Коронавирус инфекциясини аниқлаш учун вилоят санитария-эпидемиологик осойишталик марказида 30 мингдан зиёд тест заҳираси яратилган
@SirdaryoБу ҳақда Сирдарё вилоят санитария-эпидемиологик осойишталик маркази Жамоатчилик билан ишлаш бўлими хабар бермоқда.
"Коронавирус инфекциясини аниқлаш учун вилоят санитария-эпидемиологик осойишталик марказида 30401 та тест заҳираси яратилган.
Соғлиқни сақлаш вазирлиги томонидан 10 та ИВЛ (сунъий нафас бериш аппарати) аппарати берилди. Шундан, 4 таси вилоят юқумли касалликлар шифохонасига, 4 таси вилоят болалар кўп тармоқли тиббиёт марказига, 2 таси вилоят кўп тармоқли тиббиёт марказига берилди.
HUMO bilan Misrga sayohat qiling! ✈️
Шунингдек, Вилоят аҳолиси орасида коронавирус инфекциясини тарқалишини олдини олиш мақсадида ташкилот ва муассасаларга тана ҳароратини ўлчаш учун пирометрлар, ниқоб, резина қўлқоп, антисептик воситаси, махсус кийим-бош, махсус кўзойнаклар берилди.
Вилоят хокимлиги томонидан ажратилган маблағ хисобига дезинфекция ишларини ўтказиш учун дезинфекция воситалари харид қилинди", - дейилади мазкур хабарда.
Эслатиб ўтамиз, аввал хабар берганимиздек бугунги кунда вилоятда жами нечи нафар фуқаролар коронавирус инфекцияси билан зарарланганлиги тўғрисида маълумот берилган эди.