answer

💠ሮሜ 8፡34💠

ወደ ሮሜ 8

34፤ የሞተው፥ ይልቁንም ከሙታን የተነሣው፥ በእግዚአብሔር ቀኝ ያለው፥ ደግሞ ስለ እኛ #የሚፈርደው ክርስቶስ ኢየሱስ ነው።

ትክክለኛው ቃል የቱ ነው..?? “የሚማልደው” ወይስ #የሚፈርደው..??

ብዙ ሰዎች የሁሉ ባለቤት የሆነውን አምላክ አማላጅ ነው ለማለት ይሄን ቃል በማንሳት “በግሪኩ ይማልዳል ነው የሚለው” ማለት የተለመደ ሆኑዋል.. እስቲ በመጀመሪያ እውነት ፓውሎስ የሮሜን መልእክት በግሪክ ጽፉዋል..?? በመሰረቱ ጳውሎስ በምን ቋንቋ ጻፈ የሚለውን ጉዳይ 100% እርግጠኛ ሆኖ መናገር የሚችል የለም.. ያው አብዛኛው የሃዲስ ኪዳን መጽሃፍት የተጻፉት በግሪኩ ነው ተብሎ ስለሚታመን ሁሉንም በግሪኩ ነው ብሎ የመጠቅለል ነገር ይታያል.. እኛ ቤተ ክርስቲያንም ላይ ቢሆን #አንዳንድ(ሁሉም አላልኩም) መምህራን የአዲስ ኪዳን መጽሃፍ በግሪክ ብቻ እንደተጻፈ ይናገራሉ.. እስቲ ጳውሎስ የሮሜን መልእክት በምን ቋንቋ እንደጻፈና ሮሜ 8፡ 34 ቃሉ ስለምን እንደሚናገር እንመልከት

ሃዲስ ኪዳን ሲጻፍ በሰዓቱ በስፋት ሲነገሩ በነበሩ 3 ቋንቋዎች እንደተጻፈ ይታመናል.. በእብራይስጥ፣ በግሪክ፣ በሮማይስጥ(ላቲን).. በሰዓቱ እነዚህ ቋንቋዎች በስፋት ስለመነገራቸው ከቅዱሱ መጽሃፍ ሳንዘል ማስረጃ መምዘዝ ይቻላል.. ይህም ተወዳጅ መድኃኒት ኢየሱስ በመስቀል ላይ ሳለ በእርሱ ላይ.. “ይህ የአይሁድ ንጉሥ ነው” ተብሎ የተጻፈው በእነዚህ በ3 ቋንቋዎች ነበር..

የሉቃስ ወንጌል 23

38፤ ይህ የአይሁድ ንጉሥ ነው ተብሎ #በግሪክና #በሮማይስጥ #በዕብራይስጥም ፊደል የተጻፈ ጽሕፈት ደግሞ በእርሱ ላይ ነበረ።

በተለያየ ቋንቋ የተጻፈበት ዋናው ምክኒያት የተለያየ ቦታ ላይ ያሉ ሰዎች የተለያየ ቋንቋ ይናገራሉና ነው.. ለምሳሌ ጳውሎስ በኢየሩሳሌም ሳለ ዕብራይስጥ ተናጋሪ ለሆኑ አይሁዶች በዕብራይስጥ አወራላቸው.. ሁካታ ተፈጥሮ ነበር በዕብራይስጥ ማውራት ሲጀምር ግን ጸጥታ ሰፈነ ይላል.. ዕብራይስጥ ለሚናገር ሰው በዕብራይስጥ፤ ግሪክም ለሚናገር ሰው በግሪክ.. እንጂ አካባቢው ላይ የሚነገረው ግሪክ ሆኖ በዕብራይስጥ ሊናገር አይችልም.. ያው መልእክቱን እንዲሰሙ ካልፈለገ በስተቀር..

