PR

PR


Бүгінгі заманауи нарықтық қатынастар заманында кез -келген компания өзінің жұмыс бағыты мен саласына қарамастан, PR қызметтеріне мұқтаж.

   PR арқылы ұтымды әрі эффективті түрде қоғамдық пікір қалыптастыруға болады, сонымен бірге коммерциялық жарнамаға қарағанда шығын да аз кететінін ескерсек, пиардың тиімді жақтары өте көп.

     PR (Public Relations) – ұйым мен қоғам арасындағы түсіністік пен жақсы қарым –қатынастарды қалыптастыратын институт. Тауар, өнім, қызмет, сатылым туралы қоғамдық пікір қалыптастыратын үгіт- насихат жүргізу тәсілі немесе формасы. Пиар мен жарнама тығыз байланысты болғандықтан пиарды жарнамадан бөлек қарастыру қиын, десе де пиар –жарнама емес. Қазірге кезде «пиарды» көпшілігі біліп, естіп жүргенімен айыра алмайды.

Жарнамаға қарағанда пиардың атқаратын қызметі де күрделірек. Атап айтқанда ол:

  •  -жаңа өнімдер мен тауарлардың, қызметтердің нарыққа келуіне септігін тигізеді;
  • -белгілі-бір тауарға деген көзқарастың қалыптасуы немесе өзгеруіне әсер етеді;
  • -ұмыт қалған, ұмытыла бастаған тауар мен өнімдерге деген сұранысты жоғарылату мақсатында қызмет етеді;
  • -компания/ фирманың жеке имджін қалыптастыру мен жеке аудитория сезіміне әсер ету кезінде қажет;
  • -мәселе туындаған жағдайда тауар мен өнімнің абыройын қорғау қажет болғанда қажет;

   Пиардың маркетингте де алар орны үлкен. Мәселен, атақты Ford компаниясы Ford Taurus аталатын өз авто моделдерінің атақ -даңқын дәл осы пиар арқылы шығарған.

Пиар маманының негізгі қызметі мен жұмысы- кампанияның имиджін қалыптастыру ғана емес, жақсы жағынан таныту мен жағымды пікір қалыптастыру арқылы аудитория немесе тұтынушылар арасында кері байланыс орнату. Пиар маманы кез-келген адам бола алады және ол үшін тиісінше сол мамандықты оқудың қажеті жоқ деген пікір –қате. Себебі, кез-келген адам бұл істің маманы бола алмайды, қоғаммен тығыз қарым-қатынаста болу, қоғамдық пікір қалыптастыру әркімнің қолынан келе бермейді. Сондықтан, пиар мамандығының негізін оқып үйрену қажет.

 

    Осы мақсатта елімізде бүгінде пиар мамандарын дайындайтын екі оқу орны бар. Соның бірі - әл- Фараби атындағы Қазақ Ұлттық Университетінің ЮНЕСКО халықаралық журналистика және қоғаммен байланыс кафедрасы. 2011 жылдың 20 маусымынан бастап «Қоғаммен байланыс» мамандығына абитуриенттер қабылдау басталған. Жарнама мен PR мамандығын оқып үйрену барысында қазіргі заманғы индустрияға қажетті шығармашылыққа ұмтылыс, жүктелген міндетті жете ұғынып, оның шешімін таба білу, зерттеушілік қабілет, қиындыққа төзімділік, тапқырлық сияқты мамандардың кәсіби тұлғалық қасиеттері қалыптастырылады.

Қазіргі кезде аталған оқу орнында коммерция, мәдениетаралық коммуникация, ақпараттық технологиялар, экономика салалары бағыттары бойынша баспасөз хатшысы, имиджмейкер, жарнама агенті, баспасөз қызметінің маманы, масс-медиа менеджері, тілші мамандықтарын иеленіп шығуға мүмкіндіктер жасалып отыр. Нағыз кәсіби маман болу үшін сапалы білім алу керек. Себебі, пиар мамандығы сұранысқа ие және сапалы қызметтер ұсынуға тиіс.