«ZAKOVAT» интеллектуал ўйини бўлиб ўтди

Нурафшон шаҳридаги 1-умумий ўрта таълим мактабида шаҳар прокуратураси ва халқ таълими бўлими хамкорлигида махсус дастур асосида «ZAKOVAT» интеллектуал ўйини бўлиб ўтди.

Унда Нурафшон шаҳри прокурори Фахриддин Мирзаев, Нурафшон шаҳри ҳокими ўринбосари Насиба Кулбекова, Муқимий номли Ўзбекистон давлат мусиқали театри актёри, Ўзбекистонда хизмат кўрсатган артист Турғун Бекназаров иштирок этишди.

Анъанавий тарзда ўтказиб келинаётган интеллектуал ўйин ўқувчиларда келажакда ўз ўрниларини топишларида, жиноятчилик ва ҳуқуқбузарликларнинг олди олинишида пойдевор бўлишига шубҳа йўқ. 

Таълим муассасаларидан 13 та жамоа иштирок этиб, қизғин жараён кузатилди.

"Прокурор кубоги" нинг навбатдаги мутлоқ ғолиби 4-ИДУМ "ERUDIT" жамоаси бўлди. 

Шунингдек, иккинчи ўрин 9-мактаб "SMART" ва учинчи ўрин 25-мактаб "KELAJAK" жамоларига насиб қилди.

Нурафшон шаҳар ҳокимлиги ахборот хизмати

@Nurafshonpressa