ЖИЗЗАХ: ҚУРИЛИШ ҚОИДА ВА ТАЛАБЛАРИГА АМАЛ ҚИЛИНГ!
ҚурилишҚурилиш объектларининг ҳажми ошгани сари унга қўйилган талаблар ҳам юқори бўлиши соҳа эгаларига яхши маълум. Қурилаётган бино ёки иншоот аҳоли учун нима мақсадда қурилиши жамиятга ва фуқароларга манфаат келтириши, шу билан бирга аҳолининг ҳаёти ҳамда мол-мулкига зарар етмайдиган табиий ҳамда техноген ҳалокатлар учун чидамлилик факторларига жавоб бериши керак. Бунинг учун қурилиш монтаж ишларини бошлашдан олдин ҳудуднинг геологик ҳолати, сейсмик, ёнғин хавфсизлик, санитария гигиена ва бошқа талаблардан келиб чиқиб, шаҳарсозлик ҳужжатлари тайёрланади ва шундан сўнг қурилиш ишлари бошланиши учун рухсат берилади. Аммо қурилиш соҳасида ҳам қонунни четлаб ўтган шахслар етарлича топилади.
Амалдаги қонунчиликка кўра қурилиш назорат инспекциясининг кўрсатмаларини ўз вақтида бажармаслик ҳолатлари маъмурий жавобгарлик кодексининг 99-моддасига асосан жавобгарликни кўзда тутади. Мисол тариқасида айтиш мумкинки, жорий йилнинг январь ойида Жиззах вилояти Ғаллаорол туманида тадбиркорлик субъектлари томонидан амалга оширилаётган пудрат ташкилотлар “Арслон Шамшод” ХК, “Маҳфуза-О” МЧЖ, “Колорит синтез” МЧЖ ҳамда шаҳарсозлик ҳужжатларини ишлаб чиққан лойиҳа ташкилотлари “Асилбек Пауер Прожект” МЧЖларга 1 та ҳолат бўйича ва “Гранд супер прожект” МЧЖга 5 та ҳолат бўйича Жиззах вилоят ҚСХН инспекцияси томонидан берилган кўрсатмаларни ўз вақтида бажармаганлиги аниқланган ҳамда ушбу ишлар бўйича ҳужжатлар йиғилиб, Ғаллаорол туман судига юборилган.
Жумладан, Жиззах шаҳар “Алишер Навоий” маҳалласида жойлашган бош пудратчи “Қангли қурилиш материллари” МЧЖ бўлган 4 каватли 3-4 хонали
32 хонадонли 14-сонли турар жой биноси қурилиш объектининг лойиҳа ҳужжатлари “ЎзШаҳарсозликЛИТИ” ДУК томонидан 2014 йил ишлаб чиқилиб, турар жойнинг 1-2-йўлагида жойлашган 16 та хонадонда қурилиш монтаж ишлари тугатилган. Бинонинг қолган қисмларида эса қурилиш монтаж ишлари давом этмоқда. Аммо бинонинг олд томонида пудрат ташкилот томонидан бино олдидан кўча томонга 6.0 п/м қўшимча ерга пойдевор қўйиш ишлари бажарилиб, қурилиш ишлари бошлаб юборилган. Бундан ташқари буюртмачи ва пудратчи “Қангли қурилиш материллари” МЧЖ томонидан тегишли шаҳарсозлик ҳужжатлари расмийлаштирилмаган яъни шаҳар Архитектура бошқармаси кенгашидан ўтказилмаган. Лойиҳа учун экпертиза хулосалари олинмасдан ўзбошимчалик билан қурилиш ишлари бошлаб юборилган. Ушбу ҳолат буйича Жиззах вилоят ҚСХН инспекцияси томонидан қурилиш монтаж ишларини тўхтатиш бўйича буюртмачига кўрсатма берилган ва йиғилган ҳужжатлар Жиззах шаҳар Прокуратурасига юбориш учун тайёрланмоқда.
Шунингдек, яна ушбу манзилда жойлашган (қурилиши тугалланмаган)
7 қаватли меҳмонхона биноси қурилиши буюртмачи ва пудратчи “Агростандартплюс” МЧЖ томонидан олиб борилмоқда. Объект тасдиқланган лойиҳа ҳужжатларига кўра 7 қават қурилиши талаб этилган бўлсада, бинога қўшимча 8-қават қурилиши бошлаб юборилган, буюртмачи бинога киритилган ўзгаришларни шаҳар Архитектура қурилиш бошқармаси билан келишувдан ўтказмаган, лойиҳа учун ижобий экспертиза хулосалари олинмаган. Ушбу ҳолат бўйича буюртмачи ташкилот “Агростандартплюс” МЧЖга ва лойиҳачи ташкилот “Жиззах бунёдкор лойиҳа” МЧЖга нисбатан ҳужжатлар тўпланиб, маъмурий жавобгарлик бўйича суд органларига юборилган. Жумладан, объектда қурилиш монтаж ишларини тўхтатиш бўйича инспекция томонидан кўрсатма берилган.
Шу ўринда айтиш мумкинки, Жиззах вилояти ҳудудида 2021 йил 15 февраль ҳолатига кўра жами 65 та тадбиркорлик субъектлари томонидан амалга ошириладиган қурилиш объектлари инспекция томонидан рўйхатга олинган. Тадбиркорлик субъектлари томонидан қурилаётган уй-жойлар таҳлил қилиб кўрилса, тадбиркорлар орасида ҳар хил соҳа вакиллари бор ва бу улар томонидан олиб борилаётган қурилиш объектларида ички ва техник назорат ишларининг олиб борилиш имкониятлари етарли эмаслигини кўрсатмоқда. Шунингдек, ҳозирда Жиззахда соҳа мутахассислари яъни қурилиш муҳандислари етишмаслиги кўп кузатилмоқда. Шаҳарсозлик соҳасида фаолият юритадиган тадбиркорларнинг баъзиларида қонунчилик нормалари ва талабларини билмаслик ёки ҳуқуқий савод етишмаслиги ҳам юзага чиқмоқда. Шу боис тадбиркор қурувчилардан амалдаги қонунчиликларни тушунган ва бошқалар тақдирини ҳам ўйлаган ҳолда қурилиш назорат инспекцияси мутахассислари томонидан талаб этилган кўрсатмалар ижросини ўз вақтида ва ўрнида бажаришларини сўраймиз.
Қурилиш вазирлиги
Матбуот хизмати