Мажбурий меҳнат тақиқланишини биласизми?
@guliston_t_press
Савол: Мажбурий меҳнат таъқиқланишини биласизми ?
Жавоб: Ўзбекистон Республикаси Меҳнат кодексининиг 7-моддасига кўра мажбурий меҳнат, яъни бирон бир жазо қўллаш билан таҳдид қилиш орқали (шу жумладан меҳнат интизомини сақлаш воситаси тариқасида) иш бажаришга мажбурлаш таъқиқланади.
Қуйидаги ишлар, яъни:
ҳарбий ёки муқобил хизмат тўғрисидаги қонунлар асосида;
фавқулотда ҳолат юзберган шароитда;
суднинг қонуний кучга кирган хукмига биноан ;
қонунда назарда тутилган бошқа ҳолларда бажарилиши лозим бўлган ишлар мажбурий меҳнат деб ҳисобланмайди.
Савол: Мажбурий меҳнат учун маъмурий жавобгарлик мавжудлигини биласизми ?
Жавоб: Ўзбекистон Республикаси Маъмурий жавобгарлик тўғрисидаги кодекснинг 51-моддасига кўра “Меҳнатга маъмурий тарзда мажбурлаш" учун маъмурий жавобгарлик назарда тутилган.
Меҳнатга бирон- бир шаклда маъмурий тарзда мажбурлаш, бундан қонунда назарда тутилган ҳоллар мустасно,-
БҲМниниг ўн бараваридан ўттиз бараваригача миқдорда жарима солишга сабаб бўлади.
Худди шундай ҳуқуқ бузарлик маъмурий жазо чораси қўлланилганидан кейин бир йил давомида такроран содир этиш,-
БҲМнинг ўттиз бараваридан юз бараваригача миқдорда жарима солишга сабаб бўлади.
Ушбу модданинг биринчи қисмида назарда тутилган ҳуқуқбузарликни вояга етмаган шахсга нисбатан содир этиш,-
БҲМниниг ўттиз бараваридан эллик бараваригача миқдорда жарима солишга сабаб бўлади.
Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса,-
БҲМниниг эллик бараваридан юз бараваригача миқдорда жарима солишга сабаб бўлади.
Ушбу саволга Гулистон тумани “Мадад” ҳуқуқий маслаҳат бюроси бош мутахассиси Саидмахмуд Ходжаназаров жавоб берди.