invoice.uzasbo.uz да рўйхатдан ўтиш тартиби

2020 йил 1 январдан амалга киритилган Солиқ кодексининг 47-моддасига мувофиқ ҳисобварақ-фактура, қоида тариқасида, электрон ҳисобварақ-фактураларнинг ахборот тизимида электрон шаклда расмийлаштирилади.

Шунингдек, Ўзбекистон Республикаси Вазирлар Маҳкамасининг 2019 йил 25 июндаги 522-сон қарори билан Ўзаро ҳисоб-китоблар тизимида электрон шаклдаги ҳисобварақ-фактуралардан фойдаланиш тартиби тўғрисида НИЗОМ ҳам тасдиқланган.

Ўзбекистон Республикаси Молия вазирлиги ҳам электрон ҳисобварақ-фактура айланиш тизими оператори сифатида шуғулланиш учун рухсат олди ва бу invoice.uzasbo.uz манзилида амалга оширилади.

Бюджет ташкилотлари, асосан, ҳисобварақ-фактураларни қабул қилиш, қайтариш, ишончномалар бериш каби ишларни амалга оширишади. Шу сабабли invoice.uzasbo.uz даги барча жараёнлар бўйича маълумот бериш шарт эмас.

Биринчи навбатда, тизимда рўйхатдан ўтиш керак бўлади. Бунинг учун браузернинг адрес қаторига invoice.uzasbo.uz манзили ёзиб кирилади ва қуйида турган Рўйхатдан ўтиш (Регистрация) ёзуви устига сичқонча босилади.

Бунда экранда қуйидаги ойна намоён бўлади. Бу ерда Я принимаю условия публичной оферты (Мен оммавий оферта шартларини қабул қиламан) тугмасига байроқча қўйилса, Регистрация (Рўйхатдан ўтиш) ёзуви чиқади ва сичқонча билан мазкур ёзув устига босилади.

Бундан сўнг компьютерга қўйилган электрон рақамли имзо (ЭРИ) калит(лар)и чиқади (Агар У вас нет ни одного ключа (Сизда биронта ЭРИ калити йўқ) ёзуви чиқиб, экранда бирорта ЭРИ калити бўйича маълумот кўринмаса, унда бироз кутиш керак ёки бошқа браузер орқали кириб кўриш керак. Одатда Google Chrome браузерида бунақа муаммо чиқмайди) ва тегишли ЭРИ калити танланиб, Регистрация с этим ключем (Мазкур ЭРИ калити билан рўйхатдан ўтиш) ёзуви босилади. Экранда ЭРИ калити тегишли бўлган ташкилотнинг масъул шахси маълумоти чиқади. Бу ерда Имя пользователя (Логин) (Фойдаланувчи номи (Логин)) жойида ҳар ким ўзига маъқул келадиган логинни киритади. Мисол учун, расмдаги фойдаланувчи учун abdulhamiyd логинини киритиш мумкин. Бунда логин UzASBO ДМ дагисининг ўзи бўлиши шарт эмас, умуман бошқа логин ишлатса ҳам бўлаверади. Агар киритилган логин тизимда аввал ишлатилган бўлса, тегишли жойнинг қизил ҳошия билан белгилангани кетмайди, яъни логинга ўзгартириш киритиш керак бўлади. Пароль ва Повторите пароль (Паролни қайтадан киритинг) жойларига пароль киритилади. Бунда паролдаги белгилар сони камида 8 та белгидан иборат бўлиши, унда камида битта ҳарф ва сон қатнашиши, +-*/ каби белгилар ишлатилмаслиги керак. Мазкур учта жой тўлдирилгандан сўнг пастда Дальше (Давом этиш) ёзуви чиқади ва шу ёзув устига сичқонча тугмаси босилади.

Дальше тугмаси босилгандан кейинги ойнада ташкилот маълумотлари автоматик тарзда чиқади. Бу ерда ҳам Дальше (Давом этиш) ёзувига босилади.

Бундан кейинги ойнада фойдаланувчи ўзига тегишли телефон рақамни киритади ва Отправить СМС тугмасини босади. Телефонга СМС орқали келган 4 та рақамидан иборта тасдиқлаш кодини Код подтверждения жойига киритилади. Шунда пастда Создать аккаунт ёзуви чиқади ва шунинг устига босиб рўйхатдан ўтиш жараёни якунланади. Рўйхатдан ўтиш муваффақиятли якунлангандан кейин буни тасдиқловчи СМС келади.

Создать аккаунт ёзуви босилгандан кейин қуйидаги хатоликлар чиқиши мумкин:

• Данная организация ("INVESTITSIYALAR VA TASHQI SAVDO BOSHQARMASI") уже зарегистрирована. Бу мазкур ташкилот ўзи тизимда рўйхатга олинганини билдиради. Бунда ким рўйхатдан ўтганлиги номаълум бўлса, унда Войти с помощью ключа (Имзо билан кириш) ёзувини босиб, ЭРИ калити орқали ҳам кириш мумкин бўлади (28.09.2020 санадан бошлаб ташкилот рўйхатдан ўтган бўлса, мазкур чеклов ЭРИ калити танланганда автомат чиқадиган қилинди.)
• Неправильный код подтверждения. ИНН:200006666. Бу СМС орқали келган тасдиқлаш коди хато киритилганда чиқади.
• Пароль неверный. Бу ЭРИ калити пароли хато терилганда чиқади.
• При регистрация ползователя ошибка:||Ползователь уже добавлен. Бу танланган логин билан бошқа ташкилот рўйхатдан ўтганлигини билдиради. Бунда Назад тугмасини босиб, дастлабки шахсий маълумотлар киритиладиган ойнада логинни ўзгартириш керак бўлади. Унинг орқасига рақамлар қўшиш, қўшимча ҳарф киритиш мумкин (28.09.2020 санадан бошлаб логин тизимда ишлатилган бўлса, уни киритиш ойнасининг ўзида қизил билан белгиланиб турадиган қилинди.)

Тизимда рўйхатдан ўтгандан сўнг invoice.uzasbo.uz га логин ва паролни термасдан, Войти с помощью ключа (Имзо билан кириш) ёзувини босиб, ЭРИ калити орқали ҳам кириш мумкин бўлади. Ҳали рўйхатдан ўтмасдан туриб мазкур функциядан фойдаланиб бўлмайди, бунда Неправильное имя пользователя или пароль. деган хатолик чиқади.