Боёвут тумани ҳокими – 1-сектор раҳбари Ў.Мамадаминовнинг навбатдаги сайёр қабули “Сармич” маҳалласида ўтказилди

Боёвут тумани ҳокими – 1-сектор раҳбари Ў.Мамадаминов “Сармич” маҳалласида сайёр қабул ўтказиб, маҳалла аҳолиси билан юзма-юз суҳбатлашди ва мавжуд муаммо ҳамда камчиликлар билан танишди.

Туман ҳокими аҳоли билан суҳбат қилар экан, обод, ўзгача файз-барака мавжуд бўлган кўчаларнинг фаолларига ўзининг миннатдорчилигини билдирди.

Шунингдек, аҳолининг кузги томорқа ишларига нечоғлик киришганлигини кўздан кечирди.

Сайёр қабул давомида маҳалладаги тўшакда бетоб бўлиб ётган ва ногиронлиги бўлган шахслар ҳолидан хабар олинди.

“Чорбоғ” кўчасида истиқомат қилувчи фуқаролар кўчаларини таъмирлаш масаласини илгари сурган бўлса, Ўсар Алимовга ногиронлик аравачаси ажратиладиган бўлди.

Маҳалла фаоллари ва кўча бошилари томонидан кўрсатиб ўтилган камчиликлар ва билдирилган фикр-мулоҳазалар шу жойнинг ўзида муҳокама қилиниб, тегишли ташкилот ҳамда корхона раҳбарларига топшириқлар берилди.

Боёвут тумани ҳокимлиги ахборот хизмати