Апельсінавыя мармеладкі за 15 хвілін: пакрокавы рэцэпт
Цёця ІраУ гэтых цукерачка няма нават намёкаў на цукар. Таму цёця Іра іх асоба зацаніла. Робяцца мармеладкі гранічна проста. У рэцэпце толькі два складнікі. Астатняе – справа тэхнікі.
Прадукты, неабходныя для прыгатавання апельсінавых мармеладак
Апельсіны – 2 – 3 штукі (патрэбна 200 г соку)
Агар – агар – 8 г
Як гатуем апельсінавыя мармеладкі
З апельсінаў выціскаем патрэбную колькасць соку. Працэджваем праз сіта, каб аддзяліць мякаць.
Пераліваем сок у рондаль, дадаём агар-агар і ставім на пліту. Перамешваем, каб не засталося камячкоў. Даводзім да кіпення і варым, памешваючы, каля пяці хвілін.
Цікавостка: а вы ведалі, што агар – агар – гэта тое самае што жэлацін, толькі расліннага паходжання. Бо цёця Іра да гэтага часу не ведала)) Таму апельсінавымі мармеладкамі можна пачаставаць нават сяброў – вегетарыянцаў ці веганаў. Можна прыгатаваць мармеладкі і са звычайным жэлацінам.
Праз 5 хвілін пераліваем варыва ў сіліконавыя формачкі.
Калі адмысловых формачак няма, можна скарыстаць пластыкавыя формы з-пад цукерак у каробках.
Пакінуць для стабілізацыі прыкладна на паўгадзіны – пры пакаёвай тэмпературы ці ў лядоўні. Дастаць цукеркі з формы.
Апельсінавыя мармеладкі добра пасуюць да кавы ці гарбаты ці могуць дапоўніць хуткі перакус.