⏺#鄧銘聰高級檢控官覆問PW62偵緝警員17534 陳超勁

控：你會記得有某啲辯方大律師盤問你嘅時候，提及到關於你喺八百個小時睇片嘅過程做過嘅撮要嘅問題，記得？

PW62：記得

控：你亦有講到最後係將一啲多餘嘅撮要係交咗俾女偵輯警員6973？

PW62：係

控：你盤問時有講過原先你係有製作咗8至9個嘅文件檔，呢啲嘅文件檔案係以片段去命名嘅，係咪？

PW62：正確

控：開咗呢啲文件檔案之後，一路睇片段，你嘅意思係咪會指一啲你見到有相關被捕人嘅畫面，截取並貼入去相關嘅文件檔案，係咪咁嘅情況？

PW62：係

控：而其中入面有五個嘅文件檔案，你係用嚟製作咗口供附件嘅。究竟就住呢8-9個嘅撮要，你最後係點樣處理，同埋將邊啲撮要交咗俾女警員？

PW62：我所提及8-9個檔案撮要，將口供提及嘅新聞台嘅撮要製作成附件，因為跟住就淨返3-4個檔案，呢3 4個檔案係只係一啲被告被捕時嘅一啲截圖。所以冇製作成附件

控：頭先你所講嘅口供新聞台嘅撮要，你講緊嘅自己指五個片段？

PW62：係

控：係咪即係指你口供入面有成為附件嘅新聞片段？

PW62：er五個列表

控：再澄清就係話，你嘅文字檔案入面除咗截圖之外，有沒有任何文字嘅撮要㗎？

PW62：冇，撮要就係一幅截圖

控：第二個嘅課題，就係頭先最後黃大律師盤問你，有問到關於你向15944錄取口供嘅情況。

PW62：係

控：有提及過呢就係嗰個口供係有附件嘅，係咪？

PW62：係

控：我想確認就係而家喺投射器底下嘅嗰張附件一，是否就係15944嘅口供嘅第三段相關嘅嗰張截圖？

PW62：正確

控：剛才黃大律師亦都係問到你一啲關於記事冊嘅內容，第一個係關於28271嘅工作嘅，記唔記得？

PW62：記得