我無嘢講，黑警係我仇人

#戰友投稿 

最近曾被捕的手足的提醒：

1. 大部分警員態度離奇地好 (即係想洗白)

一般黎講，句句粗口、曱甴前曱甴後係基本野。 但今次無，而且係四十多人在同一空間落口供，懷疑想利用依個方式表示佢地返到狗屋無用私刑（但當中係有1-2手足被爆頭，2手足的腳出現傷勢，而且其中一人只可單腳跳住黎行走）。

2. 嘗試套你說話 (記得：我無嘢講)

頭幾句都會係傾閒計，但之後就開始黎料。 問：你成日都出黎? 你有冇fd係到一齊被捕?（想告入非法集結）etc. 當你選擇唔答，佢問多兩句都會自然唔再問。希望各位醒水，保障自己及他人。

3. 被捕後至保釋嘅過程都唔完整

每位被捕人士大部分都唔會做足所有程序，有部分只係搜屋但無錄口供，有部分只有錄口供無搜屋，甚至有部分連口供紙嘅被捕人士個名都可以串錯。

4. 進行洗白 (又想洗白)

不約而同地好多手足喺打手指紋嘅過程，曱甴都會問：「你信唔信831有死過人呀？你依家自己入到黎睇到個實際情況啦？我哋都係跟程序做嘢嫁……」幾位手足傾返個內容大致一樣，完全係背稿形式嘅說話方式。

5. 有部分被捕人士被叫去傾計 (依然係想洗白)

有部分手足被CID叫左去傾閒計。過程係無傾案情，只係一般交流傾計。疑似想為曱甴隊留下良好印象。

總結：

理大後班曱甴開始注重形象， 捕捉大量和理非及街坊，除左想嚇怕佢地唔敢再出黎，仲想利用依次機會製造假象比和理非見到香港恐怖分子係幾咁公正，幾咁跟程序做野，同時唔會濫用私邢。

但sorry 我地香港人係唔會忘記721警鄉黑官四方面無間合作無差別攻擊香港人，831太子地鐵站打死人，10月1企圖槍殺18歲都未夠嘅手足，仲有大量浮屍，被失蹤，被自殺，被性騷擾，被性侵犯，被強姦，被鄉黑追斬，被曱甴警暴……不能盡錄。

但正正因為咁，香港恐怖分子係無論做幾多好事，做幾多公關形象，點樣洗白都好，佢地欠香港人嘅，一世都還唔清。 

所以我希望各位除咗應承我一世都唔會原諒香港警甴外，仲有希望大家可以不忘初心，五大訴求 缺一不可。當中落實雙普選係2020年既關鍵，只有雙普選或香港獨立先可以真真正正解決香港現時所有問題。 希望大家可以向住依個方向去思考同行動。 

最後，我地都發現現時恐怖分子每次都利用布袋陣進行大圍捕，令現時嘅遊行集會嘅成本大大提升。希望各位可以集思廣益，尋求新抗爭方法，再度進化！

(Admin後加：謹記不捉鬼不分化不割蓆，聽取意見互補不足。)