⏺控方 #郭棟明大律師 盤問A3

✨此部分的逐字稿之包括5月24日的盤問，敬希留意✨

控：我而家俾一份辯方證物你睇先，PD14（9），係一幅地圖嚟。我想你睇下呢幅地圖，睇下睇唔睇得明先。見唔見到順德中心？

A3：見到

控：順德中心嘅上面就係維多利亞港啦，見到嗎？

A3：見到

控：順德中心嗰度呢，見到有個地鐵站。

A3：見到

控：而家呢，呢個地圖呢就投射咗出嚟呢個螢光幕。我想做嘅係咩呢，你剛才講過，喺B出口向海嘅嗰個出口。

A3：我係話B出口，唔係向海

控：我聽到你頭先講由海邊嗰個出口位過馬路啊嘛？

A3：係海邊嗰個出口過馬路，但係我冇講過喺海邊上地鐵站

控：我而家就想你喺呢幅地圖入面畫你由地鐵站嗰個出口一直去到皇后街去到呢個海外信託銀行大廈嗰度嘅路線。明唔明白我講咩？

A3：明白

控：呢幅截圖係D14(9)_D3_001。信德中心嗰度有個地鐵站，見唔見到？

A3：見到

控：禧利街有兩個地鐵站見唔見到？

A3：見到

控：再落(聽唔到)有兩個地鐵站，見唔見到？

A3：見到

控：你係喺邊個出口出？

A3：我係喺禧利街，東勝大廈嗰度出

控：咁畫面就應該係右手邊中間位置？

A3：係

控：搵唔搵到海外信託銀行大廈？

A3：搵到

-A3用紅筆畫出路線，有標示的截圖版本為D14(9)_D3_001A-

控：我亦都聽到你作供嘅時候話你係跟住食評教你嘅路線？

A3：冇錯

控：嗰個食評係咩食評？

A3：我原先係見到飲食男女喺YOUTUBE上面介紹嘅影片，所以吸引到我去

控：可能我問得唔清楚，我係問邊一個食評話俾你聽呢個路線去嗰度？

A3：呢一樣嘢我就唔係記得太清楚

控：邊一個食評指引你喺上環地鐵站出咗，沿住邊條路去間餐廳？係邊一個食評你而家已經唔記得太清楚啦？

A3：係，因為我睇過幾個

控：唔緊要，邊幾個？講曬俾我聽啊。

A3：大概邊幾個我唔記得，但係我記得有OPENRICE

控：仲有呢？

A3：應該係新假期

控：新假期？

A3：跟住之後就冇印象

控：無論如何，你係肯定你根據食評嘅指引嚟行呢條路線嘅？

A3：我係根據食評嗰個地圖。佢係當時顯示嗰條路線

控：對唔住，我想搞清楚。你話俾我聽係食評顯示呢個地圖而你選擇咁行啊？定係食評指引你咁行？

A3：係顯示咗個路線

控：你去到三嗰度呢，行唔到你先唔行㗎嘛？

A3：係

控：根據顯示嗰度，三嗰度你點樣繼續行呢？

A3：入修打蘭街

控：跟住呢？

A3：行入和風街

控：跟住呢？

A3：行入荷李活到

控：繼續

行到去東華醫院對面入寶慶坊

-主控表示其餘盤問可於翌日(5月25日)繼續，休庭-