Халқ дарди билан яшаш бизнинг олий мақсадимиз.
Сирдарё вилояти ҳудудидаги имконияти чекланган ва кекса ёшдаги фуқароларга қулай шарт-шароитлар яратиш мақсадида Сирдарё вилояти ИИБ Миграция ва фуқароликни расмийлаштириш бошқармаси ҳамда шаҳар-туман ИИБ Миграция ва фуқароликни расмийлаштириш хизматлари томонидан бир қанча самарали ишлар олиб борилмоқда.
Вилоятда истиқомат қилаётган миграция ва фуқароликни расмийлаштириш хизматларига келишга имконияти етарли бўлмаган кекса ёшдаги фуқароларимизга уларни яшаш манзилларига ёки тегишли муассассаларига бориб, биометрик паспорт билан расмийлаштириш ишлари жадал суратларда амалга оширилиб келинмоқда.
Жумладан, Сирдарё вилоятида кўп йиллар меҳнат қилган 88 ёшни қаршилаган 2-даражали “Меҳнат фахрийси” кўкрак нишони билан тақдирланган фуқаро Абдуллаева Кашифа Саттахутдиновнага яшаш манзилига ташриф буюрган ҳолда унга эски намунадаги паспорти ўрнига янги биометрик паспорт учун талабнома шакллантирилди.
Шунингдек, Сирдарё туманида истиқомат қиладиган 1-гуруҳ ногирони 1977 йил 16 апрелда туғилган фуқаро Ғаниев Шавкатжон Набижоновичнинг яшаш хонадонига бориб, махсус мобил қурилма орқали биометрик паспорт учун талабнома шакллантирилди.
Тайёр бўлган биометрик паспортлар бошқарма Миграция ва фуқароликни расмийлаштириш бошқармасига етиб келгандан сўнг, шаҳар-туман ИИБ Миграция ва фуқароликни расмийлаштириш хизматларига хабар берилмоқда ҳамда шу куннинг ўзида ўз эгаларига тарқатиш чоралари кўрилмоқда.
Сирдарё вилояти ИИБ Ахборот хизмати.