Yunusobod tumanidagi 228-sonli va Uchtepa tumanidagi 81-sonli umumta’lim maktablarida o’quvchi yoshlarning ota-onalari ishtirokida yig’ilish bo’lib o’tdi.

Yig’ilishda ota-onalarga farzandlarini sababsiz dars qoldirishini va o’z vaqtida maktabga kelishini nazorat qilishi, shuningdek darslarga faol qatnashishi, ularning bilim saviyasini oshirish va vatanparvarlik ruhida tarbiyalash maqsadida tushuntirishlar berildi.

Shu bilan bir qatorda, farzandining bilim olishiga mas’uliyatsizlik bilan qaragan va boshqa sabablarga ko’ra maktabga borishiga to’sqinlik qilgan ota-onalarga nisbatan o’rnatilgan tartibda choralar ko’rilishi haqida eslatildi.