩანს 1️⃣ და 3️⃣ ტიპის აპლიკაციები. ესეთი აპლიკაციები სრულად არის მორგებული ამ სისტემაზე და მათი მართვა სრულად შეგიძლიათ მოწყობილობის პულტით (რაც მოყვება). დამატებითი პულტები/მაუსები/კლავიატურები არ არის საჭირო.

არასერტიფიცირებული ბოქსები თითქმის ყველა სუფთა ანდროიდის (AOSP) სისტემაზე მუშაობენ, შესაბამისად ამ მოწყობილობების Google Play Store-ში ჩანს 2️⃣ ტიპის აპლიკაციები. როგორც თქვენი მობილურიდან ჩანს, ისე გაიხსნება მანდაც, უბრალოდ ჩათვალეთ პლანშეტს უყურებთ დიდ ეკრანზე)))

არასერტიფიცირებულ ბოქსებზე (უმეტესობას) არსებული სტანდარტული Google Playstore-დან დაყენებული (ნახევარზე მეტი) აპლიკაციების სამართავად ის პულტი არ არის საკმარისი რაც მოყვება, ამიტომ ეს ძალიან დიდი დისკომფორტია. თქვენ ამ პრობლემის მოსაგვარდებლად დაგჭირდებათ დამატებითი აერომაუსიანი პულტის, ან მაუსის, ან კლავიატურის გამოყენება (ამათ დეტალებზე დამატებით კითხვაში გიპასუხებთ).

აქვე გეტყვით Fire OS სისტემაზეც - მას სპეციფიკური App Store აქვს, რომელშიც არსებული აპლიკაციები სრულად არის მორგებული ამ სისტემაზე და მათი მართვა სრულად შეგიძლიათ მოწყობილობის პულტით (რაც მოყვება). დამატებითი პულტები/მაუსები/კლავიატურები არ არის საჭირო.

21. რანაირად დავაყენო აპლიკაციები?

ძირითად არსებობს ორი გზა:

1️⃣ ან ბოქსის/სტიკის სისტემაში არსებული App Store-დან (ძირითადად Google Play Store);

2️⃣ ან აპლიკაციის საინსტალაციო ფაილის დახმარებით ე.წ. APK ფაილის მეშვეობით (.apk ფაილს ჩამოტვირთავთ ბოქსზე და დააყენებთ).

1️⃣ შემთხვევაში აყენებთ ოფიციალურ აპლიკაციებს, რომლებიც სანდოა და მუშაობს ნამდვილად, შემოწმებულია Google-ის მიერ. 2️⃣ შემთხვევაში გასათვალისწინებელია გარკვეული ფაქტორები (რამდენად სანდოა ესა თუ ის საინსტალაციო .apk ფაილი, ნამდვილად მუშაობს თუ არა, შეესაბამება თუ არა ჩვენი ბოქსის ოპერაციულ სისტემას და ა.შ.).

• ბევრია ისეთი აპლიკაციები, რომლებიც არ არის განთავსებული აპლიკაციების მაღაზიებში, და ყველა ვარიანტში გვიწევს მათი საინსტალაციო .apk ფაილებით დაყენება. ძირითადად ესეთებია მოდიფიცირებული (გატეხილი) ტიპის აპლიკაციები, სადაც ფასიანი ფუნქციონალები არის გახსნილი უფასოდ.
• შესაძლებელია ასევე ალტერნატიული appstore-დან აპლიკაციების დაყენებაც (მაგ.: Aptoide TV, Emotn და სხვ.), ამათზე ვრცლად ჩვენს არხზე ნახავთ.
• აპლიკაციების დაყენება შეგიძლიათ ასევე "ფლეშკის" დახმარებით. კომპიუტერიდან გადაიტანთ ფლეშკაზე საინსტალაციო ფაილებს და თუ თქვენს ბოქსს აქვს USB პორტი, შეგიძლიათ ამ გზითად დააყენოთ აპლიკაციები.
• შესაძლებელია ასევე ვებ ღრუბელიდან (დრაივიდან) აპლიკაციების დაყენებაც. ფაილ მენეჯერი ტიპის აპლიკაციების დახმარებით.

.APK ფაილების გადმოწერისას, წინასწარ გაარკვიეთ თქვენი ტვ ბოქსის/სტიკის ოპერაციული სისტემა, რადგან ყველა apk ფაილი ყველა სისტემაზე არ მიდის!!!

ხშირად არის შემთხევები როცა Android TV და Google TV-ზე აყენებთ აპლიკაციებს და ისინი არსად "არ ჩანს". ამას ცალკე კითხვაში ვუპასუხებთ 😁

22. შეიძლება ქრომში ვუყურო ფილმებს? ანუ დაივიწყეთ ბრაუზერის გამოყენება

არა! არ შეიძლება! ... 😂

ასე აგიხსნით - რა თქმა უნდა შესაძლებლობის დონეზე ყველაფერი შეიძლება... მაგრამ ყოველთვის რაიმე შესაძლებელი, არ გულისხმობს რომ ესე ამის გაკეთება რეკომენდირებულია ან სასიამოვნო. სწორედ ასეთი საკითხია ბრაუზერების გამოყენება ტვ ბოქსებზე. გამომდინარე იქიდან, რომ არ არსებობს წესიერი ბრაუზერ აპლიკაცია შექმნილი, რომელიც იმუშავებს ტვ ბოქსებზე და იქნება პულტზე მორგებული. ბრაუზერების 99%-ს სჭირდება მაუსი ან აერომაუსიანი პულტები. რაც დამატებით ხარჯთან ერთად, არაკომფორტულია და არც სრულყოფილად არ მუშაობს.

