ВИЛОЯТ РАҲБАРИ “НАВРЎЗ” САВДО КОМПЛЕКСИ ҚУРИЛИШИНИНГ БОРИШИ БИЛАН ТАНИШДИ
www.andijan.uzАндижон шаҳрининг янги лойиҳавий "Машраб" кўчасида вилоят ҳокими Шуҳратбек Абдураҳмонов умумий қиймати 150 миллиард сўмли замонавий талабларга жавоб берадиган, шарқона кўринишдаги янги “Наврўз” савдо комплекси билан танишди.
Мазкур объектда қурилиш ишлари 2016 йилда бошланган бўлиб, ҳозирги кунда ишнинг 80 фоизи бажарилган. Лойиҳанинг умумий қурилиш майдони 7 гектарни ташкил этади. Ушбу савдо комплексида келгусида 1500 иш ўрни яратилиши кутилмоқда. Мажмуада савдо дўконлари, маиший хизмат кўрсатиш шахобчалари, кўнгилочар ўйингоҳлар, шунингдек, маҳаллий тадбиркорлар учун 6х3 ҳамда 6х6 ҳажмдаги 400 та савдо дўконлари халқимизга хизмат қилиши учун режалаштирилган.
Бундан ташқари, халқаро талабларга жавоб берадиган супермаркет, “KFC” бренди остида ва бошқа турдаги “fast food”, кафе, ресторан ва замонавий тамаддихоналар, 3000 квадрат метр майдонда болалар учун ўйингоҳлар ташкил этилиши кўзда тутилган.
Ушбу “Наврўз” савдо комплекси очилиши жорий йилнинг март ойида режалаштирилмоқда.
Андижон вилояти ҳокимлиги
МАТБУОТ ХИЗМАТИ
Facebook | Twitter | Instagram | YouTube | Telegram