何謂「有違公德」

〈 返回 法律淺說

「有違公德」，英文係Outraging Public Decency，唔係成文法入面嘅罪行（Statutory Offence），係普通法罪行（Common Law Offence），相關案例係 Knuller (Publishing, Printing and Promotions) Ltd v Director of Public Prosecutions。

有追開不專業解說嘅朋友仔，你哋有冇覺得似曾相識？

冇錯，妨礙司法公正嗰一集呢；而根據香港法例第221章《刑事訴訟程序條例》第101I(1)條，Common Law Offence係最高可判囚7年。

咁「有違公德」呢，就要符合幾個條件：

A. 該行為發生於公眾地方（不包括虛擬世界，如互聯網 FACC 3/2013）；及
B. 必須能被2名或以上在場人士目睹（只要令人感覺可以確實有機會目睹，唔需要真係目睹）；及
C. 有關行為必須是十分下流、猥褻或令人厭惡至傷風敗俗的程度。

即係點呀？就檢控方面，係冇需要證明嫌犯是否有意圖做出「有違公德」嘅行為；而係證明嫌犯有意去做嘅事，會否令公眾有感「有違公德」。

去咗屯門嘅女士們，留意吓啲長炮手，尤其係佔咗高地嗰啲。

如果有人係用航拍，請睇我之前寫嘅喱篇文。

本身諗住星期一先更新，但因為最近新聞報道嘅偷拍行徑非常猖獗，實在令人髮指。

為免各位唔知自己如果被偷拍後有咩保障，特開一篇講「偷拍」。至於近日時常聽到嘅「窺淫罪」就唔會提，反正要佢成功立例都要返三五七年。

自從「不誠實使用電腦」(cap 200 s.161) 喱條萬能key因終審法院就一單案嘅判決而變得不再萬能，法官就當初立法原意認為喱條罪只適用「取用他人電腦」情況上，就住喱個判決之前亦寫過一篇解說，大家可以參考一下。

咁偷拍嘅人，不論係影裙底、影頭頂定影全相，仲可以有咩方法將佢繩之於法呢？大致上有3種，之前有2種我係提過，大家可以碌上去望望：

一、公眾地方行為不檢
二、遊蕩
三、有違公德

〈 返回 法律淺說