Боёвут туманида бунёдкорлик ва қурилиш ишлар жадаллашди.

Олдин хабар берганимиздек, ўтган ҳафта вилоят ҳокими  Ғ.Мирзаев ишчи гуруҳи билан Боёвут шаҳарчасидаги бунёдкорлик ишлари билан танишган эди. Танишиш жараёнида туманнинг марказий кўчаси ва деҳқон бозорида бўлиб, у ердаги қурилиш суръати ва ташқи кўриниши юзасидан тегишли масъулларга ўз кўрсатма ҳамда тавсиялар берилган эди.

Берилган топшириқлар асосида тумандаги бунёдкорлик ишларини янги босқичга олиб чиқиш мақсадида махсус штаб ташкил этилди.

Бугун эса вилоят ҳокимининг ўринбосари Ж.Ибрахимов ўз комплекси билан туманга ташриф буюриб, штаб фаолияти ва амалга оширилаётган ишлар билан танишди. Боёвут шаҳарчасига кириб келувчи “Гулистон ш. – Боёвут т” йўналишидаги 4R-30 автойўли бўйида жойлашган аҳоли хонадонлари, ижтимоий соҳа объектлари ҳамда тадбиркорлик субъектларига тегишли биноларни замонавий кўринишга келтириш бўйича эскиз-лойиҳалар тақдим этилмоқда.

Ундан ташқари йўл инфратузилма объектларини тартибга солиш, йўл четларини кўкаламлаштириш бўйича амалий ишлар бошланди.

Ж.Иброхимовнинг ишчи гуруҳи тумандаги фаолиятини давом эттирмоқда.

Боёвут тумани ҳокимлиги Ахборот хизмати