辯方法律代表 #郭憬憲大律師 盤問PW4高級督察 陳鴻(3)
-展示P8(24、26)-
辯：我地記得24號相片treetreebot最後三個字係bot，所以你曾經同一個呢個用戶樹吧可能係機械人嚟，記得嗎？
PW4：記得
辯：同樣地，我地都睇過26號相、問過同樣個問題，問username最後有冇bot呢三個字，所以佢都有可能係機械人。
PW4：冇錯
（辯方著意證人可以使用手機在Telegram中搜尋Vote、Music、Like三個用戶名）
辯：呢個votebot嘅username係咪就咁vote，冇bot喺尾？
PW4：係
辯：呢個Vote嘅用戶冇藍剔嘅，同意嗎？
PW4：同意，但係我都留意到雖然冇藍剔，但係佢個display name下面有個細細嘅字寫住bot。根據我嘅認知，呢個代表佢係一個機械人。
辯：我地去返電腦畫面，所以如果用votebot呢個display name咁計呢，佢都係一個機械人，但係佢嘅username就冇bot喺到㗎啦。
PW4：係，冇錯。但係我都重複一次，display name下面係會有bot
辯：會唔會嗰個display name，如果嗰個用戶寫bot就會有bot，如果佢唔寫就冇。即係佢自己定嘅姐。
PW4：你而家見到螢光幕我所講淺灰色BOT嗰三個字，並不是display name，係display name下面嗰三個字，據我理解係改唔到
官：改唔到意思係？
PW4：用戶冇得自己更改做其他文字
辯：我都叫你搵埋另外兩個例子啦，我地電腦畫面見到classical music，我地撳佢個profile睇睇。佢嘅username係咪都係就咁music，冇bot三個字？
PW4：冇錯，但係佢下面都係有顯示bot嗰三隻淺色嘅字
辯：我地再舉個例子，like呢個用戶。username都係冇bot三個字，不過你會話佢個名下面有bot三個字，係咪？
PW4：正確
辯：你話喺個名下面有BOT去識別一個機械人...
PW4：係
辯：你都唔知喺2020年8月26號或之前Telegram嗰個版本，係唔係會將機械人寫返喺個BOT下面，你都唔知㗎喎。
PW4：Telegram係2013年開始有。我係2018年大概4月開始用Telegram，咁所以我可以講2018年4月打後，Telegram嘅機械人應用程式都會顯示到有bot呢三個字。所以你頭先講嘅兩個問題，8月26號至到2018年4月左右都會顯示有。
辯：另一個話題啦，就你所知，如果一個用戶俾人加入咗去群組到做admin嘅，係唔使用戶同意嘅。
PW4：正確
辯：同樣道理，同一個頻道幾個admin，其中一個俾人升級做owner，亦都唔使呢個admin同意嘅。
PW4：同意
辯：我地知道，喺同意案情第九段，係話被告警誡底下咁講：「我喺上年10月喺連登討論區識咗個網友，佢俾咗個Telegram帳戶嘅登入名同密碼我。之後我用自己部手機登入咗呢個帳戶，一直登入到而家。」呢度我聽一聽，你喺呢個審訊裡面係咪睇唔到任何證供被告部小米手機幾時登入咗SUCKER呢個帳戶？
PW4：為一嘅證據係佢被捕嗰刻係登入緊
辯：咁當係某一刻登入，咁我繼續讀落去啦。「而家個帳戶名係SUCKER」，呢個帳戶名有可能係講緊screen name，或者你叫佢display name，同唔同意啊？
PW4：同意
-展示P9(31)-
辯：照計呢就唔係講緊username嘅，就31號相見嘅username就係sucker_01嘅，見唔見到？
PW4：見到
（大概意思：被告所指的「而家個帳戶名係SUCKER」是指username還是screen name？）
PW4：我會話兩者都有可能，因為兩者都有SUCKER呢個字
辯：我試下咁了解睇下你有咩評語。呢個被告話而家嘅帳戶名係SUCKER，如果呢個嘅意思係講display name嘅話，咁好有可能就印證咗display name係隨時可以改嘅。
PW4：Display name可以改係一回事，佢講佢個帳戶名稱SUCKER係另一回事，我唔係好見到兩者之間嘅關聯
辯：即係講緊username的話，用戶都可以改嘅。
PW4：正確
辯：冇人用咗嗰個username，你就可以攞嗰個username嚟用㗎啦。
PW4：你自己都了解SUCKER呢個英文字嘅意思？呢個都唔係一個陌生嘅字嚟
PW4：我唔明
辯：例如一個頻道叫Hong Kong Channel，咁多有subscriber都可以話自己係Hong Konger，表示係channel嘅一份子。所以我個問題係，呢一個channel嘅任何一個subscriber都可以將自己嘅display name改做SUCKER，你有冇咁嘅理解？
PW4：可以，但同時間所有Telegram嘅user，無論係唔係subscriber，都可以改呢個名
～六分一盤問終告完結～