第70集 － 續煽惑
Loewenstein〈 返回 法律淺說
以上嘅新聞係陳淑莊要為佢嘅刑罰上訴，今日晏晝有人問，咩係「煽惑他人煽惑」？
好多謝指出喱個問題。首先，好多罪都可以「煽惑 (Incitement)」、「串謀 (Conspiracy)」、「未遂 (Attempt)」，因為喱三種都係屬初步犯罪（Inchoate Offence），只要罪行未完成/成功，都可以用喱種三種方式控告嫌犯。
若然本身法例當中，條罪係有「煽惑」嘅元素，而你又唔好彩被控「煽惑」喱條罪，咁先有 煽惑他人煽惑 。
跟住又有人好奇問，咁可唔可以煽惑他人煽惑他人煽惑他人？
嗯，你漏口嗰陣係可以的。
————————————————
接落嚟，係更詳細講解答讀者睇完上一集唔明嘅問題，因為有好多人話，睇完煽惑都唔明係乜東東。
Q1: 真係發夢喎？
A1: 閣下咁多夢發，應該要先睇吓醫生證實係咪真係咁多「忽發其夢」，仲要個個夢境都有違法行為。
Q2: 我純分享咋喎？
A2: okay okay 咁你去分享，中咗招唔好怨，謹言慎行啊師傅，I 服了U。
Q3: 我講我朋友又得唔得？
A3: 咁咪又係另一個頭盔，請睇之前寫過有關浪費警力一文。
Q4: 都未必搵到人，係實際根據我嘅夢嚟做個喎？
A4: 啱，喺我不專業嘅理解入面，都要係證實你同主犯有一定嘅聯繫促使佢咁做。但係， 根據香港法例第228章 《簡易程序治罪條例》 第20條：
任何人有以下行為，可處罰款$1,000及監禁2個月 ——
(a) 使用電報、電話、無線電報或無線電話傳送任何極為令人厭惡的訊息，或任何不雅、淫褻或威脅性質的訊息；或
(b) 使用上述方法傳送任何其明知是虛假的訊息，旨在對他人造成煩擾或不便，或旨在令他人產生不必要的憂慮；或
(c) 無合理因由及旨在達致任何上述目的而不斷打電話。
就算你好好彩，入唔到你煽惑，都可以入其他；法網恢恢，疏而不漏啊。所以千祈唔好覺得用「發夢」就可以粉飾責任，喱啲唔係「頭盔」而係「狡辯」。
一嚟連登、高登、香港討論區喱啲流量大嘅平台，接觸人群大且多，講犯罪可能係比起啲蚊型平台為高，若然你覺得可以僥倖無事，咁當然，你執意要用就悉隨尊便。
〈 返回 法律淺說