የሐዋርያት ሥራ 21

40፤ በፈቀደለትም ጊዜ ጳውሎስ በደረጃው ላይ ቆሞ በእጁ ወደ ሕዝቡ ጠቀሰ እጅግም ጸጥታ በሆነ ጊዜ #በዕብራይስጥ_ቋንቋ እየተናገረ እንዲህ አለ።

የሐዋርያት ሥራ 22

1፤ እናንተ ወንድሞች አባቶችም፥ አሁን ለእናንተ ነገሬን ስገልጥ ስሙኝ።

2፤ #በዕብራይስጥም_ቋንቋ_ሲናገር_በሰሙ_ጊዜ_ከፊት_ይልቅ_ዝም_አሉ።

ዋናው ጉዳይ የመልእክቱ ተቀባዮች አካባቢ ላይ ምን ይነገራል የሚለው ነው.. ጸሃፊዎቹ ቅዱሳን ያው የቋንቋ ችግር አይኖርባቸውም ምክኒያቱም ከመንፈስ ቅዱስ ስጦታዎች አንዱ ቋንቋ ነበር በግእዙ ደግሞ ልሳን ማለት ነው.. በተለይ ጳውሎስ እጅግ በጣም ብዙ ልሳናትን ይናገር ነበር..

1ኛ ቆሮንቶስ 14

18፤ ከሁላችሁ ይልቅ በልሳኖች እናገራለሁና እግዚአብሔርን አመሰግናለሁ፤

በዚህ መልኩ ስናየው የዕብራውያንን መልእክት ሲጽፍ በራሳቸው ቋንቋ በእብራይስጥ እንጂ በግሪክ እንደማይሆን ግልጽ ነው.. በሰዓቱ እንደውም በዕብራውያን አይሁዶች እና በግሪክ አይሁዶች መካከል መጋጨትም እንደነበረ ይነገራል እናም እኚህ ዕብራውያን ግሪኩን አይፈልጉትም ነበር.. ወደ ሮሜም መልእክት ስንዞር ይሄው ነገር ይከሰታል.. ሮሜ ውስጥ በሰዓቱ በሰፊው የሚነገረው ቋንቋ የራሳቸውም እንደመሆኑ ሮማይስጥ(ላቲን) ነበር.. ሮም በሰዓቱ በግዛት ሃያል እንደነበረችም እውን ነው.. ሃዋርያው ቅዱስ ፓውሎስ ብቻ አይደለም ይልቁንም ወንጌላዊው ማርቆስም ወንጌሉን ሲጽፍ በሰዓቱ ለሮሜ ሰዎች ስለነበረ በሮማይስጥ እንደጻፈው ይነገራል.. ይህን ነገር የ2000 ዓ.ም የ81 አህዱ መጽሃፍ ቅዱስ የማርቆስ ወንጌል መጨረሻ ላይም ተገልጾ እናገኛለን.. የሌሎቹንም ወንጌላት እዛው ላይ ማየት ይቻላል.. እንግዲህ በጥቂቱ ጳውሎስ የሮሜን መልእክት በራሳቸው ቋንቋ ነው የጻፈላቸው ለማለት ይህን ካልን በግሪክ ለመጻፉ ግን ግሪኩ ሊሆን ይችላል ከማለት ውጪ ሌላ ምንም ማስረጃ የለም:: #ግሪኩ_ራሱ_ትርጉም_ነው..

በእንግሊዘኛውም ቢሆን ምልጃን የሚያመለክተው intercession የሚለው ቃል ከየት እንደመጣ ስንመለከተው በ15ኛው ክፍለ ዘመን ከሮማይስጡ intercedo ከሚለው ቃል ነው(www .dictionary.com) ስለዛ ወደሁዋላ መለስ ብለን የዚህን ቃል ትርጉዋሜ ስንመለከት intercedo ማለት መግታት፣ መከልከል፣ ማደናቀፍ የሚሉ ትርጉሞች እንዳሉት ድህረ ገጾች ላይ መዝገበ ቃላትን መበርበር ይቻላል..(http:// latin-dictionary. net/definition/24381/intercedo-intercedere-intercessi-intercessus) በብዛት ደግሞ veto የሚል ትርጉም ይዞ ታገኙታላችሁ veto የሚለውን ቃል ደግሞ google dictionary ሲፈታው በዚህ መልኩ ነው..

veto

/ˈviːtəʊ/

noun

1. 1.

a constitutional right to #reject_a_decision_or_proposal_made_by_a_lawmaking_body.

ሮሜ 8፡34 ላይ ያለውንም ቃሉ ስትመለከቱ የሚያጸድቅ እግዚአብሔር ነው የሚኮንንስ ማነው ይላል.. እግዚአብሔር በወሰነው ላይ ማን ይገባል እንደማለት ነው.. ይህንን ከስር እንመለከተዋለን..

