第68集 － 煽惑
Loewenstein〈 返回 法律淺說
真心，口臭都講多次，唔好以為講發夢就可以免責。切記，謹言慎行。
「煽惑」，英文係Incitement。理論基礎其實同之前講「未遂 (Attempt)」類似，原因都係為咗懲罰未發生 或 未完成嘅罪行，遏止一切盡備犯罪嘅預備行為。
如果喺最尾，罪行真係完成咗，咁就會因為AACP（教唆、協助、從犯）主犯去犯案，而有機會與原罪同判。若未完成，卻又「超乎預備行為」，就機會被告「煽惑」。
想了解多啲AACP：香港法例 - AACP罪行、英國AACP嘅法令
至於「煽惑」嘅途徑，可以話包羅萬有，只要你可以接觸到另一個人，同佢通訊就可以。
另外，勸誘他人犯罪或企圖犯罪，無論結果成功與否，都已經夠入「煽惑」，根據香港法例第221章《刑事訴訟程序條例》第101I(2)條，判罰如同 已完成 罪行，除非法例另有規定。
咁如果通訊唔到呢？或者內容被截取呢？咁就可能被告「企圖煽惑」(Attempt Incitement)。
人話版：我明上面唔夠人話，我用例子答（乙、丙犯嘅罪先十唔好理）
情景(1)：甲 教唆 乙、丙 犯Q罪，乙、丙 完成，甲可能干犯「AACP」 Q罪。
情景(2)：甲 教唆 乙、丙 犯Q罪，乙、丙 有 超乎預備行為，甲可能干犯「煽惑」Q罪。
情景(3)：甲 教唆 乙、丙 犯Q罪，乙、丙 沒有犯罪，甲可能干犯「企圖煽惑」Q罪。
若有興趣，建議大家睇一下1994年香港法律改革委員會就「初步罪行」嘅研究報告。
中文版（初步罪行）；英文版 (Inchoate Offence)
〈 返回 法律淺說