第75集 － 航拍犯法？
Loewenstein尋晚睇到喱篇新聞，講到話被拘捕人士涉嫌違反以下罪行：
藏有攻擊性武器
非法集會
襲警
阻差辦公
《1995年飛航（香港）令》
除咗藏有攻擊性武器同1995年飛航（香港）令之外，其他都喺之前講過。
隨住航拍越嚟越普及，香港法例對於喱種活動有咩管制同規限，其實喺新聞上都講過好多，亦相當詳細，今次喱個係比較冇乜解說味道，可以視為資訊整理。
不過，我都係先定義返今次主題係「個人用嘅航拍機」（不涉及收受任何酬勞）。
首先，航拍可以牽涉嘅法律問題非常之廣，諸如傷人、刑毀、非法進入等刑事，亦有民事、私隱、航空安全等等，但對於直接管制同規限，香港尚未有相關法律。（參考喱篇新聞）
根據非常不專業整理，懶人包如下：
一、航拍機輕於7公斤（不含燃料）不受香港法例第448C章《1995年飛航（香港）令》 規管。
二、不得於機場及飛機升降航道附近使用無人機，即包括機場、大嶼山北部沿岸地區、大欖涌至荃灣沿岸及青衣島一帶、維多利亞港一帶及沿岸地區，以及石崗一帶。（參與喱篇新聞 同 法例）
三、海岸公園或海岸保護區、貼有相關告示的遊樂場、郊野公園、嘉道理農場及海洋公園，亦不可使用航拍機。（參考喱篇新聞）
四、民航處亦另有指引去協助航拍機嘅個人用家。
例如提到 ：無人機系統不得在任何人士、船隻、車輛或構築物上空或其50米範圍內飛行，除非該等人士、船隻、車輛或構築物受無人機系統操作員監控。無人機系統起飛及降落時，則不得在任何人士上空或其30米範圍內飛行，但無人機系統操作員或該次操作中必須在場的人士不在此限。
無人機系統的放飛高度不得超過地面以上300呎 (約90米) 。
咁樣被捕嗰位人兄，一係部機重過7公斤，一係就無論點都畀人塔咗返去先。
如果係商用嘅航拍機可以參考喱篇新聞。
← 個人聯絡 (@Loewentstein)
———————
醫療支援 @sharing_ec 或 杏林覺醒：46100186
被捕支援 @Abccbbc ；WhatsApp：98190979 （星火同盟）