Жорий йил 1-чорагида “Иссиқлик электр станциялари” АЖ томонидан 14,6 млрд. кВт.соат электр энергияси ва 2 млн. Гкалл иссиқлик энергияси ишлаб чақарилиб ягона энерготизимга узатилди

Бу ҳақда АОКАда ўтказилган брифингда акциядорлик жамияти ахборот хизмати раҳбари Муҳаммаджон Бекмуҳаммедов маълум қилди:

“Иссиқлик электр станциялари” АЖ мамлакатимизда электр ва иссиқлик энергияси ишлаб чиқарувчи асосий генерация тизими ҳисобланади. Бугун юртимизда жами ишлаб чиқарилаётган электр энергиясининг 80 фоизи корхона зиммасига тўғри келади.

“Иссиқлик электр станциялари” АЖ томонидан 2023 йилнинг 1-чораги давомида 14,6 млрд. кВт.соат электр энергияси ва 2 млн. Гкалл иссиқлик энергияси ишлаб чақарилиб ягона энерготизимга узатилди. Бунда ишлаб чиқариш кўрсатгичлари 101 фоизга бажарилди.

Инвестиция дастурига асосан 6 та лойиҳа доирасида 21,1 млн. АҚШ доллари ўзлаштирилиб, белгиланган чораклик режа 112,6 фоизни ташкил этди.

Инвестиция лойиҳалари доирасида ҳозирги вақтда Тошкент ИЭМда ҳар бирининг қуввати 32 МВтга тенг бўлган иккита газ турбина қурилмасини қуриш ва Толимаржон ИЭСнинг қувватини камида 900 МВтга ошириш бўйича лойиҳалар амалга оширилмоқда.

Корхона олдида турган муҳим вазифалардан бири бу маҳсулот таннархини пасайтириш ҳисобланади, шу мақсадда олиб борилган чора-тадбирлар натижасида 2023 йил январь-март ойларида маҳсулот таннархи 68,4 млрд.сўмга пасайтирилиб, режа 101 фоизга бажарилди.

2023-2024 йиллар куз-қиш мавсумига тайёргарлик кўриш мақсадида 13 та энергоблок, 31 та қозон қурилмаси, 9 та буғ-газ қурилмаси ва 1 та газ-турбина қурилмасини мукаммал, ўрта ва жорий таъмирлаш ишлари режалаштирилган. Мавсумга тайёргарлик жорий йилнинг февраль ойидан бошланган бўлиб, бугунги кунга келиб 2 та қозон агрегатида ўрта таъмир ишлари якунланди,

3 та энергоблок, 1 та буғ-газ қурилмаси ва 7 та қозон агрегатида мукаммал ва ўрта таъмир ишлари амалга оширилмоқда. Режалаштирилган таъмир ишлари тўлиқ амалга оширилиши эвазига энергоқурилмаларнинг мавжуд қуввати 209 МВт ҳамда қозон қурилмаларнинг ишлаб чиқариш қуввати

483 тонна/соатга оширилишига эришилади.

2023 йил январь-март ойларида маҳаллийлаштириш дастури доирасида 29 та лойиҳа асосида қиймати 6,3 млрд.сўмлик маҳсулот ишлаб чиқарилиши режалаштирилган бўлиб, амалда ушбу кўрсаткич 9,5 млрд. сўмга ёки

150,9 фоизга бажарилди. Кооперация савдолари бўйича 2023 йил январь-март ойларида 33,8 млрд. сўмлик маҳсулот харид қилиш прогноз қилинган бўлиб, амалда 34,9 млрд.сўмга ёки 103,3 фоизга ижро этилди. Импортни қисқартириш 3,4 млн.долларга режалаштирилган бўлиб, амалда ушбу кўрсаткич 3,9 млн. долларни, режага нисбатан – 114,8 фоизни ташкил этди.