არის რაღაც აპლიკაციები რომლებიც პულტზეა მორგებული, მაგრამ მათი გამოყენება არც რეკომენდირებული არ არის და არც კომფორტული. ამიტომაც "არ შეიძლება".

23. რატომ იწყებს "გაჭედვებს" სმარტ ტვ ბოქსები გარკვეული დროის შემდეგ?

რა არის ამის გამომწვევი მიზეზები? და როგორ შეიძლება დააზღვიოთ თქვენი სმარტ ტვ ბოქსები სამომავლო "გაჭედვებისგან"? - ამ კითხვებზე პასუხის გასაცემად სჯობს ვიდეოს უყუროთ: 🔴 https://youtu.be/eq7V0Vy-6VA

24. რას ნიშნავს მაუსიანი პულტი? რას ნიშნავს გიროსკოპული? აერო მაუსი? როგორ მუშაობს?

ეს არის უნივერსალური ტიპის პულტი, რომელშიც ჩაშენებულია აერო (გიროსკოპული) მაუსის ფუნქცია (ანუ ჰაერში ხელის მოძრაობით ეკრანზე მაუსის მაჩვენებელს გადაადგილებთ თქვენთვის სასურველი მიმართულებით) და ამასთან ერთად ასრულებს ყველა იმ ფუნქციას რასაც თქვენი ტვ ბოქსის პულტი.

ტვ ბოქსს ესეთი პულტი უმეტეს შემთხვევაში უკავშირდება USB დანგლის მეშვეობით, რომელსაც ხედავთ ფოტოზე:

ასევე არის გარკვეული მოდელები, რომლებიც ბლუთუზით უკავშირდება ტვ ბოქსებს. ძალიან ბევრი მოდელი არსებობს მსგავსი ტიპის პულტების, ამიტომ სანამ ყიდვას გადაწყვეტთ და რჩევას ითხოვთ ამ მოდელებს შეავლეთ თვალი.

⚠️ გაითვალისწინეთ, რომ ეს პულტები მხოლოდ არასერტიფიცირებული სუფთა ანდროიდის სისტემაზე მომუშავე ტვ ბოქსებისთვის არის განკუთვნილი და სრულყოფილად მხოლოდ მანდ მუშაობს, რადგან სერტიფიცირებულ ტვ ბოქსებზე ამათი საჭიროება არ არის.

დამატებით ინფორმაციისთვის შეგიძლიათ უყუროთ ვიდეოებს:
🔴 https://youtu.be/NYiUw2z5bRk | https://youtu.be/g1vCYaOqzjo

25. როგორ დავაერთო ინტერნეტის კაბელი (LAN) ტვ სტიკს, ან ისეთ ტვ ბოქსს რომელსაც არ აქვს LAN-ის პორტი?

ამისათვის დაგჭირდებათ შესაბამისი USB LAN ETHERNET ADAPTER ადაპტერი, რომელიც შეგიძლიათ გამოწეროთ, ან საქართველოშიც იყიდოთ. არსებობს სხვადასხვა ტიპის ადაპტერები და შესაბამისად დაერთებაც სხვადასხვანაირად ხდება. განვიხილავთ რამდენიმე მაგალითს:

1. Amazon Ethernet Adapter for Amazon Fire TV Devices - პირდაპირ ლან კაბელის დაერთება სტიკზე (Micro USB):

2. Micro USB OTG Cable ADAPTER + USB LAN ADAPTER -ის კომბინაციით:

Micro USB OTG Cable გამოგადგებათ ასევე USB HUB-ების, ფლეშკების, გარე ვინჩესტერის, უკაბელო მაუსების, კლავიატურების დასაერთებლადაც.

3. Xiaomi TV Box S-ის მსგავს ტვ ბოქსებზე, რომელთაც არ აქვთ ლანის პორტი, მაგრამ აქვთ USB-ის პორტი, მათთვის კარგი ვარიანტია მსგავსი ტიპის ადაპტერები: USB HUB LAN ADAPTER

26. რა ტიპის IPTV - ინტერნეტ ტელევიზიის სერვისები არსებობს?

ზოგადად ძალიან ბევრი უცხოური პროვაიდერი არსებობს რომელიც გვთავაზობს ინტერნეტ ტელევიზიის სერვისს, მაგრამ გააჩნია იმას თუ რა ტიპის არხების პაკეტებს ეძებთ.

