Уйингиз эшигини бармоқ изи билан очса бўлади...ми?
@Sirdaryo
Ҳа, бўлар экан. Буни Сирдарё вилоятида давом этаётган медиа-тур давомида билиб олдик.
Сирдарё вилоят эркин иқтисодий зонасида фаолият юритаётган “ПЕНГ-ШЕНГ” Ўзбекистон-Хитой қўшма корхонасида янги инновация - эшик қулфларининг янги модели яратилди. Айни пайтда бу ерда қулфнинг бир нечта турлари ишлаб чиқилган. Энг муҳими шундаки, ушбу технология сенсорли. Уй эгаси ва унинг аъзолари қулфни қўл бармоғи билангина очиш мумкин. Бегоналар учун эса эшик ёпиқ.
Мутахассисларнинг айтишича, янги қулфлар дастлаб эксперимент тарзида ишлаб чиқарилади. Уй аъзоларининг бармоқ излари киритилади.
Медиа-тур давомида журналистлар кафел, тери маҳсулотлари, гидропоника ва бошқа ишлаб чиқариш объектлари фаолияти билан танишмоқдалар.
Раҳим ШЕРҚУЛОВ, “Халқ сўзи Online”.