“Zakovat” viktorinasi

“Zakovat” viktorinasi

KONSEPSIYASI

@yoshlarittifoqi_uz telegram kanalida o‘tkaziladigan “Zakovat” viktorinasi konsepsiyasi

 

Tanlov nomi - “Zakovat” viktorinasi

Tanlov davomiyligi - 25 kun

Tanlov obyekti - O‘zbekiston yoshlar ittifoqining telegramdagi rasmiy sahifasi

 

Viktorinaning maqsadi – yoshlarning bo‘sh vaqtlarini mazmunli o‘tkazish va ularning intellektual salohiyati, mantiqiy fikrlash qobiliyatini oshirish hamda bilimdon yoshlarni qo‘llab-quvvatlash.


Viktorinani o‘tkazish mexanizmi – Viktorina 2 bosqich (saralash va final)da o‘tkaziladi.


Birinchi (saralash) bosqich – joriy yilning 12-yanvaridan 5-fevraliga qadar o‘tkaziladi. Ushbu bosqich uchun belgilangan savollar kun davomida (soat 12:00 va 18:00da) telegram ijtimoiy tarmog‘idagi @yoshlartanlovbot ga joylashtirib boriladi.


Berilgan savolga birinchi bo‘lib to‘g‘ri javobni yuborgan ishtirokchi Ittifoqning ijtimoiy tarmoqlardagi rasmiy sahifalarida eʼlon qilinadi. 24 kun (12-yanvar - 4-fevral) davomida 48 ta g‘olib aniqlanadi.


Ikkinchi (final) bosqich - joriy yilning 5-fevral kuni Yoshlar ittifoqining telegramdagi rasmiy kanali orqali 24 kun davomida aniqlangan (jami 48 nafar) g‘oliblar ishtirokida o‘tkaziladi va 3 nafar g‘olib quyidagi tartibda aniqlab olinadi:


- o‘yin davomida ishtirokchilarga 3 ta savol ketma-ketlikda taqdim etiladi va har bir savol yakunida 1 nafardan g‘olib aniqlanadi.


Loyiha yakunida O‘zbekiston yoshlar ittifoqining rasmiy sahifalarida g‘oliblar ro‘yxati eʼlon qilinadi. Final bahslaridagi 3 nafar g‘olibga iPhone 13 PRO va 45 nafar g‘olibga Smart watch taqdim etiladi.


Viktorinaning asosi quyidagilar:

- yoshlarning intellektual salohiyati va mantiqiy fikrlash qobiliyatini oshirish;

- “Zakovat” viktorinasida zukko yoshlarning faol ishtirokini taʼminlash;

- faol va bilimdon yoshlarni munosib rag‘batlantirish.


Kutilayotgan natija:

- yoshlarning bo‘sh vaqtlarini mazmunli va unumli o‘tkazilishiga erishiladi;

- yoshlarning kitob o‘qishga bo‘lgan qiziqishlari oshiriladi;

- mamlakatimizning izlanuvchan, bilimli, isteʼdodli yoshlari saralab olinadi;

- g‘olib yoshlar munosib taqdirlanadi.


Report Page