ყველა პროვაიდერს აქვს მისი ვებ-გვერდი, სადაც უნდა დარეგისტრირდეთ და გექნებათ თქვენი პირადი კაბინეტი, სადაც მოცემული იქნება თქვენთვის განკუთვნილი პაკეტები, არხები, პლეილისტები და ა.შ.

სხვადასხვა პროვაიდერს აქვთ სრულიად სხვადასხვა არხების სია, პაკეტები, ტარიფები, მომსახურების ხარისხი (როგორვ გამოსახულების ასევე სტაბილურად მუშაობის), ტვ პროგრამა, გადახვევის მხარდაჭერა, არქივი და ა.შ.

იმისათვის, რომ ჩართოთ ესა თუ ისე პაკეტი, ამისათვის პროვაიდერის საიტზე პირველ რიგში მთავარია შეავსოთ ბალანსი. ეს პროცედურა ზოგან მარტივად არის, ზოგან კიდე ბევრ "ჩალიჩს" მოითხოვს. ბალანსის შევსების შემდგომ, შეგიძლიათ ტარიფის გააქტიურება როგორც თვიურად, ასევე წლიურადაც (ეს თქვენ ნება-სურვილზეა დამოკიდებული).

თვიური პაკეტების საშუალო ღირებულება იწყება 0.5$-დან.

პროვაიდერები შეგიძლიათ იხილოთ აქ: პროვაიდერების სია.

27. რა უნდა გავითვალისწინოთ ამა თუ იმ პროვაიდერის სერვისის ჩართვამდე?

1. რა თქმა უნდა ტარიფი - თუ რა ჯდება საშუალოდ თვეში?
2. რა პაკეტები აქვთ? - არის ხოლმე როცა სხვადასხვა არხების კატეგორიები ცალ-ცალკე პაკეტებადაა დაყოფილი. ზოგან კი ერთიანი პლეილისტი აქვთ.
3. მუშაობს თუ არა სტაბილურად ჩვენს რეგიონზე ეს პროვაიდერი? ანუ ჩვენი ინტერნეტის დონეს თუ შეესაბამება 😁
4. რამდენად მარტივია თანხის გადახდა?
5. რა არხებს მოიცავს მათი პაკეტი? და რა ხარისხის არხები? (4K, FHD, HD, SD)
6. აქვს თუ არა ტვ პროგრამის (EPG) მხარდაჭერა?
7. აქვს თუ არა გადახვევის (არქივის) მხარდაჭერა?

ამ ყველაფრის დაზუსტების შემდეგ შეგიძლიათ თამამად ჩართოთ აღნიშნული სერვისი, თუ იგი აკმაყოფილებს თქვენს პირობებს.

გაითვალისწინეთ! მაღალი ხარისხის არხებს (4K 60fps) სტაბილური მუშაობისთვის სჭირდება მაღალსიჩქარიანი ინტერნეტი (საქართველოს რეალობაში).

პროვაიდერები შეგიძლიათ იხილოთ აქ: პროვაიდერების სია.

28. შემიძლია თუ არა ვითამაშო თამაშები ტვ ბოქსზე?

შესაძლებლობის დონეზე ყველაფერი შესაძლებელია)) მაგრამ რამდენად არის რეკომენდირებული ეგ სხვა საქმეა. სუსტ მოწყობილობებზე რა თქმა უნდა არ არის გათვალისწინებული თამაშები, მიუხედავად იმისა რომ დაყენება შეგიძლიათ (მინიმუმ ისე გაგიჭედავთ რომ ვერც ისიამოვნებთ თამაშით). დანარჩენ შემთხვევაში თქვენი გადასაწყვეტია - თუ ტვ ბოქსი თამაშებისთვის გქონდათ თავიდანვე გათვალისწინებული (რაც ძალიან არასწორი გადაწყვეტილებაა, რადგან ამისთვის სხვა მოწყობილობები არსებობს), მაშინ აუცილებლად გეიმპადი (ჯოისტიკი) უნდა გქონდეთ რომ დააერთოთ ტვ ბოქსს ბლუთუზით (ან უკაბელო დაერთებით ე.წ. USB "დანგლი"-ს დახმარებით), რადგან მხოლოდ ტვ ბოქსის პულტით თამაშები შეიძლება ვერც ითამაშოთ და თუ ითამაშებთ დაიტანჯებით 🤣

რაც შეეხება კონტენტს თუ რა ტიპის თამაშები შეგიძლიათ დააყენოთ ტვ ბოქსებზე - ძირითადად ეს არის Google Play Store-ში განთავსებული ანდროიდ თამაშები. ასევე შესაძლებელია NVIDIA GEFORCE NOW-ს თამაშების კონტენტით სარგებლობა.

დამატებით დეტალებზე შეგიძლიათ უყუროთ ვიდეოებს: https://youtu.be/iSGwdHF-t4g | https://youtu.be/mV4JzvgBjGw | https://youtu.be/rtVigiEQZjQ | https://youtu.be/QNYYfUL1xGU | https://youtu.be/d03UBNAaWxs

მასალა მომზადებულია ჩვენი არხის მიერ: Android/Smart TV Box & IPTV (Support) 🇬🇪