ПСИХОЛОГДАН БИР ҲИКОЯ - 8 қисм. СЕВГИ ҚИССАСИ. ДАВОМИ

ПСИХОЛОГДАН БИР ҲИКОЯ - 8 қисм

СЕВГИ ҚИССАСИ. ДАВОМИ

БОШИ ОЛДИНГИ ПОСТЛАРИМДА

-Хўп! Қўрқитмасдан гапиринг психологга!

-Биласанми? Мен бутун умр ўқиганман. Чет элда колледжни сўнг институтни битирдим. Менинг атрофимда ўзимга ўхшаган ғўддайганлар кўп бўлган. Яъни биз пулсизлик, қийналиш, меҳрсизлик деган тушунчаларни билмаганмиз. Уерларда фақат ота-онаси яхши пул тўлайдиганлар ўқий олади деб ўйлайман. Кийимимизни ҳам химчистка ювиб беради. Европада ўзи шунақа. Қачонлардир онамни соғинганимни эслайман. Сўнг бу соғинчлар ўтиб кетган. Тақдирга тан берганман. Шу палладан бошлаб мен дипломни олиш, яхши мутахасис бўлишга барча кучимни қаратганман. Отаси қарамаган, онаси ташлаб кетган, оиласи бузилиб калтак еганлар ҳақида эшитмаганман ҳам. Чунки яна айтаман мен ўқиган жойларда ота-онаси тайин, пули бор, боласидан хабар оладиганларнинг фарзандлари ўқийди. Бизнинг битта муаммойимиз вақтида видео орқали ота-онангга пулинг етарли эканлигини, қорнинг тўқ, устинг бут ва ўқишинг яхшилигини айтиб туришдан иборат бўлган.

Тўғриси сени кўриб сени тушунишим қийин бўлди. Нега бунча жонингни биз учун койитишингга бошида тушуна олмадим. Нима учун бизнинг уйда бунчалик кўп ўзингни уринтириб иш қилишингни ҳам тушунишим қийин бўлди.

-Еган нонимни оқлаб есам майлими?

-Шарифа сенга психолог бўлиб мени тингла деб илтимос қилдим-ку. Сенинг эса жаҳлинг чиқиб кетаяпти.

Хулласи, мен ҳақиқий меҳр нималигини тушуниб қолаяпман. Меҳр нималигини сен тушунтираяпсан. Ҳар куни тонгдан туриб “булар нима ейди?” дея овқат тайёрлаганинг меҳр экан. Ҳар куни бизни ўйлаб гап-сўзлари кўпаймасин дея “келин саломларга” кўнишинг меҳр экан. Шахина билан менинг никоҳимга совуқлик тушурмаслик учун ўзингни олиб қочишинг ҳам меҳр экан. Биласанми, мен шу меҳрни яхши кўриб қолдим. Мен мана шу меҳрга зорман. Ҳали бунақа меҳрни мен ҳеч кимдан ололмаганман, кўрмаганман ва муҳтож ҳам бўлмаганман. Сен шу меҳринг билан мени меҳрли бўлишга ўргатяпсан. Мен сени ҳимоямга олгим келиб кетаяпти. Сенинг етимликдаги қахрингни ўрнини раҳм эгаллашини жудаям истаяпман. Сенинг “ноноимни оқлаб есам майлими?” деган гапларинг кўзимга ёш келтираяпти. Шарифа мен энди қандай яшайман. Меҳрсиз яшаш одамлар олдида роль ўйнаш эканлигини тушундим.

-Шу қизнинг ҳам юраги борлигини у ҳам бу гапларни эшитиб яхши кўриб қолиши мумкинлиги ҳақида ўйлаб кўрмадингизми? Мана шу қахр! Бу гаплар мехр эмас, бу қахр! Меҳрингиз бўлганида Шахинага рахмингиз келган бўларди.

-Шахинанинг касаллиги ва кейинги тақдири Аллохнинг иродасига боғлиқ Албатта мен уни касал холда ташлаб қўймайман. Лекин у бизникига келмаслигини биласанми? Бундай меҳрга ботиб қолган “ягона қиз”, “эрка қиз”, “онаш қиз” бизникига келмаслигини биласанми? Мен биламан ўзимга ўхшаган инсонлар психологиясини. Агар ишонмасанг эртага уни олиб келгани борамиз ва у келмаса сени яна роль ўйнашга сўрайман. Мана кўрасан! У келмайди ва у сени менга бериб юборади!

-Йўқ! Йўқ! Ундай деманг! Қандай қилиб бериб юборар экан. Мен бир парча гўштмидимки, бериб юбораркак? Ўзининг эрига ўзи эгалик қилсин. Қисқаси ёмон психологман. Кетаман. Сизга маслаҳатим: бу гаплар ўртамизда бўлмади.

-Хўп эртага қўйиб келаман сени ва Шахинани олиб келаман. Лекин мен айтганимдек бўлса, сен келасан мен билан! Гап шу!

-Шахина опам келадилар!

Дарвоза очилди. Шахинани олиб кетишга бир машина бўлиб келишди. Эркак қуда эркак қуда билан, Аёл қуда аёл қуда билан саломлашиб меҳмонхонага кириб кетишди. Шарифа билан хеч ким кўришмади. Азизбек зимдан Шарифанинг юзига қараб қўйди. Бу холатни енгиб ўтган Шарифа юринг Шахина опамнинг олдиларига кирайлик деди.

