ОФИЦЕР ЁРИМ
@Sirdaryo
Юртим тинч мухаббат қалбимда ғурур.
Осмоним мусаффо, мен бахтдан масрур.
Интизор кутганим ва интизорим
Меҳрибон, дилкашим офицер ёрим.
Тонгни қаршилайди баъзан тоғларда,
Баъзан саҳроларда, баъзан боғларда.
Ватанга фидоий, содиқ шунқорим,
Юртимга қалқондир офицер ёрим.
Нечун фахр этмайин, Ватанга посбон.
Мардларга мардликда ибратли инсон.
Бахтлиман шундайин мардни ёриман,
Уни жондан севган вафодориман.
Гурсиллатиб ташлар қадамларини,
Таъмин этар элнинг байрамларини,
Унгадир садоқат, вафо икрорим,
Омон бўлсин менинг офицер ёрим.