Сардоба сув омбори худудидан эвакуация қилинган аҳолини Янгиер шаҳрига қабул қилиш бўйича амалга оширилган ишлар тўғрисида

Сардоба сув омбори худудидан эвакуация қилинган аҳолини Янгиер шаҳрига қабул қилиш бўйича амалга оширилган ишлар тўғрисида

@Sirdaryo
Фото: Янгиер шаҳар ҳокимлиги

2020 йил 1 май куни фавқулотда хабар берилганидан кейин зудлик билан Янгиер шаҳар ҳокими бошчилигидаги сектор раҳбарларидан иборат штаб Янгиер шаҳар ЙҲХХ биноси олдида йиғилиб вазифалар тақсимоти амалга оширишди.

Фото: Янгиер шаҳар ҳокимлиги

Ишчи штаб томонидан Мирзаобод туманидаги “Беруний”, “Пахтаобод”, “Балиқчи”, “Ҳақиқат”, “Баҳористон”, “Янгиовул” ва “Дўнгариқ” маҳаллаларидан вақтинчалик эвакуация қилинган 2 минг нафардан зиёд аҳолини Янгиер педагогика ҳамда тиббиёт коллежлари, Гулистон давлат университетининг Янгиер шаҳридаги педагогика факултети ва Янгиер Футбол академияси биносига жойлаштириш чоралари кўрилди.

Фото: Янгиер шаҳар ҳокимлиги

Унга кўра: Педагогика коллежи ётоқхонасига 700 нафар;

Фото: Янгиер шаҳар ҳокимлиги

Тиббиёт коллежи ётоқхонасига - 150 нафар;

Фото: Янгиер шаҳар ҳокимлиги

Гулистон давлат университетининг Янгиер шаҳридаги педагогика факултети ётоқхонасига - 600 нафар;

Фото: Янгиер шаҳар ҳокимлиги

Футбол академияси ётоқхонасига - 300 нафар фуқаролар жойлаштирилди.

Фото: Янгиер шаҳар ҳокимлиги

Бу жараёнларга 50 та микроавтобус, 10 та тез тиббий ёрдам бригадаси, 50 нафар ўрта тиббиёт ходими, 15 нафар шифокор жалб этилди.

Фото: Янгиер шаҳар ҳокимлиги

Қайд этиш жоизки, мана шундай шароитида бир қанча тадбиркорлар, саховатпеша инсонлар ва ҳомийлар томонидан эвакуация қилинган фуқароларга зарурий озиқ-овқатлар, ичимлик суви, ниқоб, антисептик восита, бир марталик қўлқоплар ва бошқа тиббиёт воситалари етказиб берилмоқда.

Шунингдек, Гулистон туман ҳокимлиги томонидан ҳам озиқ-овқат маҳсулотларидан иборат ҳомийлик ердами келтирилди.

Фото: Янгиер шаҳар ҳокимлиги

Бундай тезкор ва амалий амалий саъй-ҳаракатлар ҳар бир инсон, ҳар бир оила, ҳар қандай вазиятда ёлғиз қолмаслиги, балки давлатимиз диққат-эътиборида эканини яққол ифода этади.

Вазият тўлиқ назоратга олинган, саросимага тушишга асос йўқ.

Янгиер шаҳар ҳокимлиги Матбуот хизмати