法理基礎
Loewenstein尋日星火被冚檔，有良知嘅港人無一唔感到憤怒，更加一頭冒水點解會係洗黑錢。
然而，法理上嘅「洗黑錢」同我哋平常人喺細個受電視劇、警訊、學校入面講嘅完全唔同。
但先忍一忍，我哋一步步嚟睇喱件事。
————————————————
首先，大家有冇諗過，點解係毒品調查科財富調查組出嚟？
請移玉步了解一下 JFIU ，佢令到警隊變成 Asia Finest 嘅重要部門之一，入面係一堆名乎其實嘅精英，入得去出嚟嘅人都會被銀行、保險公司甚至係他國政府吸收專做 AML 嘅工作。
毒品調查科財富調查組係負責 JFIU 嘅調查事務，當中執法嘅權力來自於 《販毒 (追討得益) 條例》(Cap. 405) 同 《有組織及嚴重罪行條例》(Cap. 455) 。
星火尋晚被捕嘅法理來源，係嚟自兩個條例中嘅 s.25 。
————————————————
(1) 除 s.25A 條另有規定外，如有人知道或有合理理由相信任何財產全部或部分、直接或間接代表任何人的販毒得益而仍處理該財產，即屬犯罪。
(1) 除 s.25A 條另有規定外，如有人知道或有合理理由相信任何財產全部或部分、直接或間接代表任何人從可公訴罪行的得益而仍處理該財產，即屬犯罪。
咁意味住，差佬懷疑星火 知道 或 有合理理由相信 處理筆財產係來自 販毒 或者 可公訴罪行 （上任何法庭，比較無咁嚴重嘅係 summary offences 只上裁判法院）。
大家亦唔好過於憂慮刑責，但係一旦罪成 ——
(a) 循公訴程序定罪後，可處罰款$5,000,000及監禁14年；或
(b) 循簡易程序定罪後，可處罰款$500,000及監禁3年。