my.gov.uz saytidan ERI yordamida ro'yxatdan o'tish hamda xodimlarni "Jamg'arib boriladigan pensiya ta'minoti tizimi"ga ro'yxatga olish

O‘zbekiston Respublikasi Prezidentining “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida” 2017-yil 12-dekabrdagi PF-5278-son  Farmoniga  muvofiq va fuqarolarni jamg‘arib boriladigan pensiya tizimida hisobga qo‘yish bo‘yicha davlat xizmatlari tizimini yanada takomillashtirish maqsadida Vazirlar Mahkamasining "FUQARONI JAMG‘ARIB BORILADIGAN PENSIYA TIZIMIDA HISOBGA QO‘YISH BO‘YICHA DAVLAT XIZMATLARI KO‘RSATISHNING MA’MURIY REGLAMENTINI TASDIQLASH TO‘G‘RISIDA"dagi qaroriga asosan 2018-yil 1-apreldan boshlab yuridik va jismoniy shaxslar fuqaroni jamg‘arib boriladigan pensiya tizimida hisobga qo‘yish bo‘yicha davlat xizmatlari olish uchun faqat Davlat xizmatlari markaziga yoki O‘zbekiston Respublikasi Yagona interaktiv davlat xizmatlari portali (my.gov.uz) orqali murojaat qiladilar.

Ko'pchilik buxgalterlarning taklifidan kelib chiqqan holda my.gov.uz saytidan ro'yxatdan o'tish hamda xodimga INPS ochish jarayoni bosqichlarini ko'rsatib o'tamiz.

1. my.gov.uz saytiga kiramiz.

Ro'xatdan o'tish tugmasi bosiladi.

2. Ro'yxatdan o'tish "ONE Id" tizimi orqali amalga oshiriladi

Foydalanuvchilar kelishuvi bilan tanishib chiqib ro'yxatdan o'tish tugmasi bosiladi.

3. Bo'sh maydonlar to'ldiriladi.

Yuridik shaxs yoki korxona buxgalteri pasport ma'lumotlari, elektron pochtasi va telefon raqami kiritiladi.

4 . Telefon raqamiga kelgan kodli smsni yozib keyingi bosqichga o'tamiz.

5. Login va parol o'rnatamiz

6. Ro'yxatdan o'tish jarayoni yakunlanadi.

7. Akkaunt haqqoniyligini tasdiqlash.

Tasdiqlash menyusi bosiladi.

8. Ma'lumotlar ERI yordamida verifikatsiyalanadi.

Tasdiqlash tugmasi bosiladi.

9. ERI sertifikati taqdim etiladi.

10. Akkauntimiz tasdiqlandi.

11. Endi my.gov.uz saytiga kiramiz.

Kirish tugmasini bosamiz.

12. Shaxsiy kabinetga yuridik shaxs sifatida kiramiz.

13. Tashkilotni tanlaymiz.

14. Yuridik shaxslar uchun ajratilgan xizmatlarni tanlaymiz.

15. Jamg'arib boriladigan pensiya tizimi xizmatlari tanlanadi.

16. Xizmatdan foydalanish tugmasi bosiladi.

17. Fuqarolarni jamg'arib boriladigan pensiya ta'minoti tizimiga ro'yxatga olish tugmasi bosiladi.

18. Tashkilot joylashgan hudud, o'sha hududga tegishli bo'lgan Xalq banki filiali, jismoniy shaxsning shaxsiy identifikatsiya raqami(PIN FL), pasport seriyasi va raqami kiritilib keyingi bosqichga o'tiladi.

19. Fuqaro tug'ilgan joyi belgilangan maydonga yoziladi.

Yuborish tugmasi bosiladi va shu bilan xodimlarga INPS ochish jarayoni yakunlanadi.

Fuqaroligi bo'lmagan (norezizdent) shaxslarga INPS ochish "Davlat xizmatlari markazlari"ga murojaat qilish orqali amalga oshiriladi.