Зефір
Тётя ИраЗефір можна прыгатаваць дома і вельмі хутка. А калі замест цукру ўзяць замяняльнік, то ен атрымаецца яшчэ і нізкакаларыйным. Добра, калі будзеце гатаваць удвух, бо частку аперацый трэба выконваць адначасова. Але можна справіцца і адной. У цёці Іры атрымалася.
Прадукты, неабходныя для прыгатавання нізкакаларыйнага зефіру
Яблычнае пюрэ для дзіцячага харчавання, без цукру - 150 г
Замяняльнік цукру эрытрыт, змелены ў пудру - 60 г
Агар - агар - 10 г (можна больш)
Вада 20 г
Яйкі (толькі бялкі) - 2 шт
Лімонная кіслата - 1 - 2 г (апцыянальна)
Як гатуем зефір
Для зефірнай масы трэба два складнікі - сіроп і ўзбітыя бялкі. Калі гатуеце ўдвох, іх можна рабіць адначасова.
Пачынаем з прыгатавання сіропа. Для гэтага ў рондаль выліваем яблычнае пюрэ, дадаём замяняльнік цукру, агар - агар і ваду. Перамешваем і ставім на невялікі агонь. Варым пры памешванні да лёгкага загусцення.
Адначасова аддзяляем бчлкі і ўзбіваем іх да ўтварэння ўстойлівых пікаў. (Можна дадаць драбок лімоннай кіслаты).
Здымаем сіроп з агню і тонкім струменем уліваем у бялкі. Пры гэтым працягваем ўзбіваць.
Працягваем узбіваць зефірную масу да загусцення.
Вельмі хутка перакладаем гатовую масу ў кандытарскі пакет з насадкаю.
Высаджваем зефіркі на сіліконавы кілімок ці на талерку кругавымі рухамі.
Для стабілізацыі цукерак патрэбна каля гадзіны.