invoice.uzasbo.uz da Katalog bo'limidan foydalanish
uzasbouzHisobvaraq-faktura tuzishda tegishli tovar (ish, xizmat) turini kiritish uchun Qo'shimcha qo'shish tugmachasi ishlatiladi.
![](/file/5000c376c5b5195b38221.png)
Tugma bosilgandan so'ng tovar (ish, xizmat) nomini kiritish oynasi ochiladi. Mazkur oynada Katalog nomli yangi katakcha qo'shildi va uni to'ldirish majburiy hisoblanadi.
![](/file/bdbef0820e4128616aaa0.png)
Bu tovar (ish, xizmat) turini alohida kod bo'yicha ko'rsatadigan yangilik bo'lib, tovar (ish, xizmat) turi to'g'risidagi ma'lumotlar va kod soliq idorasi ma'lumotlar bazasidan olib kelinadi. Bu yerda tegishli ma'lumotlar ko'rsatilishi uchun asosiy menyuda Mahsulot - katalog bo'limiga o'tiladi. Chunki bu katakchaga ma'lumot qo'lda kiritilmaydi, balki Mahsulot - katalog bo'limiga mavjud ma'lumotlar tanlanadi.
![](/file/f1e86f8ef70c686730a34.png)
Shundan so'ng, ochilgan oynada qidirish maydoniga kerakli tovar (ish, xizmat) turining nomi kiritiladi. Masalan, sut kerak bo’lsa, qidiruv maydoniga sut deb yoziladi va shu nom qatnashgan bir qator mahsulot turlari chiqadi.
![](/file/4ded3d7cf11e3b8be76ef.png)
Kerakli tovar (ish, xizmat) turi tanlagandan so'ng, + Mahsulot yoki xizmatni qo'shish (+Добавить товар или услугу) tugmasini bosish kerak va shu orqali tovar (ish, xizmat) turi tashkilot ma'lumotlar bazasiga qo'shib olinadi. Bu yerda bir tovar (ish, xizmat) turining nomi o'ris yoki o'zbek tilida, lotin yoki kirill alifbosida bir necha marta kiritilgan bo'lishi mumkin. Bunga e'tibor qaratish shart emas, muhimi nomlanishi to'g'ri bo'lgan birortasi tanlab qo'shib olinsa bo'ldi. Xato qo'shilgan tovar (ish, xizmat) turini o'chirib yuborish ham mumkin.
![](/file/5b3f2ea21132d6c76365c.png)
Shundan so'ng, hisobvaraq-fakturani yaratishda Katalog katakchasida qo'shilgan tovar (ish, xizmat) turi chiqadi.
![](/file/a4f5bec54be4bb60e0db2.png)
Shuningdek, Yaratish tugmasi yordamida ham tegishli tovar (ish, xizmat) turini qo'shish mumkin. Yaratish tugmasi bosilsa, kerakli tovar (ish, xizmat) nomini kiritish kerak bo'lgan oyna paydo bo'ladi. Tegishli nom kiritiladi (bu yerga tovar (ish, xizmat)ning nomi kiritilmasa, hech qanday ma’lumot chiqmaydi) va kerakli tovar (ish, xizmat) turi tanlanib, + Mahsulot yoki xizmatni qo'shish (+Добавить товар или услугу) tugmachasi bosiladi va u tashkilotning ma'lumotlar bazasiga qo'shib olinadi. So'ngra Yashirish (Скрыть) tugmasi bosiladi va avvalgi oynaga o'tiladi.
Yaratish tugmasi va yuqorida aytilgan asosiy menyudagi Mahsulot - katalog bo'limi orqali ma'lumot kiritish bir xil vazifani bajaradi.
![](/file/9bd12e637e98b693f5d2d.png)
Shuningdek, Shtrix kodni ko'rsatish katakchasi ham qo’shilgan bo'lib, bu yerda mahsulotning shtrix kodini qo'lda yozish orqali kiritish mumkin. Mazkur katakchani to'ldirish ixtiyoriydir.
![](/file/a3bc3a83d765900b10c92.png)
Mazkur yangilikni invoice.uzasbo.uz orqali hisobvaraq-faktura tuzmaydigan byudjet tashkilotlariga hech qanday ta'siri yo'q.