Gloseria lgbt+
𝙆𝙉𝙏𝙍𝙊[Ultima refresci: otobre de 2024. Razona: "dragking" e "dragqueen", fisada.]
PRESENTA
"Lgbt+" es un corti cual junta a la comunia de lesbianes, ges, bisesales e transjeneros. La sinia «+» es ia usa per indica cual ave plu orientas sesal como identias de jenero.
IDENTIA SESAL
La identia sesal es la grupo de elementos cual defini un person sur sua sesalia, la cual inclui:
- La seso biolojial
- La identia de jenero
- La orienta (sesal e/o romantica)
- La espresa (sesal e/o de jenero)
CONFUSA ENTRE "SESO" E "JENERO"
Un confusa istorial en alga linguas (entre los, espaniol) es la usa de la parolas "seso" e "jenero"; spesial en la anios ultima, cuando la persones transjenero e la persones transesual ja oteni reconose en la asosias presente. An tal, ave modos fasil de diferensia la sinifia o representa de cada parola.
- La seso es alga sever jenital, per dise cual on atende la jenitales o la sistem de reprodui de la vivente. La biolojia, la medica o la medica veterinar es la campos cual envolve la seso como elemento de investiga. La viventes ave seso, como per esemplo, la animales. La cosas no ave seso car los no ave jenitales.
- La jenero conserna la persepi de identia, per dise cual lo pertine a la persones (e a la elementos cuanto contata direta con la persones). Lo es un construi psicolojial e no depende de la sistem de reprodui. Per esemplo, la persones, la pronomes e la sustantivos, la aromas e la vestes ave jeneros.
SESO BIOLOJIAL
La seso biolojial es la seso asiniada a nase (pe: fem, om o intersesal).
- Fem: person con sistem de reprodui fema completa
- Om: person con sistem de reprodui mas completa
- Interseso / intersesal: person con ambos sistemes de reprodui (ambos jenitales fema e mas), o cual ave un sistem de reprodui de un seso ma cual no es completa
IDENTIA DE JENERO
La identia de jenero es la autopersepi cual defini un person sur sua jenero (pe: fema, mas o otra jenero).
- Ajenero: identia de jenero, en cual un person no senti representada per alga otra jenero
- Bijenero: identia de jenero cual coresponde con elementos de du jeneros
- Cuer: identia de jenero cual coresponde con elementos ia fusa sola de la jeneros fema e mas
- Demijenero: identia de jenero cual relata a un jenero individua, ma sola partal
- Fema: identia de jenero, con relata istorial e cultural a la femes, e cual sua cualias xef es la empatia / simpatia e la sensosia / emosiosa
- Mas: identia de jenero, con relata istorial e cultural a la omes, e cual sua cualias xef es la fortia, la ostina e la gida
- Jenero fluente: identia de jenero cual pote osila constante entre du o plu jeneros
- Jenero nonbinaria: identia de jenero, en cual un person senti representada con no fema no mas
- Neutrois / jenero neutra: identia de jenero simil a jenero nonbinaria, sola cual lo defini se positiva como "jenera neutra" o "jenero tre"
- Sisjenero: identia de jenero cual coresponde con la asiniada a nase
- Trans: terma jeneral cual inclui persones transjenero e persones transesal
- Transjenero: identia de jenero cual no coresponde con la asiniada a nase
- Transesal: identia de jenero cual no coresponde con la asiniada a nase, e ci ia modifia sua corpo tra prosedes de sirurjia o prosedes ormonal
- Transfema: identia de jenero de un person transjenero ci es dominante fema
- Transmas: identia de jenero de un person transjenero ci es dominante mas
- Xenojenero: identia de jenero cual no conseta con la comprende umana de jeneros, e cual lo es plu relatada a la jeneros de animales, plantas o viventes otra e cosas
ORIENTA SESAL
La orienta sesal es la atrae sesal a otra persones (pe: eterosesal, omosesal, bisesal, asesal, pansesal, etc).
- Acilan: om ci senti atrae sesal par algun om ge, bisesal o pansesal
- Androfilica: person ci senti atrae sesal par algun om, an tal la orienta sesal, identia de jenero o espresa sesal de acel om
- Asesal: person ci no senti atrae sesal
- Bisesal: person ci senti atrae sesal par femes e omes
- Demisesal: person ci senti atre sesal sola a ci comparti un relata romantica o lia emosiosa
- Ge: om con atrae sesal par otra om
- Jinecofilica: person ci senti atrae sesal par algun fem, an tal la orienta sesal, identia de jenero o espresa sesal de acel fem
- Eterosesal: person ci senti atrae sesal par persones de otra seso
- Lesbian: fem ci senti atrae sesal par otra fem
- Lesbian safica: fem ci senti atrae sesal par algun fem omosesal, bisesal o pansesal
- Omosesal: person ci senti atrae sesal par persones de la mesma seso
- Monosesal: person ci senti atrae sesal par un sesal solitar
- Pansesal: person ci pote senti atrae sesal par cualcun person, an tal la orienta sesal, identia de jenero o espresa sesal de acel person
- Poliama: relata de ama e de seso entre tre o plu persones, de manera acordada
- Polisesal: person ci senti atrae sesal par multe jeneros, e ci no nesesada envolve la totas
- Sedente: ge joven e pasiva
ORIENTA ROMANTICA
La orienta romantica es la atrae emosiosa / sentosa a otra persones.
- Abroromantica: person con un orienta romantica cual pote osila constante
- Aromantica: person ci no senti atrae romantica
- Biromantica: person ci senti atrae romantica par du identias de jenero definida
- Demiromantica: person ci no senti atre romantica comun, ma sola asta ave un profonda lia emosiosa con algun
- Panromantica: person ci pote senti atrae romantica par cualcun person, an tal la orienta sesal, identia de jenero o espresa sesal de acel person
- Poliromantica: person ci pote senti atrae romantica par multe jeneros, ma no tota la jeneros, e ci no nesesada envolve atrae sesal
ESPRESA (SESAL E/O DE JENERO)
La espresa sesal es la moda personal de espresa cultural sur la aspeta a se (pe: fema, mas, androjine / neutra, etc).
- Androjine: person cual espresa sesal es una estetica ambigua, ce difisili eticeti como fema o mas
- [Dragking]: fem cual espresa sesal es una estetica cual es tradisional a la jenero mas, ma como un ojeto de labora o de diverti
- [Dragqueen]: om cual espresa sesal es una estetica cual es tradisional a la jenero fema, ma como un ojeto de labora o de diverti
- Fema: person cual espresa sesal es relata istorial e cultural con la estetica e la condui de la femes
- Mas: person cual espresa sesal es relata istorial e cultural con la estetica e la condui de la omes
- Transvestida: person cual espresa sesal es una estetica cual es tradisional a otra seso
Direto de autor © 2022-2024 KNTRO C. Obra compartida su la lisensa Creative Commons "Atribui - No comersial" 4.0 Internasional, disponable (en esperanto) asi.