Халқ манфати устунми ёҳуд.....
Бу одамзод дегани қачон тўяр экан ўзи. Нафс деган балонинг қанчалик даҳшат эканлигини унинг нималарга қодир эканлигини кўриб ёқа ушлайсан киши. Мол дунё қанча кўп бўлса шунча кам. Айниқса бели оғримасдан топилган пуллар бўлса. Куни кеча ижтимоий тармоқларда мухокамаларга сабаб бўлган “Сардоба тошқини жабрдийдалари яна бир бор хонавайрон қилинмоқда…ми?” сарлавҳаси остида тарқалган видеони кўрар эканман сабр-қаноат, бугунги раҳбарлар томонидан қаратилаётган эътиборга ҳалқимиз томонидан миннатдорчилик билдириш ўрнига бутун дунёга шарманда қилиш кимга керак бўлиб қолди экан деган савол туғилади.
Шу ўринда куни кеча Президентимизнинг улуғ байрамимиз арафасида кам таъминланган, ногирон оилаларнинг фарзанларига алоҳида эътибор қаратаётганини эшитиб, яна нима керак сизларга эй одамлар дегим келди.
Барча ижтимоий тармоқларда шов-шув бўлган видеони кўриб бўлгач, туман ҳокимлиги берган муносабатга кўзим тушди. У ерда айтилишича, бу фуқароларга Давлатимиз томонидан 40 млн. сўм пул маблағи ва 6 хил турдаги маиший техника воситалар олиш учун сертификатлар берилган.
Шунингдек, талофат кўрган уйлар ўрнига 20 та кўп қаватли уй-жойлар қуриш ишлари олиб борилмоқда. Муносабатда келтирилишича ушбу турар жойлар фуқароларга ҳеч қандай тўловларсиз берилади. Камига алоҳида уй-жойлар қуришлари учун 4 сотиҳдан ҳамда деҳқончилик учун 2,5 сотиҳдан томорқалар белгиланган тартиб асосида ажратиб берилган.
Энди ўзингиз бир мулоҳаза қилиб кўринг. Ушбу шахслар талофатдан соғ омон чиқарилиб, улар барча шароитлар билан таъминланган махсус жойларга жойлаштирилди. Уларга янги уй ва уй жиҳозлари ажратилди, бундан ташқари 40 млн. сўмдан пул берилди. Яна уй қуришга ер, деҳқончилик учун эса томорқа. Шу ўринда барчамиз билган Эргаш Каримовнинг бир фильмдаги айтган гапи эсимга тушиб кетди. “Замбаракнинг ўқи керак эмасми”.
Бу видеони кўриб бўлиб, бир нарсага амин бўлдим. Бизнинг одамларда кундан кун боқимандалик кайфияти вужудга келмоқда. Давлатимиз томонидан кўрсатилаётган ёрдамларни ғамҳўрлик деб эмас, ҳудди руслар айтгандек, (обьязан) қилиб беришга давлат мажбурдек гўё.
Мисолларга ўтсам, Мирзаобод тумани, Солин қишлоғи яшовчи Қаршибоева Нилуфар Хидировна ўзининг манфаатини халқ манфаатидан устун қўйган ҳолда, яъни маҳалла ободлиги ва фаровонлиги, фуқароларга қулай шароит яратиш мақсадида Ҳукумат қарори билан амалга оширилаётган ишларни қўллаб-қувватлаш ўрнига, ўзининг шахсий манфаатини ўйлаётганини нима деб тушунуш мумкин. Наҳотки бу аёл хуқуқни муҳофаза қилуви идора вакиллари ва туман мутасаддилари ҳаракатига қаршилик қилиб, шантаж қилиш орқали ўз мақсадига эришмоқчи бўлса, бу қабихлик эмасми. Ахир маҳалла ободанлаштирилаётганини, кенг кўламли қурилиш ишлари амалга оширилаётганини, ҳозирги бино қуришни бошлаган ерига эртага маҳалла учун зарурий бинолар қурилишини била туриб, ўз билганидан қолмаган бу аёл қилган ишини хато эканлигини тан олгиси келмаётгани барчага аён бўлиб турибдику.
Талофат оқибатида давлатдан олиниши керак бўлган ҳамда нарсани олиб бўлган бу аёл яна нимага бу ишларни бажараётгани инсонни таажубга солади.
Мустақил блогер Х.Ходиев