何謂「DQ校長」
Loewenstein〈 返回 法律淺說
2019 年 12 月 30 日有單新聞，指教育局局長楊潤雄受大陸節目訪問，話校長如果支持被調查嘅老師，屬表現有問題，可以 DQ 。
到底喱種霸道嘅底氣有冇根據？請睇以下有關將校長停職嘅資料。
————————————————
[ A ] 條文基礎
源自 《教育條例》 Cap. 279 s.55 。
任何學校的校長出任該職位直至 ——
(a) 他停止註冊為教員，或停止獲准許在該學校內任職准用教員；
(b) 他辭職；
(c) 常任秘書長根據第56條撤回其對該校長的批准；或
(d) 常任秘書長根據第57(2)條批准該校另一位教員出任校長。
————————————————
s.55 指嘅係將校長停職嘅 4 個條件；除咗被炒同辭職，仲有 s.56 同 s.57(2) DQ 校長。
————————————————
如常任秘書長覺得某間學校的校長有以下情況，可撤回其對該校長的批准 ——
(a) 該校長不再是出任校長的適合及適當人選；
(aa) 就提供幼兒或幼稚園教育的學校而言，該校長並非出任校長的合資格人選；
(b) 該校長並無令人滿意地執行校長的職責；
(c) 該校長已停止執行校長的職責；或
(d) 該學校多數校董不再接受該校長為該學校的校長。
————————————————
重點係 s.56(1)(b) ，「無令人滿意執行校長職責」就足以 DQ 。
令人滿意又好，唔滿意又好，如果係好隨機同任意嘅判斷係不能服眾。
所以要參考《教育人員專業守則》，類似咁嘅 Professional Code 係一個好重要嘅客觀指標；喺〈2.4 對僱主的義務〉第 5 條指出，校長應貫徹執行有利於教育的學校政策和指示。
咁就明白晒，楊潤雄嘅恫嚇底氣所在原來係
「有利教育的學校政策和指示」就係政治審查班老師，校長冇貫徹執行就係令人唔滿意，所以能夠合理地將佢停職。
仲未計凡係專業守則，多數都會有 Integrity¹ 嘅要求，違反咗亦可以冇咗專業資格。
————————————————
[ B ] 校長可否磨爛蓆？
答案係唔得，係刑事嚟。
任何人並非學校校長，亦未有根據第58AA(1)條獲授權執行學校校長的職能，卻執行該學校校長的任何職能，即屬犯罪，一經定罪，可處第6級罰款及監禁2年。
————————————————
相關資料
¹ 何謂「Integrity」
〈 返回 法律淺說