ታዲያ እንዴት ነው.. ሮሜ 8፡34 ላይ ግሪኩ ከሮማይስጡ በሚተረጎምበት ሰዓት ተሳስቶ ይሆን..?? እስቲ ሮሜ 8፡ 34 ላይ ወዳለው የግሪኩ ቃል እንምጣ #entugchano ይለዋል.. ይሄ ቃል እግዲህ ሲጀመር ግዴታ ይማልዳል ማለት ብቻ አይደለም.. ከቅዱስ መጽሃፍ ሳንወጣ ይከሳል ማለትም ጭምር ነው.. መልእክቱን ሳንቀይር እስቲ እዛው ሮሜ 11፡2 እንመልከት

ወደ ሮሜ 11

2፤ እግዚአብሔር አስቀድሞ ያወቃቸውን ሕዝብ አልጣላቸውም። መጽሐፍ ስለ ኤልያስ በተጻፈው የሚለውን፥ በእግዚአብሔር ፊት እስራኤልን እንዴት #እንደሚከስ(Entugchano)፥ አታውቁምን?

ይህንን ደግሞ የግሪኩን ትርጉዋሜ በማየት ማረጋገጥ ይቻላል..

ኤልያስ እውነትም ከሶ እንደነበረ እና ምን ብሎ እንደከሰሰ ለማወቅ #1_ነገሥት_19 ይነበብ..

እስቲ ከዚሁ ጋር አያይዘን መጽሃፉ ስለምልጃ ፈጽሞ እንደማያወራ ይልቁንም ሰዎች ከዲያቢሎስ የተቀበሉት ተረት እንደሆነ ከአውዱ ለመረዳት እንሞክር..

ወደ ሮሜ 8

33፤ እግዚአብሔር የመረጣቸውን ማን ይከሳቸዋል? የሚያጸድቅ እግዚአብሔር ነው፥ የሚኰንንስ ማን ነው?

34፤ የሞተው፥ ይልቁንም ከሙታን የተነሣው፥ በእግዚአብሔር ቀኝ ያለው፥ ደግሞ ስለ እኛ የሚፈርደው ክርስቶስ ኢየሱስ ነው።

“እግዚአብሔር የመረጣቸውን ማን ይከሳቸዋል..??” ጳውሎስ ይህንን ጥያቄ ያነሳና ማንም አይከሳቸውም ምክኒያቱም አጽዳቂውም ኮናኙም ራሱ እግዚአብሔር ነውና ለማለት “የሚያጸድቅ እግዚአብሔር ነው የሚኮንንስ ማነው..??” በማለት እግዚአብሔር ያጸደቀውን ማንም ሌላ እንደማይኮንን ይልቁንም ከእርሱ ውጪ ሌላ ፈራጅ እንደሌለ ሲናገር..

“የሞተው ይልቁንም ከሙታን የተነሳው በእግዚአብሔር ቀኝ ያለው ደግሞ ስለ እኛ የሚፈርደው ክርስቶስ ኢየሱስ ነው” ብሎ ይናገራል እግዚአብሔር ያጸደቀውን ሌላ ፈራጅ ኬትም መቶ ሊኮንን አይችልም ምክኒያቱም ፈራጅ አምላክ እርሱ እግዚአብሔር ክርስቶስ ኢየሱስ ነው በማለት በግልጽ ይናገራል..

ሮሜ 8፡84 ላይ ያለው ቃል “የሚማልደው” የሚል ቢሆን ኖሮ ከራሳቸው ጋርም እንደሚጋጭ እስቲ እንመልከት.. ኢየሱስ ያማልዳል ሲሉ ምድር ላይ እያለ በሰራው ስራ ወይም ባፈሰሰው ደም እንደሆነና አሁን ላይ በ አብ ቀኝ ተቀምጦ እንደማይለምን ያምናሉ(አብዛኞቹ) ይሄንን የመጽሃፍ ቅዱስ ክፍል ስንመለከት ግን #የሞተው_ከሙታን_የተነሳው_በእግዚአብሔር_ቀኝ_ያለው... በማለት አሁን ሞቶ ከተነሳ ቦሃላ በእግዚአብሔር ቀኝ ሆኖ እንደሚማልድ ነበር ሊናገር የሚችለው.. ለራሳቸውም ይጋጭባቸዋል.. ይሄ በራሱ የሚያመለክተው ከላይ ያሉ የእምነቱ አራማጆች ምን ያህል የአጋንንትን ትምህርት እያደመጡ በቤተ ክርስቲያን ላይ እንደዘመቱ ያሳያል.. በእውነት እግዚአብሔር አምላክ የቤተ ክርስቲያንን የውስጥ ጠላቶች ያስታግስልን..

