⏺控方覆問PW34警長58151施卓然

控：警長，剛才啊比過一個片段你睇，指出有兩位人士似乎冇著警方嘅警察背心，剛才個片段第一位人士，佢孭住一個背囊嘅，係咪？

PW34：係

官：同樣地，呢啲畫面你喺現場見唔見到㗎？

PW34：冇

控：換言之，個背心後面警察中英文字都會俾個背囊遮住咗啦？

PW34：係

控：你熟唔熟悉警察背心？

PW34：有幾款

控：你知唔知個設計，嗰啲字係點樣印喺呢間背心上面？

PW34：我見過警察同埋police嘅字會喺件背心後面，喺個背脊後面。有需要嘅時候係可以擺落個袋或者有啲嘢遮住佢嘅。有需要展示嘅時候佢可以展示出嚟，或者行動上冇需要嘅時候佢係可以遮住佢或者嗰個字係可以收藏咗佢、隱藏咗佢

官：咁你之前話有見過有幾款，咁嘅幾款係咪都有你以上所講嘅功能？

PW34：我記得都有呢啲功能，不過只係設計上有啲唔同

-展示一件警察背心-

控：睇睇個背脊先，背脊嗰度就有警察police呢個字啦，係咪？

PW34：係

控：毋須要展示嘅時候係咪就係擺入個拉鍊到？

PW34：係

-P69_PW34_001顯示器截圖，PW34把寫有警察police字樣的布的一半塞進袋子裡面-

控：喺前面左手邊係咪都有警察police呢個字啊？

PW34：係

控：我地睇呢個設計啦，police個字之下有個袋嘅，係用嚟做咩㗎？

PW34：用嚟擺委任證

。。。

-P69_PW34_002顯示器截圖，PW34把寫有警察police字樣的布折了一個角-

控：昨天已經俾咗個片段妳睇，就係關於第十四被告由坐低嘅位置被帶去匯豐銀行出面搜身嘅片段嚟，係P43 NTS16 M084，想比你睇返。

📌播放警方片段NTS16 M084

-播放器時間00:02:19時暫停

控：左手邊嗰位警察件背心後面就寫咗警察police，係咪？

PW34：係

控：而家我地見到呢兩位警務人員，右邊嗰位，佢心口就有顯示到警察嘅字但係背脊就冇啦，係咪？

PW34：係

-播放器時間00:02:11時暫停

控：呢個畫面見唔見到你自己啊？

PW34：見到

控：畫面左手邊，著住STC制服嗰位？

PW34：係

-盤問時播放的香港獨立媒體片段中，在00:34:14時身穿黑色上衣的警員在左胸前可見「警察 POLICE」字樣，截圖為P57(inmedia)_PW34_001。-

控：識唔識一個叫梁國榮嘅警司？

PW34：唔識