何謂「恐嚇」及 續「襲擊」
Loewenstein〈 返回 法律淺說
大家都應該曾經睇過喱條片，如果無記錯係2019年7月15日喺太古發生嘅。
丁煌搞到人好驚惶，咁有人就話「恐嚇」。
咁就要講講咩係刑事恐嚇，佢係香港法例第200章《刑事罪行條例》第24條嘅罪行。
任何人威脅其他人 ——
(a) 會使該其他人的人身、名譽或財產遭受損害 ；或
(b) 會使第三者的人身、名譽或財產遭受損害，或使任何死者的名譽或遺產遭受損害；或
(c) 會作出任何違法作為，
而在任何上述情況下意圖 ——
(i) 使受威脅者或其他人受驚；或
(ii) 導致受威脅者或其他人作出他在法律上並非必須作出的作為；或
(iii) 導致受威脅者或其他人不作出他在法律上有權作出的作為，即屬犯罪。
第27條係講判罰：
任何人犯第24...條的罪行，一經循簡易程序定罪，可處罰款$2,000及監禁2年，一經循公訴程序定罪，可處監禁5年。
———————
如果大家有睇過之前寫嘅醉酒辯解，應該唔難發現其實係Specific Intent Offence嚟。
都係嗰句說話，當大家睇一件事，如果知道自己有啲憤怒，咁就要先抽離一下，望一望係咩事先；片段中令人驚惶嘅丁煌，其實佢嘅作為並不是刑恐；我相信唔使多解釋，除非你真係唔明先好pm問我。
咁你又會話「喂！師傅！咁樣好難搞喎，咁咪畀佢兇都無乎？」
亲，如果你話係影裙底，咁窺淫罪未出現姐... 兇人喎，刑恐唔用得，普通襲擊（傷人40）呢？夠做了。
〈 返回 法律淺說