Ижтимоий тармоқларда тарқалган “Баъзида ноилож лойқа сув ичамиз...” сарлавҳали видеомурожаат юзасидан расмий муносабат

Мазкур мурожаат Оқолтин тумани куз-қиш мавсумини беталофат ўтказиш ҳамда вужудга келган муаммоларни ўз вақтида бартараф этиш навбатчилик Штаби томонидан ўрганиб чиқилди.

Туман Сув оқава ДУК маълумот беришича ҳақиқатдан ҳам 2021 йил 27 декабр куни Янги давр маҳалласи аҳолисини ичимлик суви билан таъминловчи 160 мм. магистрал сув қувурида таъмирлаш ишлари олиб борилган. Видеомурожаатдаги ҳолат таъмирлаш ишлари якунидан сўнг кузатилиши табиийлиги ва бу камдан-кам ҳолатда юзага келиши билан изоҳланди.

Ҳозирда ичимлик сувига бўлган талаб қиш мавсумида ёздагига нисбатан кам бўлишини инобатга олиб 1 кунда 3000 куб ичимлик суви етказиб берилмоқда.

Ишчи гуруҳи тавсияси билан бу миқдор оширилиб, ичимлик суви узатиш вақтини суткасига 4 соатдан 6 соатга узайтириш, бунда аҳолига қулай бўлиши учун эрталаб соат 7:00 дан 10:00 гача ва кечки вақт 17:00 дан 20:00 гача ичимлик суви етказиб бериш юзасидан кўрсатмалар берилди.

Оқолтин тумани ҳокимлиги Ахборот хизмати