Tesla avtomobili egalari 2020-yildan boshlab pul ishlashlari mumkin

Tesla kompaniyasi 2020-yilda haydovchisiz taksi xizmatini ishga tushirishini eʼlon qildi. Kompaniyaning hisob-kitobiga koʻra, avtomobil egalari yiliga 30,000 AQSh dollari miqdorida pul ishlashlari mumkin. Bu haqda vc.ru nashri xabar bermoqda.

1. Tesla egalari avtomobilni foydalanilmayotgan vaqtda ijaraga berishlari mumkin. Bunda avtomobil haydovchisiz taksi sifatida ishlaydi.
2. Robotaxi mijozlari maxsus ilova orqali mashina chaqirishlari mumkin. Ilon Maskning soʻzlariga koʻra, yaqin yarim yil ichida park 1 mlngacha boʻlgan avtomobilni hisobga oladi.
3. Avtomobil egalari oʻzlari tarmoqqa qoʻshishlari yoki oʻchirishlari mumkin. Koʻplab boʻsh mashinalar yoʻq hududlarda kompaniya avtomobilni oʻzi chiqarib yuborishi mumkin boʻladi.
4. Yoʻl haqi Robotaxi uchun 1 milyaga 0.18 dollarni tashkil qiladi. Bu esa odatdagi oʻrtacha narxi 2-3 dollarni tashkil qiluvchi avtomobilni ijaraga olishga nisbatan arzonroqqa tushadi.
5. Tesla avtomobili egalari qachon "berib turish" vaqtini oʻzlari belgilashlari mumkin. Bundan tashqari avtomobildan foydalanishi mumkin boʻlgan shaxslar maydonini, misol uchun, doʻstlari yoki oila aʼzolarini belgilashlari mumkin.
6. Avtomobilni bu tarzda ijaraga berish - haydovchiga yiliga 30 ming dollargacha foyda olib kelishi mumkin. Bunda avtomobil 11 yil xizmat qilishi mumkin. Teslaning komissiyasi esa 25-30% miqdorda boʻladi.
7. Tesla haydovchisiz taksi xizmatini 2020-yilda baʼzi bir hududlarda ishga tushirishni rejalashtirmoqda.