Тезкор: Умумтаълим мактабларида қишки таътил кунлари 24-январь кунига қадар узайтирилди
@Sirdaryo ![](https://xabar.uz/static/crop/1/6/920__95_1690999450.jpg)
Умумтаълим мактабларида қишки таътил кунлари 24 январгача узайтирилди. Бу ҳақда Халқ таълими вазирлиги хабар берди, дейилади «Xabar.uz» хабарида.
Халқ таълими тизимидаги директор, директорнинг ўқув ва маънавий-маърифий ишлар бўйича ўринбосарлари ҳамда педагог-ўқитувчиларнинг халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларини ташкил этиш, шунингдек, ўқувчи - ёшлар ўртасида мавсумий грипп касаллигининг кескин кўпайишининг олдини олиш мақсадида халқ таълими вазирлиги қишки таътил кунларини 2022 йил 24 январга қадар узайтирилганини маълум қилади, дейилади хабарда.
Таътил кунлари давомида, ўқувчиларнинг бўш вақтларини мазмунли ташкил этиш мақсадида улар учун онлайн фан олимпиадалар, интеллектуал ўйинлар, китобхонлик маданиятини ривожлантиришга қаратилган беллашувлар ва турли танловлар ташкил этилади.
Бундан ташқари халқ таълимининг ижтимоий тармоқлари ҳамда Миллий телерадиокомпаниянинг телеканаллари орқали турли тўгараклар фаолияти йўлга қўйилади.
Авалроқ, ОТМ талабаларининг таътил муддати 24 январгача узайтирилганди.