ЖОЙЛАРДА АДВОКАТЛАР БИЛАН ҲУҚУҚНИ МУҲОФАЗА ҚИЛУВЧИ ОРГАН ВАКИЛЛАРИ ИШТИРОКИДАГИ УЧРАШУВЛАРИ ДАВОМ ЭТМОҚДА
Куни кеча, 27 март куни Андижон вилоят адлия бошқармаси ва Адвокатлар палатаси Андижон вилоят ҳудудий бошқармаси ҳамкорлигида, Андижон вилоят прокуратураси, соҳавий суд, ДХХ ва ИИБ вакиллари иштирокида "Очиқ мулоқот" тарзида учрашуви бўлиб ўтди.
Ушбу учрашувда адвокатлар касбий фаолиятларига доир ўзларини қизиқтирган саволларига, ҳуқуқни муҳофаза қилувчи орган вакиллари томонидан жавоблар олдилар.
Бугунги учрашувдан адвокатлар мамнун бўлиб, келгусида ҳамкорликни давом эттириш хусусида соҳа вакиллари билан келишиб олдилар.
Учрашув ниҳоятда конструктив руҳда ўтиб, қизғин баҳс мунозаларга бой бўлди.