እኛም #ሃይማኖታችንን_እንጠብቅ በጽድቅ ስራም እንጎልብት.. ያኔ አማላጁ ሳይሆን #ፈራጁ_ኢየሱስ የጽድቅን አክሊል ያስረክበናል

2ኛ ጢሞቴዎስ 4

7፤ መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤

8፤ ወደ ፊት የጽድቅ አክሊል ተዘጋጅቶልኛል፥ ይህንም ጻድቅ ፈራጅ የሆነው ጌታ ያን ቀን ለእኔ ያስረክባል፥ ደግሞም መገለጡን ለሚወዱት ሁሉ እንጂ ለእኔ ብቻ አይደለም።

✍ወንድም አክሊል

💫አብ ሙታንን እንደሚያስነሣ ሕይወትም እንደሚሰጣቸው እንዲሁ ወልድ ደግሞ ለሚወዳቸው ሕይወትን ይሰጣቸዋል ሰዎች ሁሉ አብን እንደሚያከብሩት ወልድን ያከብሩት ዘንድ ፍርድን ሁሉ ለወልድ ሰጠው እንጂ አብ በአንድ ሰው ስንኳ አይፈርድም ወልድን የማያከብር የላከውን አብን አያከብርም›› የሚለውን የመጽሐፍ ቅዱስ ኃይለ ቃል መመልከቱ በቂ ይሆናል፡፡ (ዮሐ 5፡22-23)

የክርስቶስ መካከለኛነት ካሣ ነው ይህ ማለት እርሱ ስለ እኛ ኃጥያት ስርየት መካከለኛ ሆነ ፣ በእኛ እግር እዳ ከፋይ ሆነ በደላችንንመ ተሸከመ።(ኢሳ 53፣16) 1ኛ ጢሞ 2፣5-6 ያለውም መካከለኝነት ስለ እኛ እንደ ካሳ ከፋይ ራሱን መሰዋዕት አድርጎና የኃጢያታችንን ዋጋ ከፍሎ መካከለኛ ሆነ በተጨማሪም መካከለኛ የሚለው ቃል ግራ ላጋባችሁ

እጁን በኹለታችን ላይ የሚያኖር ዳኛ በመካከላችን ምነው በተገኘ! (ኢዮ 9÷33) መካከለኝነት ፈራጅነትን እንደሚያመለክት ከዚ ጥቅስ መገንዘብ ይቻላል

እኔ ህግንና ነቢያትን ልሽር አልመጣሁም ልፈፅም እንጂ›› ማቴ 5፤17

           “በእኔ በቀር ወደ አብ የሚመጣ የለም።” ስላለ ወደ አብ የሚወስደን አማላጅ ክርሰቶስ ነው የምንል ከሆነ፦ “አብ የሚሰጠኝ ሁሉ ወደ እኔ ይመጣል፥ ወደ እኔም የሚመጣውን ከቶ ወደ ውጭ አላወጣውም” /ዮሐ 6፥37/

“አብ ከሳበው በቀር ወደ እኔ ሊመጣ የሚችል የለም” ዮሐ 6፥44/ ከአብ የተሰጠው ካልሆነ ወደ እኔ ሊመጣ የሚችል የለም። ዮሐ 6፥65/  ሲል ጌታችን ኢየሱስ ክርስቶስ ተናግሯናልና እዚህ ጋር ደግሞ አማላጁ አብ ሊሆን ነው ማለት ነው። ይህ ደግሞ ትልቅ ስህተትና ኑፋቄ ነው። በሌላ ጥቅስ ላይ ደግሞ ሐዋርያው ቅዱስ ጳውሎስ ስለእኛ “መንፈስ ቅዱስ” ይቃትታል የሚል ፅፏልና “መንፈስ ቅዱስንም አማላጅ” ልንለው ይሆን? ታዲያ አብንም፣ ወልድንም፣ መንፈስ ቅዱስንም፤ አማላጅ እያሉ እንዴት ይዘልቁታል?

እኔንስ ብታውቁኝ አባቴን ደግሞ ባወቃችሁ ነበር።” ዮሐ 14፥7 ብሏል።