Иккалови бир тусда охирги нафасдаги бирлик, мехрнинг охирги лаҳзалари, роль ўйнаган бўлсалар хам қанчалик бахт берган ўн кунлик асал ойи, меҳр ойи тугалланиш онлари...

Шахинанинг олдида беш олтита ўртоқлари бор экан. Учта йигит ва учта қиз. Азизбек аввалги Азизбек бўлганида бу ҳолатни оддий тушунган бўларди. Лекин бу сафар Азизбек Шахинанинг ўрнига Шарифани қўйиб кўрди. Шарифа бегона йигит билан гаплашиб ўтирмаган бўларди. Шу фикр ҳам Азизбекни ўз йўлида тўғри танлов қилганини тасдиқлади.

-Шахина, тузалиб қолибсану, мана ўртоқларинг ҳам сени зериктиришмаяпти экан.

Ўрнидан ҳам турмаган Шахина “Ҳа, келинг, бир оз яхшиман, шунга рухсат беришди ўртоқларим билан гаплашишимга” деди.

Боягина улар билан бор кучи ила кулишиб тургани ўрнини касалманд юз эгаллади. Овозида ҳам касалликдан эзилган мунг пайдо бўлди.

-Шарифа яхшимисан? Ошхонага боравер. Мен гаплашиб олишим керак.

-Азизбек ака, мен бу касал билан касалланмаганман. Дўхтирлар истерика яъни тўйдан ва куёвдан қўрқиш деб айтишди. Бу ўтиб кетди ҳисоб.

-Ўтиб кетдими ёки яна даволаниш керакмикан?

-Мендаги ўша ички қўрқув, ҳаяжон кетса ўтиб кетаркан.

-А, хўп, нимадан экан бу ички қўрқув?

-Билмасам, балки тунги кечадандир.

-Ўша ички қўрқувингни енгсанг олиб кетайми ёки хозир мен билан кетасанми?

-Ўзим ҳам сиздан шуни сўрамоқчи эдим. Ичимдаги шу ҳавотир ўтиб кетсин деяпман. Уйингизга борсам сиз айтган ишларни қила олмасам, яна қўзиб қолса бу истерика деб ўйлаяпман...

-Хулласи, яна Шарифани роль ўйнашга олиб кетайми? У кўнмаса кўндириб берасанми?

-У кўнади, Шарифа яхши қиз нимага кўнмас экан. Кўнади.

-Хўп бу гапни мен ота-онамга айтиб келай.

Азизбек Шахинанинг юзига ҳам қарамасдан эшик томон юрди. Зинадан тез-тез пастга тушди ва “Шарифа!” деб чақирди. Бу овозга қайнона чиқди:

-Азизбек меҳмонхонага киринг...

-Йўқ, мен сизга бир гап айтмоқчиман. Шахина тўлла тузалиб олгунича уйимда қолиб турай деяпти. Шунга Шарифани олиб кетмасам бўлмайди.

-Нимага бўлмаскан! Меҳмон, “келин салом” ўтиб бўлдику!

-Қани мен Шахина билан гаплашайчи, унинг ўзи кетар сиз билан.

-Йўқ, мен унга уйда қолиб яна даволаниши учун рухсат бердим. Фақат Шарифани чақиринг гаплашай.

-Сиз меҳмонхонага кираверинг, мен Шахинага қарай.

Азизбек меҳмонхона томон юргандек бўлди, қайнона эса Шахинанинг хонаси томон югуриб чиқиб кетдилар. Азизбек икки қадам меҳмонхона томон юрганидан кейин ошхона томон одимлади. Ошхонада идиш юваётган Шарифа ўша атир ҳидидан орқасида Азизбек турганини сезди. Кўзининг ёшини қандай артса экан.

-Шарифа, бўл, тайёрлан, мен билан кетасан! Мен ота-онамга Шахинанинг бироз уйида касали ўтиб кетгунича қолишига рухсат берганимни айтай!

Шарифа ўзини буюмдек ҳис қилди. На Шахина опаси, на унинг онаси Марҳамат опа Шарифанинг розилигини сўрамаса-я! Ҳаммага, ҳатто Азизбекга ҳам ўйинчоқ бўлган инсон етим қалб нимаям қилсин. Ҳовлига чиққанидан ҳаво кўплигидан ҳам ичига нафас етмади. Шарифа югуриб кўчага чиқди. Осмонга боқди. Кўзидан шашқатор ёшлар оёғининг тагидан ўтган ариқчадаги сувга томиб тушди. Оёғи ўша ариққа тушиб муздек сув кўзидаги ёшини музлатди. Оёғидаги шиппагининг бири ариқда оқиб кета бошлади. У югуриб шиппагини кийиб олди ва ўша тарафга қараб юриб кетди.

Кўзидаги ёш музлади у ўзига яна бир марта қахрли қарор чиқарди...

Мурожаат учун:

📞 +998909444612

📞 +998908055580

🔴 Youtube саҳифа

Каналга уланиш: @zebinisopsixolog