阿拔家書 6-4

各位真．香港人：

「願君知我共你是同路，我當天當夕，

像你一般痛苦，身困於此處，沒法與君一起並肩上我亦無詞說斷腸⋯⋯⋯⋯⋯⋯」 

時勢好惡，做真香港人好難！去年6.4有《逃犯條例》，今年6.4有《國安法》，最後一次真．香港人以自由去悼念！回歸23年，中共急不及待同我哋講：「我最大，你哋無話事權（包括林鄭柒婆）。」

6.4心情特別沉重，我相信所有真．香港人同我一樣，同一個感受；共魔急不及待、千方百計施展最後籌碼─ ─「國安法」（當然共魔仲有一個籌碼─ ─解放軍），共魔嘅技倆來來去去都係：打壓、要你驚、挑撥、分化。佢咁做係唔會令到我驚㗎！反而令我積極咁面對，打Game係要打終極惡魔，唔係蝦兵蟹將。

惡魔要我哋：普世價值不要講、新聞自由不要講、公民社會不要講、公民權利不要講、歷史錯誤不要講、權貴資產階級不要講。

去年6.4，有一陣強烈氣味，見到友人嘅街站同鄭俠，細細聲交頭接耳「維尼好注視喎！好撚多熊貓（國寶，即國安）。」有一隻似「廣州熊貓」，接著「佳佳」（內地良心官員）講：「開餐廳嗰個香港人，間餐廳開放VPN wifi，仲有張發票係繁體，仲有佢Facebook之前頭像黃絲帶，佢比人拉咗，又係尋釁滋事。」「你Facebook有同佢影相，Delete佢」

6.9見到另一友人：「頂！好心你帶番個Mask，你啱啱先至係大陸還柙完，五年拒絕入境，比人影大頭相，人臉識別就⋯被召查水錶（即比國安捉問話）。」

「你一個人？你朋友呢？」

「分咗手，佢出事會連累我，我出事連累佢，佳佳都講，熊貓追得我好緊。等支爆，爆咗咪可以一齊。」

6.9同晚，收到內地電話，佳佳告訴我被攝，我知道內地好緊張，唔單止咁，熊貓派人做嘢。《國安法》未推，就已經有熊貓甚至佢哋嘅情報員來港執行任務。

一場公眾打鬥，原來對方唔係藍絲咁簡單，被打完之後，佳佳收到資料，好快，唔夠兩日內地都知？？果位香港藍絲係共產黨，唔單止咁，報串果位比內地機關嘅係深圳政協委員。

好多人對林榮基洗頭艇半信半疑。我係繼他之後唔夠半年，其中一位被內地執法人員向我拘捕。在內地還柙係精神虐待，單獨囚禁、無時間、無窗、一部電視播中央新聞台，給你人民日報，唔好諗住瞓覺咩都唔理，每日唯一知道白天定黑夜，就係熊貓帶我離開囚室，往提訊室；報紙讀後感、新聞感想、仲會提問，確保有睇報紙，唔單止咁，坐嗰張老虎櫈坐到腰酸背痛。

唔好以為找維權律師無事？佢哋逼你簽拒絕朋友、律師、家人探訪，直至審判後。食嘅飯令你容易熱氣，牙肉腫晒，食藥都無效。

《國安法》根本就破壞一國兩制，明明就答應唔會將內地法律引入香港，香港有自行立法權利；中共做嘢神又係佢，鬼又係佢，足足呃咗23年。國安係有好多人員包括情報員在香港（有關詳細日後再談）。 

我唔信中共所講嘅嘢，我見太多內地手足為咗自由而以言入罪。一位好友，內地作家，蘇銘叔，利用大紀元嘅VPN，翻牆，指小熊維尼為習禁評，咁就被捕，最多都係判五年，結果，佢話你貪污就貪污，充公家產。

內地手足冒住生命危險，都要推翻共產黨，我哋唔可以輕易咁放棄，我哋光復香港，內地手足就沉冤得雪。

殲滅中共，光復香港

寧化飛灰，不作浮塵

阿拔

June 4 2020