ЖАЛОЛИДДИН САИДОВ
https://t.me/vaqt_manzili* * *
Тун...
Қайдадур нимадир чархланаётур,
Гўё ҳар сония нархланаётур.
Шу чарх товушида эшитиб олдим,
Маҳкум қисматимиз шарланаётур.
Тун...
Ойнинг юзи заҳил, нечук парийди?
Ит назар қиларкан баттар қарийди.
Анов милтиллаган юлдузмас асли,
Ўша чарх сачратган учунларийди.
Тун...
Илонни инига кўмган чоларинг,
Ҳунарин кўргузар кўзбойлоқларинг.
Ноғора черттириб гўл бақаларга,
Жарчилик қилади чирилдоқларинг.
Тун...
Билмайсанми нечук азоби, номард?
Қанчалар бешафқат жазо бу, номард.
Нетиб кулликланган жонлиқ олдида,
Пичоғин чархлагай қассоби номард.
Тун...
Бунча чигал келгай тархи дунёнинг?
Балки шунда эрур фарқи дунёнинг.
Бошимни болишдай кундага қўйдим,
Амри бош устига, чархи дунёнинг.
Қайдадур нимадир чархланаётур...