Муса Ерниязов ва Тўра Боболов ҳам коронавирусдан даволанмоқда

Қорақалпоғистон Республикаси Жўқорғи Кенгеси раиси Муса Ерниязов ҳамда Сурхондарё вилояти ҳокими Тўра Боболовда ҳам коронавирус инфекцияси аниқланган. Бу ҳақда ЎзА хабар бермоқда.

Муса Ерниязов Нукус шаҳридаги клиникада, Тўра Боболов эса Тошкент шаҳрида даволанмоқда.

Соғлиқни сақлаш вазирлиги берган хабарга кўра, уларнинг ҳолати стабил, даволаш тактикаси тўғри ва Жаҳон соғлиқни сақлаш ташкилоти томонидан ишлаб чиқилган стандартлар асосида олиб борилмоқда.